குப்பைத் தொட்டி..

**ayyasamy ram** · **ayyasamy ram** Tue Jul 29, 2014 6:00 am

-

-
எல்லாம் கிடக்கும்
நேற்று பூத்த மலர்கள்
துருவிய தேங்காய் மூடி
ஒற்றைச் செருப்பு
கிழிந்த உடைகள்
எரிந்து போன டயர்
எரியாது போன டியூப் லைட்
சில சமயம் செத்த எலி
ஒரு சமயம் ஒரு சிசு
எல்லாம் பார்த்தும்
பதறாத மனசு...
நூல் அஞ்சலில் வந்த
அவளின் திருமணப் பத்திரிகை
கிழிபட்டுக் கிடக்கையில் மாத்திரம்
தூசி விழுந்த கண்ணாய்
கலங்கி வழிய விடுகிறது கண்ணீரை!
-
------------------------
ஸ்ரீநிவாஸ் பிரபு (குங்குமம்)
-