புகழ் பெற்றவர்கள் வாழ்வில் ....(தொடர் பதிவு)

**ayyasamy ram** · **ayyasamy ram** Tue Aug 05, 2014 7:45 pm

-

அங்கேயும் போவேன்!
--
1969-ஆம் ஆண்டு, ஜூலை மாதம் 20-ஆம்
தேதி மனிதன் முதல்முதலாக சந்திரனில் கால்
வைத்த நாள்.
-
எல்லோரும் அதை வெகு விமரிசையாகக்
கொண்டாடினார்கள்.
-
அன்றைய தினம் அன்னை தெரசாவிடம், அவருடைய
ஆசிரம சகோதரிகளில் ஒருவர், “”அம்மா, நீங்களும்
ஒருநாள் சந்திரனில் கால் வைப்பீர்களா?” என்று
ஆசையோடு கேட்டார்.
-
அதற்கு அன்னை சிரித்துக் கொண்டே, “”ஏன் மாட்டேன்?
அங்கேயும் ஏழைகள் இருந்தால் உங்கள் எல்லோரையும்
அழைத்துக் கொண்டு அங்கே சேவை செய்யப் போய்
விடமாட்டேனா?” என்று கூறினாராம்.
-
———————————
–சசிகுமார் பாலகிருஷ்ணன்

**ayyasamy ram** · **ayyasamy ram** Tue Aug 05, 2014 7:46 pm

புகழ் பெற்றவர்கள் வாழ்வில் ....(தொடர் பதிவு) JZ3fvOPuTCyzYGtRVQjk+140px-Morarji_Desai_1978

-
எங்கே அழைப்பிதழ்?
--
ஒரு சமயம் பம்பாய் நகரத்துக்கு ஒரு சர்க்கஸ்
கம்பெனி வந்தது. அப்போது அங்கே மாநில
முதல்வராக இருந்தவர் முன்னாள் பாரதப் பிரதமர்
மொரார்ஜி தேசாய்.
-
அப்போது சர்க்கஸின் முதல் நாள் நிகழ்ச்சிக்கு
வந்து ஆரம்பித்து வைக்கும்படி அவரைக் கேட்டுக்
கொண்ட சர்க்கஸ் கம்பெனி முதலாளி, அதற்கான
விசேஷ அழைப்பிதழையும் மொரார்ஜியிடம்
கொடுத்துவிட்டுச் சென்றார்.
-
குறிப்பிட்ட நாள் வந்தது. மொரார்ஜி தனது காரில்
சர்க்கஸ் கம்பெனிக்குப் புறப்பட்டுச் சென்றார்.
உடன் பெரிய படைகள் வரவில்லை. அவரும் டிரைவரும்
மட்டும்தான் சென்றனர்.
-
சர்க்கஸ் கம்பெனியின் முகப்பில் நின்று கொண்டிருந்த
காவலாளிக்கு மொரார்ஜி யார் என்று தெரியவில்லை!
-
உள்ளே செல்வதற்கான அழைப்பிதழைக் காட்டினால்
தான் அனுமதிப்பேன் என்று அந்தக் காவலாளி கூறினார்.
மொரார்ஜியின் டிரைவர், உள்ளேயிருப்பது யார் தெரியுமா…
என்று ஆரம்பித்தார். மொரார்ஜி அவரைத் தடுத்து, காரை
வீட்டுக்குத் திருப்பச் சொன்னார்.
-
வீட்டுக்குப் போய் அழைப்பிதழை எடுத்துக் கொண்டு
மீண்டும் திரும்பி வந்தார். காவலாளி இப்போது அவரை
அனுமதித்தார்.
-
இதைப் பற்றித் தெரிந்து கொண்ட சர்க்கஸ் முதலாளி
பதறிப் போனார்.
-
“நீங்கள் முதல்வர் என்பதைச் சொல்லிவிட்டு
வந்திருக்கலாமே!” என்று கெஞ்சாத குறையாகக் கேட்டார்.
அதற்கு மொரார்ஜி என்ன சொன்னார் தெரியுமா?
-
“நீங்கள் முறையாக அழைப்பிதழ் கொடுத்தீர்கள்.
அதைக் கொண்டு வராதது எனது தவறுதான். அதனால்
தான் வீட்டுக்குப் போய் அதை எடுத்துக்கொண்டு
வந்தேன்” என்றார்.
-
——————————————-

-ஆ.கோலப்பன், நாகர்கோவில். (தினமணி)

jesifer · jesifer Wed Aug 06, 2014 11:43 am

அருமை...............தகுதி இருந்தும் அதை துஷ்பிரயோகம் செய்யாமல் தன் கடமையுணர்ச்சியையே பெரிதென நினைத்துள்ளார் முதல்வர் மொரார்ஜி..........இது தான் சிறந்த தலைமைத்துவ பண்பாடு.

புகழ் பெற்றவர்கள் வாழ்வில் ....(தொடர் பதிவு) 3838410834

புகழ் பெற்றவர்கள் வாழ்வில் ....(தொடர் பதிவு) 3838410834

புகழ் பெற்றவர்கள் வாழ்வில் ....(தொடர் பதிவு) 103459460

Sponsored content · Sponsored content

புகழ் பெற்றவர்கள் வாழ்வில் ....(தொடர் பதிவு)

புகழ் பெற்றவர்கள் வாழ்வில் ....(தொடர் பதிவு)

Re: புகழ் பெற்றவர்கள் வாழ்வில் ....(தொடர் பதிவு)

Re: புகழ் பெற்றவர்கள் வாழ்வில் ....(தொடர் பதிவு)

Re: புகழ் பெற்றவர்கள் வாழ்வில் ....(தொடர் பதிவு)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக