கற்பூரவள்ளி

**மாணிக்கம் நடேசன்** · 14/12/2009

கற்பூரவள்ளி

வீடுகளில் அழகுக்காக வளர்க்கப்படும் மணி பிளானட் போல் , கற்பூரவள்ளியும் தொட்டிகளில் வளர்க்கப்படும் ஒரு கொடிவகை சிறு செடியாகும் .பெரும்பாலும் வீட்டில் வார்க்கப்படும்
அது வீட்டுக்கு மட்டும் அழகை தருவதில்லை மனித உடலுக்கும் காசம் எனும் நோய் போன்ற மூச்சு குழாய் நோய்களில் இருந்து காத்து உடம்பிற்கும் அழகை தருகிறது . சும்மா சீந்திகிட்டே இருந்தால் அழகா இது அதில் இருந்து விடுதலை அளிக்கும்.

கற்பூர வள்ளியின் கழறிலை யைத்தின
நற்பாலர் நோயெலா நாசமா யகலுமே
இது தேரையர் குணபாடம் கூறுவது.

இது குழந்தைகள் முதல் பெரியவர்கள் வரை அனைவருக்கும் மிகுந்த பலனளிக்கக் கூடியது.
இந்தியாவில் தமிழ்நாடு, கேரளா, கர்நாடகா பகுதிகளில் அதிகம் வளர்கிறது. இதன் இலைகள் காரம் கலந்த சுறுசுறுவென்ற சுவையுடன் இருக்கும்.

இதன் இலை தடித்து காணப்படும்.இது குழந்தைகள் முதல் பெரியவர்கள் வரை அனைவருக்கும் மிகுந்த பலனளிக்கக் கூடியது. இதன் இலைகள் சொரசொரப்பாக இருக்கும். இதன் இலைகளை ஒடித்தாலோ அல்லது கிள்ளி எடுத்தாலோ நல்ல தைல வாசனை வரும். இது 2 அடிவரை வளரக்கூடியது. வேர்கள் அதிக ஆழம் செல்லாமல் கொத்து வேராக இருக்கும். இலையே மருத்துவக் குணம் உடையது. தமிழகமெங்கும் தானாகவே வளர்கின்றது.

இது முக்கியமாக வீடுகளில் வளர்க்கக் காரணம் , இது குழந்தைகளுக்கு வரும் சளி முதலிய நோய்களுக்கு கை கண்ட மருமத்து .

பிறந்த சிறிய குழந்தைக்கு கூட நம்பி இதன் சாரை கொடுப்பதை இன்னும் காணலாம் .

காச இருமல் கதித்தம சூரியயையம்
பேசுபுற நீர்க்கோவை பேருங்காண் -வீசுசுரங்
கற்பாறை யொத்துநெற்சிற் கட்டுகபம் வாதமும்போங்
கற்பூர வள்ளிதனைக் கண்டு
(அகத்தியர் குணபாடம்)

சிறு குழந்தைகளுக்கு அடிக்கடி சளிப் பிடித்துக்கொண்டு இருமல் உண்டாகும். இது அவர்கள் உடல் நிலையை பல்வேறு வகைகளில் பாதித்து பல நோய்களை உண்டாக்கிவிடும்.
கற்பூர வள்ளியின் இலையைச் சாறெடுத்து அதனுடன் பனங்கற்கண்டு கலந்து குழந்தைகளுக்கு கொடுத்து வந்தால் இருமல் நீங்கும். மேலும் குழந்தைகளுக்கு உண்டாகும் மாந்தமும் விலகும்.

தாவர பெயர் Coleus Aromaticus.
வேறு பெயர் ஓம வள்ளி

இன்று குழந்தைகள் முதல் பெரியவர்கள் வரை அனைவரையும் வாட்டி வதைக்கும் நோய்களில் ஆஸ்துமாவும் முக்கியமானது . இந்து இயற்க்கை கெடுவதால் காற்றின் தூய்மை கெடுவதால் வருவது .. ஆஸ்துமா நோயால் பாதிக்கப்பட்டவர்களுக்கு அதிக மூச்சிரைப்பு ஏற்படும். இளைப்பு நோய் உருவாகும். மேலும் இருமலும் ஏற்படும்.

இவர்கள் தினமும் காலையில் கற்பூரவள்ளி இலையின் சாறெடுத்து அதனுடன் பனங்கற்கண்டு அல்லது தேன் கலந்து அருந்திவந்தால் ஆஸ்துமாவினால் உண்டான பாதிப்புகளிலிருந்து படிப்படியாகக் குணமடையலாம்.

மூக்கில் நீர் வடிந்து அது சில நாட்களில் சளியாக மாறி இருமலை ஏற்படுத்திவிடும். இவர்கள் கற்பூரவள்ளி இலையின் சாறை எடுத்து தேன் கலந்து அருந்தி வந்தால் சளி மற்றும் இருமல் தொல்லையிலிருந்து விடுபடலாம்.

காசநோயால் உண்டான பாதிப்புகள் குறைய கற்பூரவள்ளி சிறந்த மருந்தாகும். கற்பூரவள்ளி இலையை சாறு எடுத்து அதனுடன் தேன் கலந்து அருந்தி வந்தால் காச நோயால் ஏற்பட்ட பாதிப்புகள் குறையும்.

இதை இந்திய மருந்து கழகம் ஆராய்ந்து முடிவை தந்திருக்கிறது .
Based on these results, it could be suggested that Coleus aromaticus stabilizes mast cells in the rat mesenteric tissue. As mast cells play a major role in Type I hypersensitivity-mediated diseases like allergic asthma and rhinitis, [7] studies are under way to evaluate the efficacy of Coleus aromaticus due to its mast stabilization property in these animal allergic models.

கற்பூரவள்ளி ஒரு கிருமி நாசினியாகும். வீட்டிலும் சுற்றுப்புறத்தை காக்கும் . சித்தர்கள்களுக்கு இந்த வல்லி எனும் பெயர் மேல் ஒரு ஆசை உண்டு. அமிர்த வள்ளி , கற்பூரவள்ளி என பல மூலிகைக்கு பெயர் வைத்துள்ளனர். வீட்டைச் சுற்றி கற்பூரவள்ளியை நட்டு வளர்த்தால் விஷப் பூச்சிகள் தொல்லையிலிருந்து தப்பலாம்.

இதன் இலைகள் காரம் கலந்த சுறுசுறுவென்ற சுவையுடன் இருக்கும். இதன் இலை தடித்து காணப்படும். இது குழந்தைகள் முதல் பெரியவர்கள் வரை அனைவருக்கும் மிகுந்த பலனளிக்கக் கூடியது.

கற்பூரவள்ளி இலையைப் பறித்து சாறு பிழிந்து சங்களவு எடுத்து அத்துடன் கோரோசனை சிறிது இழைத்துப்போட குழந்தைகளுக்குக் காணும் மாந்தம் செரியாமை, காய்ச்சல் குணமாகும்.

கற்பூரவள்ளியிலைச் சாறு 100 மில்லியளவு எடுத்து சிறிது கற்கண்டை பொடி செய்து கலந்து குடித்து வர தொண்டைக் கமறல் நீங்கும். இன்னும் உருளை கிழங்கு வாழை காய் பஜ்ஜி செய்து சாப்பிட்டு வாயுத் தொல்லையில் மாட்டிக்கொண்டு அவஸ்தை படுவதை விட, கற்பூரவள்ளி இலையை உபயோகித்து சுவையான பஜ்ஜி செய்யலாம்.

**M.M.SENTHIL** · **M.M.SENTHIL** Thu Aug 21, 2014 2:36 pm

பயனுள்ள தகவல், நன்றி.

**krishnaamma** · **krishnaamma** Fri Aug 22, 2014 10:06 pm

கற்பூரவல்லி

இதை 'கற்பூரவல்லி' என்று தானே சொல்லுவா? ஒன்னும் புரியல

மேலே விக்கி பீடியா லிங்க் தந்திருக்கேன் பாருங்கள் புன்னகை

**சிவா** · **சிவா** Fri Aug 22, 2014 10:31 pm

கற்பூரவல்லி பற்றிய தகவலுக்கு நன்றி!

**சிவா** · **சிவா** Fri Aug 22, 2014 10:35 pm

krishnaamma wrote:கற்பூரவல்லி

இதை 'கற்பூரவல்லி' என்று தானே சொல்லுவா? மேலே விக்கி பீடியா லிங்க் தந்திருக்கேன் பாருங்கள்

விக்கிபீடியாவில் உள்ளவர்கள் அனைவரும் முனைவர் பட்டம் பெற்றவர்கள் இல்லையே அக்கா.

இணையத்தில் பரவலாக கற்பூரவல்லி மற்றும் கற்பூரவள்ளி என்றே பயன்படுத்தியுள்ளார்கள். எது சரி என்பதை நமது முனைவர் ஆதிரா அக்காதான் கூற வேண்டும்!!

ஒரே கட்டுரையில் தலைப்பை கற்பூரவள்ளி என்றும் உள்ளே கற்பூரவல்லி என்றும் எழுதியுள்ளார்கள். ஒருவேளை இரண்டையும் பயன்படுத்தலாமோ!

யினியவன் · யினியவன் Fri Aug 22, 2014 10:38 pm

நல்ல பகிர்வு அய்யா

இதுதான் மெய்யாலுமே கற்பூர நாயகியே கனகவல்லி (கற்பூரவள்ளி) போலிருக்கு

**krishnaamma** · **krishnaamma** Sat Aug 23, 2014 10:03 am

சிவா wrote:
krishnaamma wrote:கற்பூரவல்லி

இதை 'கற்பூரவல்லி' என்று தானே சொல்லுவா? மேலே விக்கி பீடியா லிங்க் தந்திருக்கேன் பாருங்கள்

விக்கிபீடியாவில் உள்ளவர்கள் அனைவரும் முனைவர் பட்டம் பெற்றவர்கள் இல்லையே அக்கா.

