JE (Japanese Encephalitis) வைரஸ்!

பினாங்கு மாநிலம் தாசேக் கெலுகொர் பகுதியில் 12 வயது மாணவன் ஒருவனுக்கு கொசுக்களின் மூலம் பரவும் ஜேஇ (Japanese Encephalitis) என்ற ஒருவகை காய்ச்சல் ஏற்பட்டு, சுயநினைவு இன்றி ஆபத்தான நிலையில் தற்பொழுது தனியார் மருத்துவமனையில் சிகிச்சை பெற்று வருகின்றார்.

கடந்த மே 18 -ம் தேதி காய்ச்சல் அதிகமாகி, கப்பளா பத்தாஸ் மருத்துவமனையில் அனுமதிக்கப்பட்டு பின்பு, தனியார் மருத்துவமனைக்கு மாற்றம் செய்யப்பட்டார்.

இது குறித்து பினாங்கு சுகாதாரதுறை இயக்குனர் டத்தோ டாக்டர் லைலானோர் இப்ராஹிம் கூறுகையில், “அச்சிறுவன் தற்பொழுது சுயநினைவு இழந்து தீவிர சிகிச்சைப் பிரிவில் பினாங்கு தனியார் மருத்துவமனையில் அனுமதிக்கப்பட்டுள்ளார்” என்று தெரிவித்துள்ளார்.

இக்கிருமி, பாதிக்கப்பட்ட க்யூலெக்ஸ் கொசுக்கள் மனிதர்களை கடிப்பதன் மூலம் மிக விரைவாக பரவுவதற்கு வாய்ப்புகள் உள்ளது.

மேலும், பினாங்கு மாநில அரசு அக்குடியிருப்புப் பகுதிக்கு அருகே உள்ள பன்றி பண்ணைகளிலிருந்து அக்கிருமி பரவுகிறதா என தற்போது ஆய்வு செய்து வருகின்றனர்.

அத்துடன், பன்றிப் பண்ணைக்கு இரண்டு கிலோமீட்டர் அருகே உள்ள பள்ளிகளில் இந்த நோய் குறித்து ஆய்வு நடத்த சம்பந்தப்பட்ட அதிகாரிகள் உடனடியாக விரைந்துள்ளனர்.

பினாங்கில் 2 வயது சிறுமிக்கு ஜெஇ வைரஸ்!

கியூ லெக்ஸ்’ எனும் ஒரு வகை கொசுக்களால் ஏற்படும் மூளை வீக்கம் நோய், பினாங்கில் ஏற்கனவே சிறுவன் ஒருவனைத் தாக்கியிருந்த நிலையில், தற்போது 2 வயது சிறுமியையும் தாக்கியிருப்பதாக கண்டறியப்பட்டுள்ளது.

பாகான் ஜெர்மாலில் உள்ள தனது தாத்தா வீட்டிற்கு வந்த போது அவருக்கு ஜெஇ வைரஸ் தாக்கியுள்ளது கண்டரியப்பட்டுள்ளது.

கடந்த ஜூன் 24 -ம் தேதி, எடுக்கப்பட்ட இரத்தப் பரிசோதனையில் அச்சிறுமிக்கு ஜெஇ வைரஸ் தாக்கியிருப்பது உறுதிப்படுத்தப்பட்டது என பினாங்கு மாநில சுகாதாரத்துறை இயக்குநர் டத்தோ டாக்டர் லைலானோர் இப்ராகிம் தெரிவித்தார்.

கடுமையான காய்ச்சல் காரணமாக கடந்த ஜூன் 13 -ம் தேதி, அச்சிறுமி செபராங் ஜெயா மருத்துவமனையில் அனுமதிக்கப்பட்டு, பின்னர் கவலைக்கிடமான நிலையில் பினாங்கு மருத்துவமனைக்கு மாற்றப்பட்டார்.

இந்நிலையில், அங்கு அவசர சிகிச்சைப் பிரிவில் அனுமதிக்கப்பட்டு தீவிர சிகிச்சை அளிக்கப்பட்டு வந்த அச்சிறுமியில் நிலை ஓரளவு அபாயக்கட்டத்தை தாண்டியவுடன் கடந்த ஜூன் 18 -ம் தேதி பொதுப் பிரிவிற்கு மாற்றப்பட்டுள்ளதாக மருத்துவமனை அறிவித்துள்ளது.

இதனிடையே இந்நோயின் தாக்கம் குறித்து கருத்துரைத்த சுகாதாரத்துறை அமைச்சர் டத்தோஸ்ரீ டாக்டர் எஸ்.சுப்ரமணியம், பன்றி, குதிரை போன்ற விலங்குகளிலிருந்து பரவும் இக்கிருமி, ‘கியூலெக்ஸ்’ எனும் கொசு கடிப்பதன் மூலம் மனிதர்களிடையே பரவுகிறது என்றும், இந்த நோய்க்கான காய்ச்சல் அறிகுறிகள் எளிதில் புலப்படுவதில்லை என்றும் நேற்று புத்ராஜெயாவில் நடைபெற்ற செய்தியாளர் சந்திப்பில் தெரிவித்தார்.

மேலும் மலேசியாவில் இது நாள் வரை இந்நோய்க்கு 17 பேர் பாதிக்கப்பட்டுள்ளனர் என்றும், அதில் 4 மரண சம்பவங்களும் நிகழ்ந்துள்ளன என்றும் சுப்ரா குறிப்பிட்டார்.

மலேசிய சுகாதார அமைச்சு, மலேசிய கால்நடை துறையுடன் இணைந்து இந்நோயைக் கட்டுப்படுத்த பல தீவிர நடவடிக்கைகள் மேற்கொண்டு வருவதாகவும் சுப்ரா தெரிவித்தார்.

கடவுளே! இதென்ன புது வைரஸ் கிளம்புகிறதே...?  

 

ஜப்பானிய என்செபலிடிஸ் - 12 நாட்களில் 49 பேர் பலி

சிலிகுரி: திரிணமுல் காங்கிரஸ் கட்சியை சேர்ந்த முதல்வர், மம்தா பானர்ஜி தலைமையிலான மேற்கு வங்கத்தில், கடந்த, 12 நாட்களில், 'ஜப்பானிய என்செபலிடிஸ்' எனப்படும் மூளை வீக்கத்தால் ஏற்படும் காய்ச்சல் நோயால், 49 பேர் இறந்துள்ளனர். மேலும், 41 பேர் நோய் பாதிப்பால், சிகிச்சை பெற்று வருகின்றனர். அவர்களில், ஒன்பது பேர் நிலைமை கவலைக்கிடமாக உள்ளது என,தெரிவிக்கப்பட்டுள்ளது.

எனினும், நோய் தடுப்பு நடவடிக்கைகளை மாநில அரசு மேற்கொள்ளவில்லை என, எதிர்க்கட்சிகள்தெரிவிக்கின்றன.

வட மேற்கு வங்கத்தில் மூளையழற்சி நோயால் பலியானவர்களின் எண்ணிக்கை 121-ஐ எட்டியது

‘ஜப்பான் மூளையழற்சி’ நோய் எனப்படும் புதிய வகை நோய்க்கு மேற்கு வங்காள மாநிலத்தில் பலியானோர் எண்ணிக்கை 121 ஆக உயர்ந்துள்ளது.

கடந்த 24 மணி நேரத்தில் இருவர் இறந்துள்ள நிலையில் மேலும் நான்கு பேர் இந்நோயால் பாதிக்கப்பட்டு மருத்துவமனையில் அனுமதிக்கப்பட்டுள்ளதாக மேற்கு வங்க சுகாதாரத்துறை சேவைமைய இயக்குனர் பிஸ்வரஞ்சன் சத்பதி தெரிவித்தார்.

மற்ற மாநிலங்களில் இந்நோயால் பலியாகியுள்ள 20 பேரையும் சேர்த்து, ஜனவரி மாதம் தொடங்கி இந்த வருடம் மட்டும் 141 பேர் பலியாகியுள்ளனர்.

தற்போது வட மேற்கு வங்கத்தில் உள்ள ஏழு மாவட்டங்களின் நிலைமை கட்டுக்குள் உள்ளதாக தெரிவித்த மருத்துவத்துறை அதிகாரிகள் கொல்கத்தாவில் இந்நோய் யாரையும் தாக்கவில்லை என்று தெரிவித்தனர்.