அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

**சிவா** · **சிவா** Mon Jul 21, 2014 3:13 pm

திண்டுக்கல்:அம்மா உணவகங்களுக்கு ரேஷன்பொருட்களை அனுப்பி வருவதால், ரேஷன்கடைகளுக்கான ஒதுக்கீடு குறைக்கப்பட்டுள்ளது. இதனால் பொதுமக்கள் பாதிக்கப்பட்டுள்ளனர்.

தமிழ்நாடு நுகர்பொருள் வாணிப கழகம் மூலம் ரேஷன்கடைகளுக்கு உணவு பொருட்கள் அனுப்பப்பட்டு வருகின்றன. அம்மா உணவகங்களுக்கு தேவையான அரிசி, கோதுமை, உளுந்து, துவரை போன்றவையும் நுகர்பொருள் வாணிப கழகத்தில் இருந்தே அனுப்பப்படுகின்றன. அம்மா உணவகங்கள் மக்களிடையே நல்ல வரவேற்பை பெற்றுள்ளதால், மாநிலம் முழுவதும் அதிகளவில் அம்மா உணவகங்கள் திறக்கப்பட்டு வருகின்றன. இதனால், உணவுப்பொருட்களின் தேவையும் அதிகரித்துள்ளது.இதற்காக, ரேஷன்கடைகளுக்கு ஒதுக்கப்படும் உணவுப்பொருட்களின் அளவை 60 சதவீதமாக நுகர்பொருள் வாணிபகழகம் குறைத்துவிட்டது. இதனால் சில மாதங்களாக, ரேஷன்கடைகளில் உணவுப்பொருட்கள் கிடைக்காமல் பொதுமக்கள் ஏமாற்றத்துடன் திரும்பி செல்கின்றனர்.

அதிலும் கோதுமை, உளுந்து, துவரை போன்றவை சுழற்சிமுறையில் கடைகளுக்கு குறைந்த அளவு ஒதுக்கப்படுகிறது.ஏற்கனவே ரேஷன்பொருட்களின் ஒதுக்கீட்டை குறைத்துவிட்டதாக மத்திய அரசு மீது குறை கூறிவரும் தமிழக அரசு, அம்மா உணவகங்களுக்காக, மேலும் ஒதுகீட்டை குறைத்திருப்பது பொதுமக்களிடம் அருப்தியை ஏற்படுத்தியுள்ளது. உணவுப்பொருட்களின் ஒதுக்கீடு குறைந்ததால், ரேஷன்கடைகளுக்கு கிடைக்க வேண்டிய கமிஷன் தொகையும் குறைந்துவிட்டன. இதனால், விற்பனையாளர்களுக்கு ஊதியம் அளிப்பதிலும் சிக்கல் ஏற்பட்டுள்ளது. மேலும் அடுத்த கட்டமாக சத்துணவு மையங்கள், அங்கன்வாடி மையங்களுக்கான உணவுப்பொருட்களின் ஒதுக்கீட்டை குறைக்கும் நடவடிக்கைகளில் அதிகாரிகள் இறங்கியுள்ளனர்.

**ஜாஹீதாபானு** · **ஜாஹீதாபானு** Mon Jul 21, 2014 3:25 pm

ஹோட்டல் சரவணபவனுக்கு கூட இவ்வளவு கிளைகள் இல்லை எங்கே பார்த்தாலும் அம்மா உணவகம் தான்.

சப்பாத்தி மூன்று 10 ரூபாயாம் வாங்கிப் பார்க்கனும்....

**அருண்** · **அருண்** Mon Jul 21, 2014 4:07 pm

மக்கள் வரி பணத்தில் ஏய்த்து அரசாங்க கஜனாவ கல்லா கட்ருற ஒரே அரசாங்கம் இதுவாகதான் இருக்கும்.

Sponsored content · Sponsored content

அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

Re: அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

Re: அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

Re: அம்மா உணவகத்திற்கு செல்லும் ரேஷன்பொருட்கள்: மக்களுக்கு கிடைப்பதில் சிக்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக