திருப்பதி கோவிலுக்கு வந்த இடத்தில் பேசும் திறன் பெற்ற லண்டன் வாலிபர்

**T.N.Balasubramanian** · **T.N.Balasubramanian** Mon Aug 11, 2014 5:04 am

திருப்பதி ஏழுமலையான் கோவிலுக்கு வந்த இடத்தில் பேசும் திறன் பெற்ற லண்டன் வாலிபர்

ஹைதராபாத்: வாய் பேச முடியாமல் இருந்த லண்டனில் வசிக்கும் இந்திய வாலிபருக்கு திருப்பதி ஏழுமலையான் கோவலிலுக்கு
வந்தபோது பேசும் திறன் கிடைத்துள்ளதாம்.இது குறித்து திருமலை-திருப்பதி தேவஸ்தானம் வெளியிட்டுள்ள செய்திக்குறிப்பில்
கூறப்பட்டிருப்பதாவது,டெல்லியை பூர்வீகமாக கொண்டவர் பிரதீமா. இவர் கடந்த 30 ஆண்டுகளாக இங்கிலாந்து நாட்டின் தலைநகர்
லண்டனில் குடும்பத்துடன் வசித்து வருகிறார். இவருடைய 18 வயது மகன் தீபக். சிறுவனாக இருந்த போதே தீபக்குக்கு பேச்சு வரவில்லை.
பல ஆண்டுகள் சிகிச்சை பெற்றும் பலன் இல்லை.சில ஆண்டுகளுக்கு முன் திருப்பதி ஏழுமலையான் கோவிலுக்கு வந்த பிரதீமா குடும்பத்தினர்,
தீபக்குக்கு பேச்சு வர வேண்டும் என்று ஏழுமலையானிடம் வேண்டிக் கொண்டனர்.இந்த நிலையில் நேற்று அவர்கள் மீண்டும் குடும்பத்துடன்
ஏழுமலையான் கோவிலுக்கு வந்து சாமி தரிசனம் செய்தனர். சாமி கும்பிட்டு விட்டு வெளியே வந்த தீபக்குக்கு திடீரென்று பேச்சு வந்தது.
அவர் பேச ஆரம்பித்ததை பார்த்ததும் அவரது தாயார் பிரதீமாவும், குடும்பத்தினரும் மிகுந்த ஆச்சரியமும் மகிழ்ச்சியும் அடைந்தனர்.
இவ்வளவு நாளாக பேச முடியாமல் இருந்த தனது மகன் திடீரென்று நன்றாக பேசியது அற்புதம் தான் என்று பிரதீமா நிருபர்களிடம்
தெரிவித்தார் என்று அதில் தெரிவிக்கப்பட்டுள்ளது.

நன்றி that's தமிழ்

ரமணியன்

**ayyasamy ram** · **ayyasamy ram** Mon Aug 11, 2014 1:30 pm

இப்படிப்பட்ட அதிசயங்கள் நடந்து கொண்டுதான் இருக்கின்றன
-
பிலிப்பைன்ஸ் நாட்டைச் சேர்ந்த தம்பதியினர்
தங்களின் மனநிலை பாதிக்கப்பட்டிருந்த மகன்
குணமடைய வேண்டும் என பலவித வைத்தியங்கள்
செய்து விட்டு, இறுதியாக நாடி ஜோதிடமும்
பார்த்துள்ளனர்.
-
அதில் கடலூர் மாவட்டம் சிதம்பரம் வட்டத்திலுள்ள
ஒரு கிராமத்தில் இருக்கும் அம்மன் கோயிலுக்கு
சென்றால் வியாதி தீர வாய்ப்பு இருக்கிறது என சொல்லப்படவே
அந்த கோயிலை தேடி கண்டுபிடித்து வந்துள்ளனர்.
-
கோயில் படி ஏற தடுமாறிய அந்த மனநிலை பாதிக்கப்படிருந்த
இளைஞனை கோயில் பூசாரி கைகொடுத்து கோயில் உள்ளே
இழுக்க, பட்டென்று மனநிலை சரியாகி விட்டது அந்த
இளைஞனுக்கு...
-
பல ஆண்டுகளுக்கு முன்னர் நடந்த இந்நிகழ்வை
இப்போதும் அந்த கிராமத்திலுள்ள பெரிசுகள் சொல்கிறார்கள்.
-

திருப்பதி கோவிலுக்கு வந்த இடத்தில் பேசும் திறன் பெற்ற லண்டன் வாலிபர்

திருப்பதி கோவிலுக்கு வந்த இடத்தில் பேசும் திறன் பெற்ற லண்டன் வாலிபர்

Re: திருப்பதி கோவிலுக்கு வந்த இடத்தில் பேசும் திறன் பெற்ற லண்டன் வாலிபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக