மலேசிய விமானம் MH17 விபத்து: 295 பேர் பலி

soplangi · soplangi Thu Jul 17, 2014 10:09 pm

First topic message reminder :

295 பயணிகளுடன் கோலாம்பூர் நோக்கி பயணித்த மலேசிய விமானம், ரஷ்ய எல்லை அருகே விபத்துக்குள்ளானது.நெதர்லாந்து தலைநகர் ஆம்ஸ்டர்டாமிலிருந்து, மலேசிய தலைநகர் கோலாம்பூருக்கு போயிங் ரக மலேசிய விமானம் ஒன்று சென்று கொண்டிருந்தது. இந்த விமானம் உக்ரைன் நிலப்பரப்பில், ரஷ்ய எல்லைக்கு 50 கி.மீ.,க்கு முன்னால் விபத்துக்குள்ளானதாக, இன்டர்பேக்ஸ் செய்தி நிறுவனம் தெரிவித்துள்ளது. விமானம் உக்ரைன் நிலப்பரப்பில் பறந்து கொண்டிருந்த போது, ரஷ்ய எல்லைக்கு முன்னால் திடீரென தாழ்வாக பறந்ததாகவும், பின்னர் விமானத்தில் தீப்பிடித்து விமானம் விழுந்து நொறுங்கியதாகவும் முதற்கட்ட தகவல்கள் தெரிவிக்கின்றன.

சுட்டுவீழ்த்தப்பட்டதா?

உக்ரைனில் ரஷ்ய ஆதரவு படைகளுக்கு எதிராக அந்நாட்டு அரசுப்படைகள் நடத்திய தாக்குதலில் மலேசிய விமானம் சிக்கியிருக்கலாம் என சந்தேகங்கள் எழுந்துள்ளன. எனினும் இந்த தகவலை யாரும் உறுதிப்படுத்தவில்லை.

-- தினமலர்

**சிவா** · **சிவா** Mon Jul 21, 2014 4:21 am

பலியானவர்களின் உடல்கள் கடத்தல்!

சுட்டு வீழ்த்தப்பட்ட மலேசியன் ஏர்லைன்ஸ் விமானத்தில் பலியானவர்களின் உடல்களை பழங்குடியினர் மர்ம இடத்திற்கு கடத்தி சென்றுவிட்டதாக உக்ரைன் அரசு தெரிவித்துள்ளது.

மலேசியன் ஏர்லைன்ஸ் விமான நிறுவனத்தை சேர்ந்த எம்.எச்.17 ரக பயணிகள் விமானம் ஒன்று கடந்த 17ஆம் தேதி ரஷ்ய எல்லை பகுதி அருகே உக்ரைனில் சுட்டு வீழ்த்தப்பட்டது. இதனை அங்குள்ள கிளர்ச்சியாளர்கள் தாக்குதல் நடத்தி வீழ்த்தி உள்ளனர். இந்த சம்பவத்தில் 15 விமான ஊழியர்கள் உட்பட பயணம் செய்த அனைவரும் பலியாகி விட்டனர். அவர்களில் 2 பேர் இந்திய வம்சாவளியை சேர்ந்தவர்கள்.

இந்நிலையில், உக்ரைனின் அவசர சேவை பிரிவின் செய்தி தொடர்பாளர் ஒருவர் கூறுகையில், அந்த பகுதியில் உள்ள பழங்குடியின பிரிவினர் அங்கிருந்த 196 உடல்களை அங்கிருந்து எடுத்து சென்று விட்டனர் என தெரிவித்துள்ளார்.

லாரி ஒன்றில் விமான விபத்து நடந்த சம்பவத்திற்கு வந்த அவர்கள் அனைத்து உடல்களையும் எடுத்து கொண்டு சென்றுள்ளனர். இன்று அங்கு சென்று பார்க்கையில், ஒரு உடல் கூட கிடைக்கவில்லை.

உடல்களை ஆயுதம் ஏந்திய பழங்குடியினரிடம் ஒப்படைக்கும்படி அவசர சேவை பணியாளர்கள் நிர்ப்பந்தம் செய்யப்பட்டுள்ளனர். இதனைத் தொடர்ந்து அவர்கள் உடல்களை பழங்குடியினரிடம் கொடுத்து விட்டனர்" என்று தெரிவித்துள்ளார்.

இதனிடையே, உடல்களை பழங்குடியினர் எங்கு கொண்டு சென்று உள்ளனர் என்பது குறித்து அரசுக்கு திட்டவட்டமாக தெரியவில்லை என்று உக்ரைன் நாட்டு செய்தி தொடர்பாளர் நடாலியா பைஸ்ட்ரோ கூறியுள்ளார்.

**சிவா** · **சிவா** Mon Jul 21, 2014 4:26 am

எம்எச்17 பேரிடர்: 298 பயணிகளின் பட்டியலை வெளியிட்டது மாஸ்!

கோலாலம்பூர், ஜூலை 20 – கிழக்கு உக்ரைனில் கிளர்ச்சியாளர்களால் சுட்டு வீழ்த்தப்பட்ட எம்எச்17 விமானத்தில் பயணம் செய்த மொத்த பயணிகளின் (விமானப் பணியாளர்கள் உட்பட) பட்டியலை மலேசியன் ஏர்லைன்ஸ் நிறுவனம் நேற்று வெளியிட்டது.

இவர்களில் விமானப் பணியாளர்கள் உட்பட 43 பேர் மலேசியர்கள் ஆகும்.

மலேசிய விமானம் MH17 விபத்து: 295 பேர் பலி - Page 5 10489623_707459312660502_6188526572604653899_n