பெண்கள் மீதான தாக்குதல்களில் இளம் வயதினர் ஈடுபடுவது 132% அதிகரிப்பு!

புதுடெல்லி: பெண்கள் மீதான தாக்குதல் வழக்குகளில் இளம் வயதினர் ஈடுபடுவது 132 சதவீதம் அதிகரித்து உள்ளதாக தேசிய குற்ற ஆவண காப்பகம் தெரிவித்துள்ளது.

இது தொடர்பாக தேசிய குற்ற ஆவண காப்பகம் வெளியிட்டுள்ள அறிக்கையில், 2013ஆம் ஆண்டு பெண்கள் மீதான தாக்குதலில் இளம் வயதினர் ஈடுபடுவது அதிக அளவு அதிகரித்துள்ளது. கடந்த ஆண்டை விட இது 132.3 சதவீதம் அதிகரித்து உள்ளது.

பெண்களுக்கு ஈவ் டீசிங் மூலம் அவமானம் விளைவிக்கபட்ட வழக்குகளில் இளம் வயதினர் ஈடுபடுவது 70.5 சதவீதம் அதிகரித்துள்ளது. பெண்கள் பாலியல் பலாத்காரம் செய்யப்பட்ட வழக்குகளில் இளம் வயதினர் ஈடுபடுவது 60.3 சதவீதம் அதிகரித்துள்ளது. இந்திய தண்டனை சட்டப்படி மொத்தம் கைதான குற்றவாளிகளில் 66.3 சதவீதம் பேர் 16 முதல் 18 வயது வரை உள்ள இளம் குற்றவாளிகள். 2012ஆம் ஆண்டு 27,936 குற்ற வழக்குகள் இளம் வயதினர் மீது பதிவாகி உள்ளது. 2013ஆம் ஆண்டு 31,725 குற்ற வழக்குகள் இளம் வயதினர் மீது பதிவாகி உள்ளது. இது 13.6 சதவீதம் அதிகரிப்பாகும்.

கடந்த வரும் திருட்டு வழக்குகளில் அதிகபட்சமாக 7,969 இளம் குற்றவாளிகள் கைதாகி இருந்தனர். காயப்படுத்துதல் வழக்குகளில் 6,043 பேரும், வழிப்பறி வழக்குகளில் 3,784 பேரும் கைது செய்யப்பட்டனர். இது மொத்த இந்திய தண்டனை சட்ட குற்றகளில் இளம் குற்றவாளிகள் 40.9 சதவீதமாகும்.

பல்வேறு குற்ற வழக்குகளில் மொத்தம் 49,506 இளம் குற்றவாளிகள் ஈடுபட்டுள்ளனர். இதில் 8,392 பேர் படிக்காதவர்கள். 13,984 பேர் தொடக்க கல்வி கற்றவர்கள். இந்த இரு வகையை சேர்ந்தவர்களும் 2013ல் மொத்தம் கைதாகியுள்ள இளம் வயதினரில் 50.2 சதவீதம் உள்ளனர். இதில் ஆண்டுக்கு ரூ.25 ஆயிரம் வருமானம் மட்டுமே வரக்கூடிய ஏழை குடும்பத்தை சேர்ந்த இளம் வயதினரும் அடங்குவர்.

இதில் பெற்றோருடன் உள்ள இளம் வயதினர் 35,244. இது மொத்த இளம் குற்றவாளிகளில் 81 சதவீதமாகும். இவர்கள் 2013ல் பல்வேறு குற்ற வழக்குகளில் கைது செய்யப்பட்டுள்ளனர்.

இது குறித்து மத்திய மகளிர் மற்றும் குழந்தைகள் மேம்பாட்டுத்துறை அமைச்சர் மேனாகா காந்தி கூறுகையில், "வயது வந்த குற்றவாளிகளுக்கு இணையாக இளம் குற்றவாளிகள் பாலியல் பலாத்காரம் போன்ற கொடிய செயல்களில் ஈடுபடுகிறார்கள். 50 சதவீத பாலியல் குற்றங்களில் 16 வயதுடையவர்கள் ஈடுபடுகிறார்கள். இதனால் சிறுவர்கள் சீர்திருந்த சட்டங்களால் என்ன செய்ய முடியும். திட்டமிட்டு கொலை, பாலியல் பலாத்காரத்தில் ஈடுபடும் இளம் குற்றவாளிகளையும் வயது வந்தோர் படியலில் சேர்த்தால் அது அவர்களை பயமுறுத்தும்" என்று கூறியுள்ளார்.

([color:b863= rgb(255, 0, 0)]வயது குறைந்த ) சிறார் /சிறுமி (juvenile)என பார்க்காது , செய்கின்ற குற்றம் , பெரியவர்கள் செய்கின்ற குற்றம் (adult crime )என்றால் ,
குற்றவாளிகள் பெரியவர்கள் பிரிவில் சேர்க்கப்பட்டு ,அதற்குரிய தண்டனை தரப்பட வேண்டும் .


ரமணியன்

எல்லாம் மொபைல் போனால் வந்தது...............10 பைசா விற்கு 10 எம் பி என்று மட்டமான 'சீன்களை' டவுன்லோட் செய்யும் வசதி இருக்காமே, அப்புறம் என்ன? ...............அந்த கண்ட்றாவி எல்லாம் பார்த்துட்டு சின்ன பசங்க இப்படி 'behave ' செய்யறாங்க...................இதுக்கு என்ன செய்வது?          

சிறார் சிறுமிக்கு தண்டனை அளிக்கும்போது
அவர்களின் பெற்றோர்களுக்கும் குறைந்த பட்ச
தண்டனையாவது வழங்க வேண்டும்...
-