108 அம்மன் கோயில் சுற்றுலா: சுற்றுலா வளர்ச்சிக் கழகம் ஏற்பாடு

தமிழ்நாடு சுற்றுலா வளர்ச்சிக் கழகம் 108 அம்மன் கோயில் சுற்றுலா, ஒரு நாள் சக்தி சுற்றுலா மற்றும் ஆடி அமாவாசை சுற்றுலாக்களுக்கு ஏற்பாடு செய்துள்ளது.
-
இது குறித்து சுற்றுலா வளர்ச்சிக் கழகம் வெளியிட்ட செய்தி:
-

108 அம்மன் கோயில் சுற்றுலா திங்கள்கிழமை மற்றும் வியாழக்கிழமைகளில் காலை 6 மணிக்கு சென்னையிலிருந்து புறப்பட்டு முறையே வெள்ளி மற்றும் திங்கள்கிழமை சென்னையை வந்தடையும். இந்த 5 நாள்கள் சுற்றுலாவில் வைத்தீஸ்வரன் கோயில், தஞ்சை, மதுரை, திருச்சி ஆகிய ஊர்களில் இரவு தங்கும் வசதி செய்து தரப்படும்.
இச் சுற்றுலாவுக்கான கட்டணம் நபருக்கு ரூ. 4,950 ஆகும். சிறுவருக்கு ரூ. 4,350 வசூலிக்கப்படும். தனி நபர் என்றால் தனி அறைக்கான கட்டணத்துடன் சேர்த்து ரூ. 5,950 வசூலிக்கப்படும்.
-
ஒரு நாள் சக்தி சுற்றுலாவில் மாங்காடு, திருவேற்காடு, பூந்தமல்லி, திருமுல்லைவாயில், செம்புலிவரம், பஞ்சட்டி, மேலூர், திருவொற்றியூர் அம்மன் கோயில்களைத் தரிசிக்கும் வகையில் ஏற்பாடு செய்யப்பட்டுள்ளது. இதற்கான கட்டணம் ரூ. 470. ஏ.சி. பஸ்ஸில் பயணிப்பதற்கான கட்டணம் ரூ. 550.
-
3 நாள் ஆடி அமாவாசை சுற்றுலா சென்னையிலிருந்து ஜூலை 24-ஆம் தேதி மாலை 4 மணிக்கு புறப்படும். இதற்கான கட்டணம் நபருக்கு ரூ. 2,800 ஆகும்.
-
மேலும் விவரங்களுக்கு சுற்றுலா வளர்ச்சிக் கழக அலுவலகத்தை 044 – 25384444, 25383333, 25389857 ஆகிய தொலைபேசி எண்களில் தொடர்பு கொள்ளலாம்.
-
–தினமணி
_________________