மனிதன் உயர்வதெப்போது?

**ayyasamy ram** · **ayyasamy ram** Sun Aug 10, 2014 6:45 am

-----

ஆசையால் - தெரிந்தே நம்
கைவிட்டு உருண்டோடுகின்றன
நாணயமின்றி நாணயங்கள்!

பேராசையால் - தொலைவிலிருந்து
எள்ளி நகைக்கிறது - நம்
கை தவறிய வாய்ப்புகள்!

அலட்சியம்
மனதில் சிம்மாசனமிட்டதால்
கைக்கு எட்டி, வாய்க்கு எட்டாத கதையாய்
நீளுகின்றன ஏமாந்த பொழுதுகள்!

வறட்டு கவுரவத்திற்காக
விலக்கி வைத்ததில்
விளங்கியதும், விளங்காததும்
சேர்ந்து தொலைந்து போயின!

பெருமைக்காக
தோள் குலுக்கி ஒதுக்கியதில்
அவசியங்களுடன், அத்தியாவசியங்களும்
தொலைந்து போனதால்
மருக வைத்தன இழப்பின் வலிகள்!

மூட நம்பிக்கையுடன்
ஜாதி, மத விழுதுகளை நம்பி
பகுத்தறிவு வேர்களைப் புறந்தள்ளியதால்
மனிதம் - நித்தியக் கண்டத்தில்
சிக்கிக் கொண்டது!

கிடைத்ததை
இருத்திக் கொள்ளாமல்
கடந்ததை எண்ணி வருந்துவதால்
எந்த முகாந்திரமுமின்றி
கரைந்து போகிறது மனிதம்!

எண்ணுபவர் - விழிப்பர்
விழிப்பவர் - உழைப்பர்
உழைப்பவர் - உயர்வர்
உயர்வோர்க்கே இவ்வுலகம்!

இவையாவும் உய்வோர்க்கு
புரிதல் எப்போது;
மனிதம் உயர்வதெப்போது?
-
---------------------------------
— செல்லம் ரகு, திருப்பூர்.
நன்றி: வாரமலர்

jesifer · jesifer Sun Aug 10, 2014 10:20 am

படு சூப்பர்.............

பெருமைக்காக
தோள் குலுக்கி ஒதுக்கியதில்
அவசியங்களுடன்,

மனிதன் உயர்வதெப்போது? 3838410834

மனிதன் உயர்வதெப்போது?

மனிதன் உயர்வதெப்போது?

Re: மனிதன் உயர்வதெப்போது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக