உத்தரபிரதேசத்தில் 3 மைனர் பெண்கள் கொடூர கும்பலால் கற்பழிப்பு

**சிவா** · **சிவா** Tue Jul 08, 2014 6:13 pm

உத்தரபிதேச மாநிலம் படான் மாவட்டம் சிங்காவுலியில் 3 மைனர் பெண்கள் கொடூர கும்பலால் கற்பழிக்கப்பட்டுள்ளனர்.

கடந்த ஞாயிற்றுக்கிழமை சிறுமிகள் அங்குள்ள வயல்வெளிக்கு சென்றுள்ளனர். அப்போது பக்கத்து கிராமத்தை சேர்ந்த மூன்று வாலிபர்கள் சிறுமிகளை கேலி செய்துள்ளனர். அவர்களின் பேச்சுக்கு சிறுமிகள் கடும் எதிர்ப்பு தெரிவித்துள்ளனர். இதனால் ஆத்திரம் அடைந்த வாலிபர்கள் மேலும், நான்கு வாலிபர்களுடன் சேர்ந்து சிறுமிகளை கடுமையாக அடித்து துன்புறுத்தியுள்ளனர். இதனை நேரில் பார்த்த பாதிக்கப்பட்ட சிறுமியின் சகோதரன் ஓடி சென்று அவர்களை காப்பாற்ற முயன்றுள்ளான். அவனையும் அந்த கும்பல் கடுமையாக தாக்கியுள்ளது. இது தொடர்பாக போலீசார் வழக்கு பதிவு செய்து விசாரித்து வருகின்றனர். வாலிபர்களுக்கு எதிராக ஜாரிப்நகர் காவல் நிலையத்தில் சிறுமிகளை ஈவ் டீசிங் செய்ததாக வழக்கு பதிவு செய்யப்பட்டுள்ளது. எஸ்.சி./எஸ்.டி. பிரிவின் கீழ் வழக்கு பதிவு செய்யப்பட்டுள்ளது.

இதற்கிடையே பாதிக்கப்பட்ட சிறுமிகள் தாங்கள், அவர்களால் கற்பழிக்கப்பட்டோம் என்று கூறியுள்ளனர். அவர்களது பெற்றோர்களும் இது தொடர்பாக மாவட்ட காவல்துறை உயர் அதிகாரியை சந்தித்து கோரிக்கை விடுத்துள்ளனர். போலீசார் குற்றவாளிகளை காப்பாற்றுகின்றனர் என்று அவர்கள் குற்றம் சாட்டியுள்ளனர். யாதவ் பிரிவை சேர்ந்த அவர்களை சமாஜ்வாடி கட்சியின் தலைவர் ஒருவர் காப்பாற்றி வருவதாக குற்றம் சாட்டப்பட்டுள்ளது. இதுவரையில் மூன்று குற்றவாளிகளை கைது செய்துள்ளோம். மற்றவர்களை கைது செய்ய வலைவீசி தேடி வருகிறோம். சிறுமிகளின் வாக்குமூலம் கோர்ட்டில் பதிவு செய்யப்படும். பின்னர் இது குறித்து நடவடிக்கை எடுக்கப்படும் என்று போலீஸ் தரப்பில் தெரிவிக்கப்பட்டுள்ளது.

**சிவா** · **சிவா** Tue Jul 08, 2014 6:14 pm

இந்தியாவில் பெண்களுக்கு எதிரான குற்றங்கள் அதிகரிப்பு;டெல்லி கற்பழிப்பின் தலைநகரம்

இந்தியாவில் பெண்களுக்கான குற்றங்கள் அதிகரித்து உள்ளது. பெண்களுக்கு எதிரான கற்பழிப்பு, வரதட்சணை மரணங்கள், கடத்தல் மற்றும் பாலியல் வன்முறை ஆகியவை முந்தைய ஆண்டை ஒப்பிடும் போது 2013 -ல் 26.7 சதவீதம் உயர்ந்து உள்ளதாக தேசிய குற்ற பதிவு ஆணையம் தெரிவித்து உள்ளது.

இந்தியாவில் கடந்த வருடம் பெண்களுக்கு எதிராக 3, 09 546 குற்றங்கள் இந்திய போலீஸ் நிலையங்களில் பதிவாகி உள்ளது.2012 ஆம் ஆண்டு 2, 44, 270 குற்றங்கள் பதிவாகி உள்ளது.இது தென் மாநிலங்களில் ஆந்திராவில் அதிக அளவு பதிவாகி உள்ளது.என தேசிய குற்ற பதிவு ஆணையம் தெரிவித்து உள்ளது.

இந்த குற்றங்களில், கற்பழிப்பு, கடத்தல், பாலியல் துன்புறுத்தல், கனவன் மற்றும் உறவினர்களால் பாலியல் கொடுமை,வரதட்சணை கொடுமைகலால் தற்கொலைக்கு தள்ளப்படுவது ஆகியவையும் அடங்கும்.

இந்தியாவில் டெல்லியில் தான் கற்பழிப்புகளின் எண்ணிகை 35.2 சதவீதமாக அதிகமாக உயர்ந்து உள்ளது. இந்தியாவின் கற்பழிப்பு தலைநகரமாக டெல்லி திகழ்கிறது என அந்த ரிப்போர்ட்டில் கூறப்பட்டு உள்ளது. 2013 ல் பெண்களுக்கு எதிரான குற்றங்கள் 33.707 பதிவாகி உள்லது. கற்பழிப்பு வழக்கு மட்டும் 1441.

வணிக நகரமான மும்பையில் 391 கற்பழிப்புகளும், மென் பொருள் நகரமான பெங்களூரில் 80 கற்பழிப்பு வழக்குகளும் கடந்த ஆண்டில் பதிவாகி உள்ளது.