ந.க.துறைவன் சென்ரியு கவிதைகள்

ந.க.துறைவன் · ந.க.துறைவன் Sun 27 Jul 2014 - 11:43

First topic message reminder :

ஆறுகள் அழுகின்றன….!!
*
மனிதனின் உழைப்பையே
அன்று செழிக்க வைத்தன
ஆற்றுநீர் பாசனம்.
*
ஆறுகளின் அடையாளம்
அழித்து வருகின்றது
மணல் வியாபாரம்.
*
ஆறுகள் படுகொலை
மனிதர்கள் நரபலி
மணல் கொள்ளையர் வேட்டை.
*

ந.க.துறைவன் · ந.க.துறைவன் Sat 6 Sep 2014 - 12:07

நிஜம்….!!
*
வாழைப்பழத்தில்
நாற்று நட்டார்கள்
மணக்கும் ஊதுபத்திகள்.
*
சுற்றுச் சூழல் மாநாட்டில்
வாழ்உரிமைக்களுக்கான
கழுகுகளின் ஆவேச உரை
*
நிஜத்தைச் சொன்னான் நம்பவில்லை
பொய்யைச் சொன்னான்
எல்லோரும் பாராட்டினார்கள்.
*
எங்கோ வெறுப்போடுப் போனான்?
என்ன நடந்ததோ தெரியவில்லை
மகிழ்ச்சியோடு திரும்பினான் ஊர்.
*
ஆசையோடு கடைக்குப் போனார்கள்
கடைகள் மூடியிருந்தது திடீரெனக்
குழந்தைக்களுக்கு பெருத்த ஏமாற்றம்.
*

**ஹிஷாலீ** · **ஹிஷாலீ** Sat 6 Sep 2014 - 12:21

அனைத்தும் அருமை அதில் ஒன்று என்னை மிகவும் கவர்ந்தது இது தான்

வாழைப்பழத்தில்
நாற்று நட்டார்கள்
மணக்கும் ஊதுபத்திகள்.

வாழ்த்துக்கள் ஐயா

**Dr.S.Soundarapandian** · **Dr.S.Soundarapandian** Sat 6 Sep 2014 - 18:43

ந.க.துறைவன் அவர்களே ! அருமை ! அருமை ! தொடருங்கள் ! சூப்பருங்க

ந.க.துறைவன் · ந.க.துறைவன் Wed 10 Sep 2014 - 13:14

முன்னேற்றம்…!!
*
கழுதைக்கு கல்யாணம் செய்கிறார்கள்
நாய்க்கு கல்யாணம் செய்கிறார்கள்
முற்போக்காக சிந்திக்கிறார்கள் மனிதர்கள்..
*
எந்த வேலையும் உருப்படியாகச் செய்யாமல்
அலைந்து அலைந்து எங்கும்
நிற்காமல் ஒடுகின்றன நாய்கள்.
*
வெளியில் போய் வரவே பயம்
அஞ்சுகிறார்கள் மனிதர்கள்
பாதுகாப்பாக இருக்கின்றது நாய்கள்.
*
எப்பொழுது நடந்ததோ தெரியவில்லை
சம்பவம் யாரும் பார்க்கவி்ல்லை
பாதையில் நசுங்கிக் கிடந்தது நாய்.
*
மனிதர்கள் சைகையில் காட்டுகிறார்கள்
வாலையாட்டிக் காட்டுகின்றது நாய்கள்
அன்புடன் நன்றி.
*

ந.க.துறைவன் · ந.க.துறைவன் Sun 14 Sep 2014 - 13:08

மருத்துவ பயிற்சி முகாமுக்கு சென்று
இலவச பரிசோதனைச் செய்துக் கொண்டன
வயது முதிர்ந்த வாத்துக்கள்.
*
வீடு காலி செய்தபோது
கிடைத்தது பாட்டியின்
பாக்கு இடிக்கும் உரல்.
*
போக்குவரத்து மாற்றம்
திணறி தவிக்கின்றன
தெரு மாடுகள்.

*

ந.க.துறைவன் · ந.க.துறைவன் Wed 17 Sep 2014 - 10:28

பாசமாய்….!!
*
எட்ட நின்று பார்க்கும் குழந்தை
அம்மாவின் மடியில்
வளர்ப்புப் பூனை.
*
கணவனின் கோபத் தெரிப்பு
மனைவி அழுகிறாள்
அருகில் சிரிக்கிறது குழந்தை.
*
அடிக்க வரும் அம்மாவை
வெறுப்பேற்றுகிறான்
குறும்புக்காரப் பாச மகன்.
*
பெண்ணின் துயர மனமாய்
காற்றில் பறந்துக் காய்கிறது
கொடியில் துணிகள்.
*

ந.க.துறைவன் · ந.க.துறைவன் Thu 18 Sep 2014 - 11:39

நட்பு….!!
*
அறிமுகம் இல்லாதவரை
அறிமுகப் படுத்தினார்
அறிமுகமான நண்பர்.
*
பால்ய சினேகிதனிடம்
மனம் திறந்து சொன்னான்
மனசை அழுத்தும் பிரச்சினைகள்
*
துன்பத்தில் ஆறுதல்
இன்பத்தில் மகிழ்ச்சி
பகிர்ந்துக் கொண்டனர் நண்பர்கள்.
*
வலிமையான நட்புடன்
இரகசியங்கள் பாதுகாத்தார்கள்
உயிர்த் தோழிகள்.
*
மரணம் வரைக்கும் அழியாதது
நட்பின் தொடர்ச்சி
நினைவு அடுக்கின் பதிவுகள்.
*

ந.க.துறைவன் · ந.க.துறைவன் Sun 19 Oct 2014 - 11:10

தோழி...!!

சம உரிமைப் பெற்றவள்
பூ மெத்தைப் படுக்கையில்
உறங்கும் பூனைத் தோழி.
*
சாப்பிடும்போது வாசலில்
கீச்கீச் குரல் கொடுக்கிறது
சிட்டுக்குருவிகள்.
*

**M.M.SENTHIL** · **M.M.SENTHIL** Sun 19 Oct 2014 - 22:09

ந.க.துறைவன் சென்ரியு கவிதைகள் - Page 2 3838410834

ந.க.துறைவன் · ந.க.துறைவன் Wed 22 Oct 2014 - 11:38

சுகம்...!!

வாழ்நாளெல்லாம் எந்நேரமும்
தேடியலைகின்றார்கள்
வாழ்க்கைச் சுகம்.
*
யாருமில்லாத தனிமை
அவரோடு துணையிருந்தது
செல்ல நாய்க்குட்டி.
*
மனிதர்களின் மகிழ்ச்சியாய்
வானில் உயர்ந்துச் செல்கின்றது
பட்டாசுப் புகை.
*

Sponsored content · Sponsored content

ந.க.துறைவன் சென்ரியு கவிதைகள்

ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக