தமிழ்நாடு மீனவர்களைத் தாக்கியபோது சீன கடற்படையினரும் இருந்தனர்

தமிழ்நாடு மீனவர்கள் இலங்கை இந்திய கடலெல்லையில் வைத்துத் தாக்கப்பட்டபோது சீன கடற்படையினரும் சேர்ந்து தாக்கினர் என மீன்பிடி மோட்டார் படகு உரிமையாளர் சங்கம் பகிரங்கமாக தமிழ்நாட்டில் நேற்று ஞாயிற்றுக்கிழமை அறிவித்துள்ளது. இச்சங்கம் விடுத்த அறிக்கையில், சில நாட்களுக்கு முன்னர் தமிழ்நாடு மீனவர்கள் தாக்கப்பட்டபோது எட்டு சீன கடற்படையினரும் இரு இலங்கைக் கடற்படையினரும் சேர்ந்து தாக்குதல் நடத்தியதாகக் கூறப்பட்டுள்ளது.

சீன கடற்படையினரும் சேர்ந்தே தம்மைத் தாக்கினார்கள் என்பதைத் தாக்குதலுக்கு உள்ளான மீனவர்கள் உறுதியாக தெரிவித்துள்ளதாக மேலும் அறிக்கை கூறுகிறது. இந்தத் தாக்குதல்கள் ராமேஸ்வரம் மற்றும் அதனை அண்டிய பகுதிகளில் தொடர்கிறது. இந்தியாவுக்கும் இலங்கைக்கும் இடையே சீன மற்றும் இலங்கைக் கடற்படையினர் கூட்டு ரோந்து நடத்துவது உறுதிசெய்யப்படுவதாகவும் மேற்படி அறிக்கை கூறியுள்ளது.



அத்துடன் சமீபத்தில் வானில் தரித்து நிற்கக் கூடிய விமான ஓடு தளம் மற்றும் எரிபொருள் நிரப்பும், விண்வெளிக் கலம் போன்ற மிதக்கும் விமான ஓடு தளம் ஒன்றை அமைப்பதில் சீனா ஆர்வம் காட்டிவருகிறது. தொலைதூரம் செல்லும் போர் விமானங்களை இது தாங்கிச் சென்று வழிநடத்தவல்லதுடன், தொடர்ச்சியாக ஒரு நாட்டின் மீது திரும்பத் திரும்பத் தாக்குதலை நடத்த இது உதவியாக அமையும். இப்படியான ஒரு வானில் மிகக்கும் விமான ஏவு தளத்தை சீனா மிக ரகசியமாக வடிவமைத்து வருகின்றது.

இதில் விமான எதிர்ப்பு ஏவுகனைகள், எதிரியின் ஏவுகணையை தாக்கியளிக்கவல்ல ஏவுகணைகள் மற்றும் எதிரிகளால் இந்த மிதக்கும் ஏவு தளத்திற்கு எந்தப் பாதிப்பும் வராத வகையில் இது வடிவமைக்கப்பட்டு வருவதாக அமெரிக்க உளவுப்பிரிவு தெரிவிக்கிறது. பிராந்தியத்திலும், உலக அளவிலும் சீனா தற்போது மிகவும் அச்சுறுத்தல் மிகுந்த நாடாக மாறிவருகிறது என்பதே யதார்த்தம்.

இந்தியாவுக்கு இந்த அடி தேவைதான் அண்ணா

இது மட்டுமில்ல , இன்னும் இருக்கு