வாழ்வை வளமாக்கும் பத்து ஸ்லோகங்கள்!

**சிவா** · **சிவா** Sat Jul 26, 2014 2:56 am

First topic message reminder :

'மந்திரங்களுக்கு மிகப்பெரிய வலிமை உண்டு. இறைவனை மனதில் நிறுத்திச் சொல்லும்போது, அந்த மந்திரச் சொற்களுக்குள் நாம் அமிழ்ந்து போவோம். அப்படி ஒருமித்த நிலையில் இருக்கிறபோது, அந்த மந்திர பலமானது நம் புத்தியிலும் தேகத்திலும் வியாபித்து, தேவதைகளின் பாதுகாப்பும் கிடைக்கப் பெற்று, நினைத்த காரியத்தை அடைந்து ஆனந்த வாழ்வு வாழலாம்!'' என்கிறார் காஞ்சி ஸ்ரீகாமாட்சி அம்பாள் கோயிலின் நடராஜ சாஸ்திரிகள்.

''வாழ்க்கைக்குத் தேவையான பத்து ஸ்லோகங்களை, சக்திவிகடனின் பத்தாம் ஆண்டின் துவக்கத்தில் தருவதில் எல்லையில்லா மகிழ்ச்சி எனக்கு! இந்த பத்து ஸ்லோகங்களை எவர் சொல்கிறாரோ, அவர்கள் வீட்டில் நிம்மதி குடியிருக்கும்; அவர்களின் குழந்தைகள் சகல கலைகளும் கற்றுத் தேர்ந்து ஞானவான்களாக ஜொலிப்பார்கள். ஆரோக்கியத்துடனும் ஆயுளுடனும் சிறப்புற வாழ்வார்கள்'' என்கிறார் நடராஜ சாஸ்திரிகள்.

செயலில் பக்கபலம்!

காலையில் எழுந்திருக்கும்போதே, காலில் சக்கரமும் தோளில் றெக்கையும் கட்டிக்கொண்டு பரபரக்கிற வாழ்க்கைதான் பலருக்கும்! ஆனாலும் தினமும் எழுந்தவுடன் ஒரு பத்து நிமிடம் கொஞ்சம் நிதானம் பழகுவது நல்லது. குறிப்பாக, காலையில் எழுந்ததும் நம் உள்ளங்கையில் கண்விழிப்பது ரொம்பவே விசேஷம். ஏனெனில், நம் உள்ளங்கையில், ஸ்ரீலக்ஷ்மி வாசம் செய்கிறாள் என்பதாக ஐதீகம்!

ஆகவே, காலையில் எழுந்ததும் நம் உள்ளங் கைகளை விரித்துக்கொண்டு, உள்ளங் கையில் சூட்சுமமாக குடியிருக்கும் ஸ்ரீமகா லக்ஷ்மியை வணங்கியபடி, இந்த ஸ்லோகத்தைச் சொல்லுங்கள்.

கராக்ரே வஸதே லக்ஷ்மீ கரமூலே ஸரஸ்வதீ
கரமத்யே து கோவிந்த: ப்ரபாதே கரதர்சனம்

நம் ஒவ்வொரு செயலிலும் பக்கபலமாக இருந்து, நம்மையும் நம் இல்லத்தையும் சிறக்கவும் செழிக்கவும் செய்வாள் தேவி!

**krishnaamma** · **krishnaamma** Thu Oct 09, 2014 7:51 pm

சிவா wrote:என்றும் நலமுடன் வாழ..!

சுவர் இருந்தால்தான் சித்திரம் வரையமுடியும் என்றொரு பழமொழி நம்மூரில் உண்டு. பொதுவாக இந்தப் பழமொழியை, தேக ஆரோக்கியத்துக்குத்தான் அதிக அளவில் உதாரணமாகச் சொல்லியிருக்கிறார்கள், மக்கள்.

ஆமாம், தேகம் ஆரோக்கியத்துடன் இருந்துவிட்டால், மற்ற எல்லா வேலைகளையும் திறம்படச் செய்யமுடியும். தவிர, உடல் உழைப்புக்கு மட்டுமின்றி, புத்தியின் யோசிப்புத் தன்மைக்கும் உடலில் எந்த நோயும் இல்லாமல் இருப்பது மிகப்பெரிய பலம். எனவே தன்வந்திரி பகவானை மனதில் நிறுத்தி, இந்த ஸ்லோகத்தைச் சொல்லி வழிபடுங்கள்.

