காதல் தோல்வி அக்காவுடன் சேர்ந்து விஷம் குடித்த தங்கை பலி

செல்வமூர்த்தி · 07/06/2014

காதல் தோல்வி அடைந்ததால் மனம் உடைந்த அக்காவுடன், தங்கையும் விஷம் குடித்தார். இதில் தங்கை பலியானார். அக்கா தீவிர சிகிச்சை பெற்று வருகிறார்.

அக்கா–தங்கை

சென்னையை அடுத்த மாதவரம் பொன்னியம்மன்மேடு முனுசாமி நகரைச் சேர்ந்தவர் சங்கர். இவர், கும்மிடிப்பூண்டியில் உள்ள ஒரு தனியார் நிறுவனத்தில் வேலை செய்து வருகிறார். இவருடைய மகள்கள் திவ்யா(வயது 16), கீர்த்திகா(11).

மூத்த மகள் திவ்யா, சென்னை அயனாவரத்தில உள்ள ஒரு தனியார் பள்ளியில் 12–ம் வகுப்பு படித்து வருகிறார். அதே பள்ளியில் கீர்த்திகா, 6–ம் வகுப்பு படித்து வந்தார்.

அக்கா–தங்கை இருவரும் தினமும் ஒன்றாகவே பஸ்சில் பள்ளிக்கூடம் சென்று விட்டும், மாலையில் வீடு திரும்பியும் வருவார்கள். இருவரும் உயிருக்கு உயிரான தோழிகள் போல் பழகி வந்தனர்.

வாலிபருடன் காதல்

இந்தநிலையில் கடந்த ஆண்டு பள்ளி விடுமுறையின் போது திவ்யா, கீர்த்திகா இருவரும் ஆந்திர மாநிலம் ஐதராபாத்தில் உள்ள அவர்களது சித்தி வீட்டுக்கு சென்றனர். அங்குள்ள ஒரு வாலிபருடன், திவ்யாவுக்கு காதல் மலர்ந்ததாக கூறப்படுகிறது.

விடுமுறை முடிந்து திவ்யா, மாதவரம் திரும்பிய பிறகும் செல்போனில் காதலனுடன் பேசி காதலை தொடர்ந்து வந்ததாக தெரிகிறது. அக்காவின் காதலுக்கு தங்கை கீர்த்திகா உதவியாக இருந்தார்.

இந்தநிலையில் கடந்த 2 வாரமாக திவ்யா, காதலனை தொடர்பு கொண்ட போது அவரது செல்போன் ‘சுவிட்ச் ஆப்’ செய்யப்பட்டு உள்ளதாக வந்தது. இதனால் திவ்யா காதலனுடன் பேச முடியாமல் தவித்து வந்தார்.

விஷம் குடித்தனர்

காதலன் தன்னை ஏமாற்றி விடுவானோ என்ற கலக்கத்தில் இருந்த திவ்யாவுக்கு கீர்த்திகா ஆறுதல் கூறி வந்தார். ஆனாலும் காதல் தோல்வியில் இருந்து மீள முடியாமல் திவ்யா, பரிதவித்தார். அக்காவின் நிலையை கண்டு தாங்கிக் கொள்ள முடியாமல் கீர்த்திகாவும் வேதனை அடைந்தார்.

இதனால் இருவரும், தற்கொலை செய்து கொண்டு இந்த உலகத்தை விட்டு சென்று விடுவோம் என்று முடிவு செய்தனர். அதன்படி நேற்று இரவு வீட்டில் யாரும் இல்லாத போது அக்கா, தங்கை இருவரும் விஷம் குடித்து மயங்கி கிடந்தனர்.

தங்கை பலி

இதனை பார்த்த அவரது பெற்றோர் மற்றும் உறவினர்கள் இருவரையும் மீட்டு சிகிச்சைக்காக மருத்துவமனைக்கு கொண்டு சென்றனர். திவ்யாவை சென்னை ராஜீவ்காந்தி அரசு பொதுமருத்துவமனையிலும், கீர்த்திகாவை சென்னை குழந்தைகள் நல மருத்துவமனையிலும் சேர்த்தனர்.

ஆனால் அங்கு சிகிச்சை பலனின்றி தங்கை கீர்த்திகா, பரிதாபமாக இறந்தார். திவ்யா, தொடர்ந்து தீவிர சிகிச்சை பிரிவில் சிகிச்சை பெற்று வருகிறார். மகளின் உடலை பார்த்து பெற்றோர் கதறி அழுதது பார்க்க பரிதாபமாக இருந்தது.

சம்பவம் குறித்து மாதவரம் போலீஸ் இன்ஸ்பெக்டர் சிவகுமார் வழக்கு பதிவு செய்து விசாரித்து வருகிறார். அக்காவின் காதல் தோல்விக்கு தங்கை பலியான சம்பவம் அந்த பகுதியில் பெரும் சோகத்தை ஏற்படுத்தி உள்ளது.

**மாணிக்கம் நடேசன்** · 14/12/2009

இது என்னா ஒரே பையித்தியக்கார தனமாவுள்ள இருக்கு.

**M.M.SENTHIL** · **M.M.SENTHIL** Tue Jul 22, 2014 3:39 pm

கண்மூடித்தனமான காதல் சில சமயம் உயிரை பறிக்கும்.. உயிர் விலை மதிப்பற்றது, உணருங்கள் காதலர்களே.

**ஜாஹீதாபானு** · **ஜாஹீதாபானு** Tue Jul 22, 2014 3:56 pm

Sponsored content · Sponsored content

காதல் தோல்வி அக்காவுடன் சேர்ந்து விஷம் குடித்த தங்கை பலி

காதல் தோல்வி அக்காவுடன் சேர்ந்து விஷம் குடித்த தங்கை பலி

Re: காதல் தோல்வி அக்காவுடன் சேர்ந்து விஷம் குடித்த தங்கை பலி

Re: காதல் தோல்வி அக்காவுடன் சேர்ந்து விஷம் குடித்த தங்கை பலி

Re: காதல் தோல்வி அக்காவுடன் சேர்ந்து விஷம் குடித்த தங்கை பலி

Re: காதல் தோல்வி அக்காவுடன் சேர்ந்து விஷம் குடித்த தங்கை பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக