மலேசிய விமானம் MH17 விபத்து: 295 பேர் பலி

First topic message reminder :

295 பயணிகளுடன் கோலாம்பூர் நோக்கி பயணித்த மலேசிய விமானம், ரஷ்ய எல்லை அருகே விபத்துக்குள்ளானது.நெதர்லாந்து தலைநகர் ஆம்ஸ்டர்டாமிலிருந்து, மலேசிய தலைநகர் கோலாம்பூருக்கு போயிங் ரக மலேசிய விமானம் ஒன்று சென்று கொண்டிருந்தது. இந்த விமானம் உக்ரைன் நிலப்பரப்பில், ரஷ்ய எல்லைக்கு 50 கி.மீ.,க்கு முன்னால் விபத்துக்குள்ளானதாக, இன்டர்பேக்ஸ் செய்தி நிறுவனம் தெரிவித்துள்ளது. விமானம் உக்ரைன் நிலப்பரப்பில் பறந்து கொண்டிருந்த போது, ரஷ்ய எல்லைக்கு முன்னால் திடீரென தாழ்வாக பறந்ததாகவும், பின்னர் விமானத்தில் தீப்பிடித்து விமானம் விழுந்து நொறுங்கியதாகவும் முதற்கட்ட தகவல்கள் தெரிவிக்கின்றன.

சுட்டுவீழ்த்தப்பட்டதா?

உக்ரைனில் ரஷ்ய ஆதரவு படைகளுக்கு எதிராக அந்நாட்டு அரசுப்படைகள் நடத்திய தாக்குதலில் மலேசிய விமானம் சிக்கியிருக்கலாம் என சந்தேகங்கள் எழுந்துள்ளன. எனினும் இந்த தகவலை யாரும் உறுதிப்படுத்தவில்லை.

-- தினமலர்

உக்ரைனில் சுட்டு வீழ்த்தப்பட்டதாக கூறப்படும் மலேசிய விமானத்தில் முதலில் 295 பயணிகள் என்று கூறப்பட்டது.

தற்போது அந்த விமானத்தில் 23 அமெரிக்கர்கள் உட்பட 300 -க்கும் மேற்பட்ட பயணிகள் இருந்ததாக அந்நாட்டு உள்துறை அமைச்சு அறிவித்துள்ளது.

மலேசிய விமானம் வீழ்த்தப்பட்டது குறித்து அமெரிக்க அதிபர் ஒபாமா கடும் கண்டனம் தெரிவித்துள்ளார்.

கடும் துயரத்தை கொடுத்துள்ள இந்த சம்பவத்தில், 23 அமெரிக்க பிரஜைகள் இருப்பதாகக் கூறப்படுவது குறித்து விசாரிக்க தான் உத்தரவிட்டுள்ளதாக தெரிவித்துள்ளார்.

மீள முடியாத துன்பத்தில் இருக்கும் பயணிகளின் குடும்பத்தினருக்கு தனது ஆழ்ந்த இரங்கலையும் அவர் தெரிவித்துள்ளார்.

கிழக்கு உக்ரைன் பகுதியில் உக்ரைனுக்கு எதிரான ரஷ்ய ஆதரவாளர்கள் விமானத்தின் கறுப்புப் பெட்டியை கண்டு பிடித்துள்ளதாக தற்போது தகவல் வெளியாகி உள்ளது.

விமானம் பற்றிய செய்தி அறிந்தவுடன் கேஎல்ஐஏ அனைத்துலக விமான நிலையத்திற்கு பயணிகளின் உறவினர்கள் அதிகளவில் வந்து கொண்டிருக்கின்றனர்.

அதில் பலர் பயணிகளின் பட்டியலை வெளியிட வேண்டும் என்று மலேசியா ஏர்லைன்ஸ் நிறுவனத்திற்கு வேண்டுகோள் விடுத்துள்ளனர்.

ஆனால், அங்கு மலேசியா ஏர்லைன்ஸை சேர்ந்த அதிகாரிகள் யாரும் இல்லை.

விமானப் பணியாளர்களுள் ஒருவரான பினாங்கு மாநிலத்தைச் சேர்ந்த நூர் ஷாஸானா முகமட் ஷாலே (வயது 31) என்ற பெண்ணின் பெற்றோர் இந்த தகவலை அறிந்து மிகவும் அதிர்ச்சியடைந்துள்ளனர்.