ஓம் நமோ பகவதே வாசுதேவாய
தன்வந்தரேயே அம்ருதகலச ஹஸ்தாய
சர்வாமய நாசாய த்ரைலோக்ய நாதாய
ஸ்ரீமகாவிஷ்ணவே நம:

வாழ்வை வளமாக்கும் பத்து ஸ்லோகங்கள்! - Page 2 KaeZMMWQeBDDaueUtFwd+danvandiri

ஆமாம் சிவா, என்காத்தில் நான் சமைக்கும்போதே இதை சொல்வதுண்டு புன்னகை

யாருக்காவது உடம்புக்கு வந்து விட்டால், ஒரு டம்ளரில் தண்ணீர் எடுத்துக்கொண்டு அதை வலது கையால் மூடிக்கொண்டு, இந்த ஸ்லோகத்தை 11 முறை அல்லது 24 முறை ஜபித்து தரணும்.

ரொம்ப அற்புதமான மந்திரம் புன்னகை

**krishnaamma** · **krishnaamma** Thu Oct 09, 2014 8:02 pm

சிவா wrote:இழந்ததைப் பெறலாம்!

இழப்புகள் தவிர்க்க முடியாதவை. ஆனால், தாங்கிக்கொள்ள இயலாதவை! இழந்த பதவியைப் பெறுவதற்காக அப்பேர்ப்பட்ட பிரம்மதேவரே கடும் தவம் புரிந்து, வரம் பெற்றார். நாம் இழந்ததைப் பெறுவதற்கும் தொலைத்ததை மீட்டெடுப்பதற்கும் ஒரு ஸ்லோகம் இருக்கிறது.

இந்த ஸ்லோகத்தை கர்மசிரத்தையுடன் சொல்லச் சொல்ல... நம் வாழ்வில் தொலைந்த பொருளை மீட்டெடுக்கலாம். இழந்த வாழ்க்கையைக்கூட திரும்பப் பெற்று வாழலாம்.

அந்த ஸ்லோகம் இதுதான்!

ஸ்ரீகார்த்தவீர்யாஜுன மந்திரம்

அபூர்வ ராஜ்ய ஸம்ப்ராப்திம் நஷ்டஸ்ய புனராகமம்,
லபதே நாத்ர ஸந்தேஹ ஸத்யேமேதந் மயோதிதம்
ஓம் கார்த்த வீர்யார்ஜுனோ நாம:
ராஜா பாஹூ ஸஹஸ்ரவாந் ||.
யஸ்ய ஸ்மரந மாத்ரேன நஷ்டம் த்ரவ்யம் ச லப்யதே

இதுவும், சூப்பர் சுலோகம் சிவா, எனக்கு நிறைய மீட்டுக்கொடுத்துள்ளது இந்த ஸ்லோகம். .......நம்பி படிக்கலாம் புன்னகை

ஆனால் , எங்க ஜோசியர் மாமா எனக்கு, 'யஸ்ய' என்பதற்கு பதிலாக

'தஸ்ய ஸ்மரந மாத்ரேண , ஹிருதம் நஷ்ட ச லப்யதே' என்று எழுதிக்கொடுத்தார் புன்னகை

**krishnaamma** · **krishnaamma** Thu Oct 09, 2014 8:06 pm

சிவா wrote:சக்தியை வணங்குவோம்!

அடுத்ததாக... தேவியைப் போற்றிச் சொல்கிற இந்த ஸ்லோகத்தை தினமும் சொல்லுங்கள். செவ்வாய் மற்றும் வெள்ளிக்கிழமைகளில் தவறாமல் சொல்லுங்கள். சகல சௌபாக்கியங்களும் பெற்று, இனிதே வாழலாம்!

சர்வ மங்கள மாங்கல்யே சிவே சர்வார்த்த ஸாதி கே
சரண்யே த்ரயம்பகே தேவி நாராயணி நமோஸ்துதே

ம் ....தினமும் இதை சொல்லிக்கொண்டே , 16 முறை சேவிக்கணும் சிவா புன்னகை

...........அதெல்லாம் அந்த காலமாகிவிட்டது எனக்கு, கீழே உட்காருவது, பெருமாளை சேவிப்பது................. என்று எதுவும் முடிவது இல்லை...................கையெடுத்து வணங்கத் தான் முடிகிறது எனக்கு.................... அழுகை

**ayyasamy ram** · **ayyasamy ram** Thu Oct 09, 2014 8:08 pm

Sponsored content · Sponsored content

வாழ்வை வளமாக்கும் பத்து ஸ்லோகங்கள்!

வாழ்வை வளமாக்கும் பத்து ஸ்லோகங்கள்!

Re: வாழ்வை வளமாக்கும் பத்து ஸ்லோகங்கள்!

Re: வாழ்வை வளமாக்கும் பத்து ஸ்லோகங்கள்!

Re: வாழ்வை வளமாக்கும் பத்து ஸ்லோகங்கள்!

Re: வாழ்வை வளமாக்கும் பத்து ஸ்லோகங்கள்!

Re: வாழ்வை வளமாக்கும் பத்து ஸ்லோகங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக