பெண்ணுக்கு வாசம் உண்டா?

**சிவா** · **சிவா** Sat Feb 21, 2009 11:35 am

First topic message reminder :

உன் கூந்தலுக்கு எப்படி மணம் வந்தது? இயற் கையாகவா? செயற்கையாகவா என்று அந்தக் கால ராஜாக்கள் தான் கேட்கவேண்டுமா, என்ன? நீங்களும்கூட உங்கள் மனைவியின் நைட்டியின் வாசனையை அன்றாடம் முகர்ந்து பார்த்து, இந்த வாசனை இயற்கையா? செயற்கையா? என்று கேட்கலாம்.

என்ன, குழப்பமா?

சமீபத்தில் அமெரிக்காவில் டெக்சாஸ் பல்கலைக்கழகத்தைச் சேர்ந்த சில ஆராய்ச்சியாளர்கள் குறிப்பிட்ட காலத்தில் பெண்களின் உடலில் இயற்கையாக வாசனை வருவதை கண்டுபிடித்திருக்கிறார்கள். குறிப்பாக, பெண்களின் கருமுட்டை முதிரும் காலத்தில் இந்த வாசனை வருவது தெரியவந்துள்ளது.

இதை உறுதிப்படுத்திக் கொள்ள வேண்டாமா? அதற்காக அவர்கள் 52 இளம் தம்பதியினரைத் தேர்ந்தெடுத்தார்கள். மனைவியருக்கு கருமுட்டை உற்பத்தியாகும் காலத்தில் தொடர்ச்சியாக மூன்று நாட்களுக்கு நைட்டியை அணியச் செய்தார்கள். பெண்கள் உடலில் வாசனை திரவியங்கள் பூசுவது, வேறுவித நறுமண உணவுகள் உண்பது, கருத்தடை சாதனங்கள், உடலுறவு அனைத்தும் தடைசெய்யப்பட்டன.

மனைவியரின் உடைகளில் வரும் வாசத்தை கண்காணிக்குமாறு கணவன்களுக்குச் சொல்லப்பட்டது. மற்ற காலங்களை விட கருமுட்டை உருவாகும் காலத்தில் பெண்களின் உடைகளில் விரும்பத்தகுந்த வாசனை வருவதாக கணவன்கள் தெரிவித்தார்கள். உடனே பெண்களை ஆய்வுக்கு உட்படுத்தினார்கள். அந்த நாட்களில் உடலில் ஹார்மோன் மாற்றங்கள் ஏற்பட்டிருப்பது கண்டுபிடிக்கப்பட்டது.

இந்த உடை வாசனையை வைத்து எந்த நேரத்தில் தாம்பத்திய உறவு மேற்கொண்டால் கருத்தரிக்கலாம் என்பதை கணவன்கள் தெரிந்து கொள்ளலாம் என்று இந்த ஆராய்ச்சியாளர்கள் தெரிவித்துள்ளார்கள்.

கூடவே ஒரு கொசுறு தகவலையும் கூறியிருக்கிறார்கள். இந்த வாசனையை கருத்தடை சாதனமாக பயன்படுத்தாதீர்கள் என்றுதான்*

எல்லாம் சரி, என் மனைவி நைட்டியை மாதத்திற்கு ஒருமுறைதான் துவைக்கிறாள். அதில் வரும் வாசத்தை எப்படி முகர்ந்து பார்ப்பது என்று முணுமுணுப்பவர்கள் இதை வெளியே சொல்லாமல் இருப்பதுதான் நலம்.