இணையத்தில் பரவலாக கற்பூரவல்லி மற்றும் கற்பூரவள்ளி என்றே பயன்படுத்தியுள்ளார்கள். எது சரி என்பதை நமது முனைவர் ஆதிரா அக்காதான் கூற வேண்டும்!!

ஒரே கட்டுரையில் தலைப்பை கற்பூரவள்ளி என்றும் உள்ளே கற்பூரவல்லி என்றும் எழுதியுள்ளார்கள். ஒருவேளை இரண்டையும் பயன்படுத்தலாமோ!

மேற்கோள் செய்த பதிவு: 1081516

ஆதிராக்காக காத்திருப்போம் சரி புன்னகை

யினியவன் · யினியவன் Sat Aug 23, 2014 10:07 am

ஆதிராவள்ளி இன்னும் வல்லி இல்ல இல்ல ஆதிரா இன்னும் வரல ன்னு சொல்ல வந்தேன் - செமையா கொழப்புராங்கப்பா புன்னகை

PAULDURAI · PAULDURAI Fri Aug 28, 2015 8:49 am

கற்பூரவல்லி
கற்பூரவல்லி (Coleus aromaticus) இது ஓர் அற்புதமான மூலிகை செடி. இதன் தாயகம் இந்தியாதான். இதன் தண்டும், இலைகளும் பயன்தரக்கூடியவை. இதன் வேறு பெயர்கள் - ஓமவல்லி, ஒதப்பன்னா, பாசானபேதி, கண்டிரி போரேஜ்.
வாசனை மிக்கதான இச்செடியின் தண்டு முள்போல நீண்ட மயிர்த் தூவிகளைக் கொண்டிருக்கும். இதன் இலைகள் தடிப்பாகவும் மெதுமெதுப்பாகவும் இருக்கும். கசப்புச் சுவையும் காரத்தன்மையும் வாசனையும் இதன் இலை மருத்துவ குணம் கொண்டது.
எப்படி சாப்பிடலாம்?
கற்பூரவல்லி இலைகளை தேங்காய், பருப்பு, மிளகாய், கொத்தமல்லி, கறிவேப்பிலை சேர்த்து சட்னியாக செய்து சாப்பிடலாம்.
இதன் இலைகளை நன்கு கழுவி, கடலை மாவு சேர்த்து, பஜ்ஜி, பகோடா செய்து சாப்பிடலாம்.
என்ன பல‌ன்கள்?
கற்பூரவல்லி தாவரத்தின் பாகங்கள்இருமல், சளி, ஜலதோஷம் போன்ற நோய்களுக்குமுக்கிய மருந்து.
இலைச்சாறு, நல்லெண்ணெய், சர்க்கரை இவற்றை நன்குகலக்கி நெற்றியில் பற்றுப் போடத் தலைவலி நீங்கும்.சூட்டைத் தணிக்கும்.
இந்த மூலிகை குழந்தைகளின் அஜீரண வாந்தியை நிறுத்தக் கூடிய மருத்துவ குணத்தைப் பெற்றிருக்கிறது.
வயிறு சம்பந்தப்பட்ட நோய், இளைப்பு நோய்களுக்கு உள் மருந்தாகவும், கண் அழற்சிக்கும் இதன் சாறு மேல் பூச்சாக தடவ குணம் தரும்.
உடலின் சளி நீங்க இலைகளை அரைத்து நீர்கலந்து கொதிக்க வைத்து ஏலக்காய், கிராம்பு (சிறிதளவு) மற்றும் ஒரு ஸ்பூன் தேன் சேர்த்து 3 நாட்களுக்கு தினசரி 2 வேளை பருகி வரவும்.
ஆயுர்வேதம் மற்றும் சித்த மருத்துவம்.'s photo.

**krishnaamma** · **krishnaamma** Fri Aug 28, 2015 1:48 pm

இது பத்தின திரி ஏற்கனவே இருக்கு, எனவே இதை அதனுடன் இணைக்கிறேன் புன்னகை

Sponsored content · Sponsored content

கற்பூரவள்ளி

கற்பூரவள்ளி

Re: கற்பூரவள்ளி

Re: கற்பூரவள்ளி

Re: கற்பூரவள்ளி

Re: கற்பூரவள்ளி

Re: கற்பூரவள்ளி

Re: கற்பூரவள்ளி

Re: கற்பூரவள்ளி

கற்பூரவல்லி

Re: கற்பூரவள்ளி

Re: கற்பூரவள்ளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக