களவும் கற்று மற - கவிதை

**ayyasamy ram** · **ayyasamy ram** Sat Jul 19, 2014 12:29 pm

எனக்குத் தமிழில்
நீந்திச் சுழியோடத் தெரியாது…
என்றாலும்
பலர் தமிழில் நீந்தியிருக்கலாம்…
தமிழில் நீந்திய ஒருவர்
அண்ணே! அண்ணே!
“களவும் கற்று மற” என்றால்
என்னவென்று சொல் என்றார்!
-
களவைக் கற்கச் சொல்கிறார்
கற்ற களவை மறக்கச் சொல்கிறார்
எனக்கு ஒன்றுமே புரியவில்லை…
கற்றதைக் காற்றிலே பறக்க விடலாமோ?
யார் தான் அதை மறப்பார்…
ஆனால்
“காவற்றுறை உள்ளே தள்ளும்” என்று
எவர் தான் களவைக் கற்பார்?
இதற்கு மேலே
என்னாலே சொல்ல ஏதுமில்லை என்றேன்!
-
என்னண்ணே!
இப்படிச் சொல்லிப் போட்டியள்…
“காளை மோளைப் பார்த்ததும்
மோளை காளையைப் பார்த்ததும்
ஒருவருக்கொருவர்
உள்ளத்திலே தோன்றும் விருப்பம் – அந்த
விருப்பத்தைத் தமக்குள்ளே பேணுவதும்
களவு தான் அண்ணே!
ஆனால்
அந்தக் களவைத் தான்
பெத்தவங்க கோட்டைத் தாண்டாமல்
திருமணம் முடித்ததும் மறக்கணும்”
என்பதைத் தான் அண்ணே
“களவும் கற்று மற” என்று
அகநாநூற்றிலே
பாடப்பட்டுள்ளதாக சொன்னாரே
தமிழில் நீந்திய ஒருவர்!
-
பத்துப் பாடல், நூற்றுப் பாடல் என
எத்தனையோ இருக்கலாம்…
இன்னும் எவ்வளவோ
தமிழில் படிக்க வேண்டியிருப்பதை
தமிழில் நீந்தியவர்
கேட்ட கேள்வியின் பின்னரே
நானும் உணர்ந்தேன்!
-
----------------------------------
--yarlpavanan

**விமந்தனி** · **விமந்தனி** Sun Jul 20, 2014 12:28 am

ஒருவருக்கொருவர்
உள்ளத்திலே தோன்றும் விருப்பம் – அந்த
விருப்பத்தைத் தமக்குள்ளே பேணுவதும்
களவு தான் அண்ணே!
ஆனால்
அந்தக் களவைத் தான்
பெத்தவங்க கோட்டைத் தாண்டாமல்
திருமணம் முடித்ததும் மறக்கணும்”
என்பதைத் தான் அண்ணே
“களவும் கற்று மற” என்று
அகநாநூற்றிலே
பாடப்பட்டுள்ளதாக..............

இந்த பதிவைத் துவங்கியவர் நன்றி கூறியுள்ளார் விமந்தனி

களவும் கற்று மற - கவிதை

களவும் கற்று மற - கவிதை

Re: களவும் கற்று மற - கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக