அரசு தோட்டக்கலை பண்ணையில் யானை புகுந்ததால் நாற்றுகள் சேதம்!

**krishnaamma** · **krishnaamma** Mon 4 Aug 2014 - 20:24

குன்னூர்: குன்னூர், காட்டேரி அரசு தோட்டக்கலை பண்ணையில் புகுந்த காட்டு யானை, அங்கு உள்ள நாற்றுகள், பழ மரங்களை சேதப்படுத்தியது.நீலகிரி மாவட்டம், குன்னூர் பர்லியார் பகுதியில், பலாப்பழ சீசன் துவங்கி உள்ளதால், வனப்பகுதிகளில் இருந்து, யானைகள் அதிகளவில் வருகின்றன. பர்லியார், கல்லாறு பகுதிகளில், ஒரு குட்டியுடன், ஐந்து யானைகள் முகாமிட்டுள்ளன.

நேற்று முன்தினம் இரவு, காட்டேரி அரசு தோட்டக்கலை துறை நர்சரிக்குள் புகுந்த ஒரு யானை, அங்கிருந்த நாற்றுகளை சேதப்படுத்தியது. வனத் துறையினர், வேட்டை தடுப்பு காவலர்கள், பயிற்சி பெற்ற ஆதிவாசிகள், யானையை துரத்தினர். யானைகள், இப்பகுதியிலேயே நடமாடி வருவதால், நஞ்சப்பா சத்திரம் குடியிருப்பு பகுதி மக்கள் பாதிக்கப்பட்டுள்ளனர்.

பொதுமக்கள் சிலர் கூறுகையில், 'வனப்பகுதியை ஒட்டியுள்ள பட்டா நிலங்களில், யானை வழித்தடங்களில் காட்டேஜ், சொகுசு பங்களா உட்பட, கட்டுமான பணிகள் அதிக அளவில் நடந்து வருகின்றன. இதனால், யானைகள் வழி மாறி, குடியிருப்புகளை நோக்கி படையெடுக்கின்றன' என்றனர்.கூடலூர் பகுதியில், நேற்று முன்தினம் புகுந்த காட்டுயானைகள், அங்கிருந்த வாழை, பாக்கு மரங்களை சேதப்படுத்தின. வனத்துறையினர், பொதுமக்கள் இணைந்து, அதிகாலை, 3:00 மணிக்கு, யானைகளை வனப்பகுதிக்குள் விரட்டினர்.

**krishnaamma** · **krishnaamma** Mon 4 Aug 2014 - 20:26

நாம அதுங்க இடத்தை பிடித்ததால் வந்த வினை இது, இது ஆக்கிரமிப்பாளர்களுக்கு புரிந்தால் நல்லது.......ஆனால் புரியுமா????????????????? சோகம்

அரசு தோட்டக்கலை பண்ணையில் யானை புகுந்ததால் நாற்றுகள் சேதம்!

அரசு தோட்டக்கலை பண்ணையில் யானை புகுந்ததால் நாற்றுகள் சேதம்!

Re: அரசு தோட்டக்கலை பண்ணையில் யானை புகுந்ததால் நாற்றுகள் சேதம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக