கேட்கும் காதுகளால் தான் புதிய வழிகளை கண்டறிய முடியும்..!

**ayyasamy ram** · **ayyasamy ram** Fri Jul 11, 2014 12:19 pm

-
* குழந்தைகளுக்கு பள்ளி விடுமுறை முடிந்து பள்ளி
திறந்துவிட்ட நேரமிது, குழந்தை ஒரு தவறு செய்து
விட்டால், புண்படுத்தி விட்டால் இந்த தவறில்
இருந்து என்ன கற்றுக் கொண்டால் என்று கேளுங்கள்.

ஒரு பொருளைத் தொலைத்துவிட்டு வந்தால் அடித்து
நொறுக்காதீர்கள். தொலைத்ததற்கு யார் பொறுப்பு,
இனி தொலைக்காமல் இருக்க என்ன செய்ய
வேண்டும் என்பதைக் கனிவோடு புரிய வையுங்கள்.

தன்னுடைய பிரச்னைகளைத் தானே தீர்த்துக் கொள்ள
வேண்டிய திறமையை, மன வலிமையை
குழந்தையிடம் உண்டாக்குங்கள். வீட்டில் அமைதி
நிலவும்.
-
——————————————–

* சில சமயம் பார்த்து பார்த்து சமைத்தாலும், சமையல்
சரியாக வராது. ஆனால் அவசர அவசரமாக சமைத்தால்
நன்றாக வரும்.
அப்படிப்பட்ட சூழலில், குடும்பத்தார் முணுமுணுக்காமல்
சாப்பிட்டால் சமைத்தவர் அடுத்தடுத்து சமைக்கும் போது
தனது தவற்றை உணர்ந்து ஆர்வமுடன் சமைக்க
முற்படுவர்.
உணவு வேளைகளில் குறைசொல்லாமல் சாப்பிடுவது
குடும்ப அமைதிக்கு மிக மிக அவசியம்.
-
———————————————–
-
* கவனித்தலும் – தெளிவாகப் பேசுவதும் எவ்வளவு
முக்கியமோ வீட்டில் குழந்தை முதல் பெரியவர் வரை
பொறுமையாகக் கேட்பதும் அதே அளவு முக்கியம்.
அடுத்தவர் சொல்வதை கவனக் குறைவின்றி முதல்
தடவையே நூறு சதவிகிதம் முழுமையாகக் கேட்டுக்
கொண்டால் போதும் தவறாக எதையும் செய்யாமல்
தவிர்க்க முடிவதோடு ஒவ்வொருவரும் தன்னை
மதிப்பதை நினைத்து சந்தோஷம் கொள்வார்கள்.

ஆஃபிசில் பள்ளிக் கல்லூரிகளில், தொழிலில் சிக்கல்
ஏற்பட்டால் வீட்டினரிடம் பேசினால் தீர்வு கிடைக்கும்
என்ற நிம்மதி ஏற்படும்.

ஆதலால் அடுத்தவர் பேசுவதை மனதாரக் கேட்பதை
நிறுத்தாதீர்கள். அந்தச் சிக்கலுக்கான தீர்வை
உங்களுக்குத் தெரிந்த அளவு கூறுங்கள். கேட்கும்
காதுகளால் தான் புதிய வழிகளை கண்டறிய முடியும்.
அப்போது குடும்பம் குதூகலிக்கும்.
-
——————————————

- இந்திராணி தங்கவேல், மும்பை (மங்கையர் மலர்)