இது குறித்து பினாங்கில் அவரது தந்தை முகமட் ஷாலே சம்சுதின் செய்தியாளர்களிடம் பேசுகையில், “அவள் என் மகள். அவள் நலமுடன் வீடு திரும்ப வேண்டிக்கொள்ளுங்கள். அவளுக்கு மிக விரைவில் திருமணம் நடத்த திட்டமிட்டிருந்தோம். இந்த மாதம் தனக்கு சிறப்பான மாதம் என்று நினைப்பதாக அவள் கூறினாள்” என்று கண்ணீர் மல்க தெரிவித்துள்ளார்.

அப்பெண்ணின் தாயார் துக்கத்தால் செய்தியாளர்களிடம் பேச மறுத்துவிட்டார்.

இந்நிலையில், பிரதமர் நஜிப் துன் ரசாக், அதிகாலை 4 மணிக்கு செய்தியாளர்களை சந்திப்பார் என்று தகவல் கிடைத்துள்ளது.

-
--தினமணி

மகா பாவிகள் .. ஏன் இப்படி செய்கின்றனர் .

விபத்தில் உயிர் இழந்த அனைவரின் ஆன்மா சாந்தி அடைய எல்லாம் வல்ல இறைவனை வேண்டுகின்றேன்

மனித உயிர்கள் மிக மலிவாக போய்விட்டது

ஆழ்ந்த இரங்கல்கள்

எம்.ஹெச்.17 பயணியின் ஃபேஸ்புக் 'ஜோக்' பதிவு நிஜமாகிய சோகம்

உக்ரைனில் ஏவுகணைத் தாக்குதலில் எம்.ஹெச்.17 விமானம் வீழ்த்தப்படுவதற்கு முன்பு, அதில் பயணித்தவர் நகைச்சுவைக்காக தனது ஃபேஸ்புக் பக்கத்தில் பதிந்த புகைப்படப் பதிவு, நிஜமாகி அவரது நண்பர்களையும், அந்தப் பதிவைப் பார்த்தவர்களையும் சோகத்தில் ஆழ்த்தியுள்ளது.

கார் பான் (Cor Pan) என்ற நெதர்லாந்தைச் சேர்ந்த இளைஞர் தனது மொபைலில் பிடித்த எம்.ஹெச்.17 விமானத்தின் புகைப்படத்தை இணைத்து, அதில் "ஒருவேளை இது மாயமானால், விமானம் இப்படித்தான் இருந்தது என்பதை அறிவீர்" எனும் பொருள்தரும் பதிவை ஃபேஸ்புக்கில் பதிவேற்றம் செய்திருந்தார்.

கடந்த மார்ச்சில் மாயமான எம்.ஹெச்.370 விமானம் இதுவரை அறியக் கிடைக்காத நிலையை, நகைச்சுவையாகக் குறிப்பிடும் வகையில், கார் பான் இவ்வாறு ஒரு பதிவை இட்டிருக்கிறார்.

ஆனால், ஆம்ஸ்டர்டாமில் இருந்து புறப்பட்ட அந்த விமானம், கிழக்கு உக்ரைனில் ஏவுகணைத் தாக்குதலில் நொறுங்கி விழுந்தது. அதில், பயணித்த 298 பேரும் உயிரிழந்தனர். அதில், தனது காதலியுடன் கார் பானும் இறந்துவிட்டதாக நம்பப்படுகிறது.

இந்தக் கோரச் சம்பவத்துக்குப் பின்னர், கார் பானின் ஃபேஸ்புக் பதிவை, 'தி கார்டியன்' பத்திரிகை செய்தியாக வெளியிட்டு, அது பலராலம் பகிரப்பட்டு வருகிறது.

கார் பான் பதிவேற்றம் செய்த எம்.ஹெச்.17 விமானத்தின் புகைப்படம், இதுவரை 24 ஆயிரத்துக்கும் மேற்பட்டோரால் பகிரப்பட்டுள்ளது. அந்தப் பதிவில், அவரது நண்பர்கள் பலரும் ஆழ்ந்த இரங்கலையும், அவருடனான நட்பைப் பற்றிய நினைவுகளையும் பகிர்ந்துள்ளனர்.

-- தி ஹிந்து தமிழ்

அதிர்ச்சியான செய்தி...!
-