கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

**சிவா** · **சிவா** Thu Jul 17, 2014 5:46 am

சென்னை: ''என்னை அறிக்கை நாயகர் என, சட்டசபையில் கேலி, கிண்டல் செய்து, சபையின் மாண்பினை குலைக்க, கங்கணம் கட்டிக் கொண்டு செயல்படாதீர்,'' என, தி.மு.க., தலைவர் கருணாநிதி கூறியுள்ளார்.

இது தொடர்பாக, அவரது அறிக்கை:

சட்டசபை கூட்டத் தொடர் நடந்து வருகிறது. என் உடல் நலத்தை கருத்தில் கொண்டு, அங்கு நான் அமர்வதற்கு, இந்த ஆட்சியினர் முறையான இடவசதி செய்து தராத காரணத்தால், நான் சபைக்கு செல்வதில்லை. அங்கு நடைபெறும், நடைமுறைகள் வழக்கம் போலவே உள்ளன. அமைச்சர்கள், தங்கள் துறை சம்பந்தப்பட்ட மானியங்களுக்கு பதில் அளிக்கும் போது, முதல்வருக்கு பாராட்டுப் புராணம் படித்தல். அத்துடன் என்னை எந்த அளவுக்கு கடுமையாக விமர்சனம் செய்து தாக்கிப் பேசிட முடியுமோ, அந்த அளவுக்கு பேசுதல் என்ற இந்த நடைமுறைகள், அப்படியே தான் தொடருகின்றன. தமிழகத்தில் தொழில் வளர்ச்சி பற்றி சுப்பிரமணிய சாமி கூறுகையில், 'தொழில் வளம், பொருளாதார வளர்ச்சி எதுவுமே இல்லை. தகவல் தொழில் நுட்ப துறையில், தமிழகம், நாட்டிலேயே முதன்மையான மாநிலமாக வரும் என எதிர்பார்க்கப்பட்ட சூழ்நிலை மாறியிருக்கிறது. அதற்கு காரணம், மாநில அரசு நிர்வாகம் சரியில்லாததே' என, தெரிவித்துள்ளார். முதல்வர் ஜெயலலிதா, எங்கள் மீது கோபப்பட்டு என்ன பயன்? இந்த விவரங்களையெல்லாம், திரட்டி, நான் அறிக்கை வெளியிடுவது தவறா? சபையில் இருக்கிறோம் என்ற பாதுகாப்பில், அமைச்சர் என் கேள்விகளுக்கு பதில் சொல்ல வக்கில்லாமல், என்னை 'அறிக்கை நாயகர்' என, சபையில் கிண்டல் செய்வதா? இதுபோல தொடர்ந்து சபையை நடத்தச் செய்து, சபையின் மாண்பினை குலைக்க, கங்கணம் கட்டிக் கொண்டு செயல்படாதீர். இவ்வாறு, கருணாநிதி கூறியுள்ளார்.

**மாணிக்கம் நடேசன்** · 14/12/2009

இவரது காட்டத்தின் மீது யாருக்கும் நாட்டம் இல்லை. சும்மா கத்திட்டு போக வேண்டியதுதான் இவரது அடுத்து வரும் பணி.

**ராஜா** · **ராஜா** Thu Jul 17, 2014 10:43 am

மாணிக்கம் நடேசன் wrote:இவரது காட்டத்தின் மீது யாருக்கும் நாட்டம் இல்லை. சும்மா கத்திட்டு போக வேண்டியதுதான் இவரது அடுத்து வரும் பணி.

மேற்கோள் செய்த பதிவு: 1074293 கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம் 3838410834

Sponsored content · Sponsored content

கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

Re: கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

Re: கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

Re: கேள்விக்கு பதில் சொல்ல வக்கில்லை: அமைச்சர் மீது கருணாநிதி காட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக