அதிக மன அழுத்தத்தால் மாரடைப்பு வரலாம்

**சிவா** · **சிவா** Mon Aug 04, 2014 3:54 pm

காரைக்குடி,: அதிகமான மன அழுத்தம் காரணமாக மாரடைப்பு வர வாய்ப்புள்ளது என டாக்டர்கள் எச்சரிக்கை விடுத்துள்ளனர்.

காரைக்குடி அருகே மானகிரி அப்போலோ ரீச் மருத்துவமனை சார்பில் ஆட்டோ ஓட்டுனர்களுக்கு உயிர் காக்கும் முதல் நிலை பயிற்சி முகாம் நடந்தது. டாக்டர் மீனாட்சி வரவேற்றார்.டிஎஸ்பி முருகேஷ் துவக்கிவைத்து பேசுகை யில்,

தமிழகத்தில் வருடத்துக்கு சுமார் 25 ஆயிரம் பேர் சாலை விபத்துகளில் இறந்து போகின்றனர். மனித தவறுகளால் மட்டும் 85 சதவீத விபத்துகள் ஏற்படுகிறது. சீட் பெல்ட், ஹெல்மெட் போடாததால் அதிக அளவில் விபத்துகள் ஏற்படுகிறது. ஓட்டுனர்கள் குடிபோதையில் வாகனம் ஓட்டுவதை தவிர்க்க வேண்டும். வேகமாகவும், செல்போன் பேசியபடியும் வாகனம் ஓட்டக்கூடாது. விபத்துகளை பொறுத்தவரை வார விடுமுறை நாட்களில் தான் அதிக அளவில் நடக்கிறது. மற்ற விபத்துகளை காட்டிலும் குடிபோதையில் வாகனம் ஓட்டுவதாலேயே அதிக விபத்து ஏற்படுகிறது. விபத்து நடந்த இடங்களில் முதலுதவி வழங்குவது தொடர்பான பயிற்சிகள் மூலம் உயிர்களை காப்பா ற்ற முடியும் என்றார்.

நிகழ்ச்சியில் டாக்டர் கருப்பையா பேசுகையில், இந்திய அளவில் அதிகமான உயிரிழப்புகள் சாலை விபத்துகளினால் ஏற்படுகிறது. விபத்துகளில் பாதிக்கப்பட்டவர்களுக்கு தகுந்த சிகிச்சை குறிப்பிட்ட நேரத்திற்குள் கிடைக்காமல் போ வதே இதற்கு காரணமாக உள்ளது. தகுந்த நேரத்தில் தேவையான சிகிச்சை உடனடியாக கிடைத்தால் உயிரிழப்புகளையும், மன உளைச்சல் மற்றும் பொரு ளாதார இழப்புகளையும் கட்டுப்படுத்த முடியும்.

இதனை கருத்தில் கொண்டு தற்போது முதல் கட்டமாக ஆட்டோ டிரைவர்களுக்கு முதலுதவி குறித்த பயிற்சி அளிக்கப்படுகிறது. தற்போது உள்ள நிலையில் மாரடைப்புகளும் அதிக அளவில் ஏற்பட்டு வருகின்றன. புகை பிடித்தல், உடல் பருமன், வம்சாவழி, வேலை செய்யாமல் ஓரே இடத்தில் அமர்ந்து இருத்தல், குடிபோதைகளுக்கு அடிமையானர்கள் மற்றும் அதிக மன அழுத்தத்தாலும் மாரடைப்புகள் ஏற்பட்டு வருகிறது. இதற்கு சிகிச்சை அளிக்கும் முறை குறித்தும் விளக்கப்பட்டுள்ளது என்றார்.

முகாமில் விபத்து, மாரடைப்பு, பாம்பு, விஷ பூச்சி, நாய் கடி, வலிப்பு ஆகியவற்றில் ஒருவர் பாதிக்கப்பட்டால் அவ ருக்கு முதலுதவி செய்வது குறித்து விளக்கப்பட்டது.

திருப்பத்தூர் டிஎஸ்பி முத்துச்சாமி, மருத்துவமனை நிர்வாக அதிகாரி கற்பகவள்ளி உள்பட பலர் கலந்து கொண்டனர். 200 க்கும் மேற்பட்ட ஆட்டோ டிரைவர்கள் முகாமில் கலந்து கொண்டு பயிற்சி பெற்றனர். பயிற்சியின் முடிவில் சான்றிதழ், முதலுதவி பெட்டி வழங்கப்பட்டது. கண்காணிப்பாளர் டாக்டர் முகமது இப்ரா ஹிம் நன்றி கூறினார்.

**மாணிக்கம் நடேசன்** · 14/12/2009

ஆமாம் மாமா அங்கள், உங்க பொண்ணுக்கு நிறைய பல்கள் வளர்ந்து விட்டதாம், எங்க என்னை கடித்து கொதரிடுவாங்கலோன்னு பயத்தில நொந்து போய் இருக்கேன். இப்பவே ஏதாவது மருந்து கிருந்து கொடுத்து என்ன காப்பத்துங்கோ.