மண்ணில் புதைந்த 170 பேர் கதி என்ன?

**krishnaamma** · **krishnaamma** Wed Jul 30, 2014 6:39 pm

புனே: மகாராஷ்ட்ர மாநிலம், புனே அருகில் உள்ள மாலின் கிராமத்தில் ஏற்பட்ட மண்சரிவில் 40 குடிசைகள் சிக்கியுள்ளன. இவற்றில் இருந்த 170 பேர் மண்ணில் புதைந்திருக்கலாம் என அஞ்சப்படுகிறது. இதுவரை 5 பேரின் உடல்கள் மீட்கப்பட்டுள்ள நிலையில், பேரிடர் மேலாண்மை வீரர்கள் தொடர்ந்து, மாயமானவர்களை தேடும் பணியில் ஈடுபட்டுள்ளனர்.

புனேயில் இருந்து 120 கி.மீ., தொலைவில், மலைகள் சூழ்ந்த பகுதியில் அமைந்துள்ளது மாலின் கிராமம். நகரத்தில் இருந்து மிகவும் தள்ளி அமைந்துள்ள இந்த குக்கிராமத்திற்கு சரியான சாலை வசதிகளோ, போக்குவரத்து வசதிகளோ இல்லை. இந்த கிராமத்தில், மலையடிவாரத்தில் 40 குடிசை வீடுகள் இருந்தன. இந்நிலையில், தொடர்ந்து பெய்து வரும் கனமழை காரணமாக அருகில் இருந்த மலைப் பகுதியில் மண்சரிவு ஏற்பட்டது. வேகமாக சரிந்து வந்த மண், 40 குடிசைகள் மீது விழுந்து, அவற்றை புதைத்தது.

இந்த குடிசை வீடுகளில் 170க்கும் மேற்பட்டோர் வசித்து வந்ததாக கூறப்படுகிறது. கனமழை காரணமாக அவர்கள் அனைவரும் வீட்டிற்குள் இருந்த நேரத்தில் தான் இந்த சோக சம்பவம் நடந்துள்ளதாக தகவல்கள் கூறுகின்றன. மண்சரிவு குறித்த தகவல் அறிந்ததும் பேரிடர் மேலாண்மை மீட்பு குழுவின் 7 பிரிவுகள் கிராமத்திற்கு விரைந்து, மீட்பு பணிகளை மேற்கொண்டு வருகின்றன.
இந்த சம்பவம் குறித்து புனே மாவட்ட கமிஷனர் கூறுகையில், ' இந்த சம்பவத்தில் இதுவரை 5 பேர் இறந்துள்ளனர். பலியானவர்கள் எண்ணிக்கை மேலும் அதிகரிக்கும் என அஞ்சப்படுகிறது,' என்றார். உயிர்சேதம் அதிகமாகும் என்பதால், மேலும் சில மீட்பு குழுக்கள் மாலின் கிராமத்திற்கு விரைந்துள்ளன.

**ayyasamy ram** · **ayyasamy ram** Wed Jul 30, 2014 7:02 pm

மண்ணில் புதைந்த 170 பேர் கதி என்ன?

மண்ணில் புதைந்த 170 பேர் கதி என்ன?

Re: மண்ணில் புதைந்த 170 பேர் கதி என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக