உனை ஆள்வது உன் மனமே

Syed Sardar · Syed Sardar Wed Jul 09, 2014 5:58 pm

உனை ஆள்வது உன் மனமே
வேறெங்கே தேடுகிறாய் நிம்மதியை ?
உன் நன்மை தீமைகளுக்கு
நீ தான் நீயே தான் காரணம் !

அடக்கி ஆளவேண்டிய மனதை
அடங்காப் பிடாரியாக்கி
அலைய விட்டது நீயே !
சிந்தித்து மறுத்த மூளையை
நிந்தித்து பறந்தது உன் மனமும்.
ஒப்பிட்டு பார்க்குங்கால்
ஓங்கி அடித்திருந்தால்
ஒதுங்கி உணரந்திருக்கும்
ஒப்புமை தவறென்று !

பசிக்குணவின்றி
படுக்க இடமின்றி
உடுத்த உடுக்கையின்றி
உற்றார் உறவின்றி
பெற்றோரற்ற பிஞ்சுகளாய்
பிள்ளைகள் பெற்றும் அனாதைகளாய்
இன்னும் எத்தனையோ
இருப்பவை மறந்து
இறுமாப்புடன் இருந்து வந்தாய் !

உள்ளது போதாது
உலகளவு வேண்டும்
பகட்டும் பணமும்
இன்னமும் வேண்டும்
தேடினாய் ... தேடினாய்
வாழ்நாள் முழுதும் தேடினாய்

உற்றார் ஒதுக்கி
பெற்றோர் மறந்து
உறவுகள் அறுபட
உழைத்து நீ பெற்ற செல்வம்
உணதில்லையென உணரும் போது
உலக நியதிகள் புரியுமுனக்கு !
எனது எனதுவென
நீ தேடிய யாவும் உனதில்லை
நீ தேடாது கிடைத்த
இலவச ஆறடியே சொந்தமென்று !

தெளிவு பெறும் அந்நேரம்
மனிதா உன் மனம்
உறைக்கும் அழுத்தமாய் ......

"ஏன் என்னை அலையவிட்டாயென?"

**M.M.SENTHIL** · **M.M.SENTHIL** Wed Jul 09, 2014 5:59 pm

அருமையான கவிதை.. சூப்பருங்க

உனை ஆள்வது உன் மனமே

உனை ஆள்வது உன் மனமே

Re: உனை ஆள்வது உன் மனமே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக