வாயை திறக்க முடிந்தால் தானே வாய் விட்டு சிரிப்பதற்கு!!

**ayyasamy ram** · **ayyasamy ram** Tue Aug 19, 2014 5:51 pm

-
கிண்டிய அல்வா வாயில்
கோந்து ஆன கதைகள்
நிறைய கேட்டதுண்டு
வாய் விட்டு சிரித்ததுண்டு
ஆனால் நானே என் கையால்
முதன் முறையாய் சிரமப்பட்டு
செய்த பீட் ரூட் அல்வாவை
வாயில் வைத்த போது என்னால்
சிரிக்க முடியவில்லை ஏனெனில்
வாயை திறக்க முடிந்தால் தானே
வாய் விட்டு சிரிப்பதற்கு!!

**ayyasamy ram** · **ayyasamy ram** Tue Aug 19, 2014 5:52 pm

-
ஆசிரியர்:
உங்க பையன் வருங்காலத்துல பெரிய அரசியல்வாதியா
வருவான்!
-
அவர்: எப்படி சொல்றீங்க சார்?
-
ஆசிரியர்: கேள்வி கேட்டா “நெஞ்சு வலிக்குது’ன்னு
பெஞ்ச்ல படுத்துக்கறானே!
-
-----------------------------------------
-
”பொண்ணு பார்க்க வந்த நீங்க, எதுக்கு சொம்புல தண்ணியும்
கொண்டு வந்து இருக்கீங்க?”
-
”பொண்ணு ரொம்ப அழகுன்னு சொன்னாங்க. பொண்ணோட
அழகுலே மாப்பிள்ளை மயங்கிட்டா, தண்ணி தெளிச்சு
எழுப்பத்தான்!”
-
>கு.அருணாசலம், தென்காசி.
-
----------------------------------------
-
”நம்ம பெண்ணோடபிறந்த நாளாச்சே… இருக்கிற
நகையெல்லாம் போட்டுவிடு.”
-
”போசாம இருங்க… எப்ப நகை சிக்கும்… ஓடிப்போகலாமின்னு
எதிர்பார்த்துக்கிட்டு இருக்கா…”
-
>அ.சா.குருசாமி, திருநெல்வேலி.
-
--------------------------------------
-
”என் பேச்சை கேட்காமல் என் மனைவி நடக்கமாட்டாள்!”
-
”என்னப்பா இது! நடப்பதற்கு கூட உன் மனைவி உன்
பேச்சைக் கேட்க வேண்டுமா?”
-
>என்.சி.தர்மலிங்கம், நாமக்கல்.
-
--------------------------------------