ரஷ்யாவின் 'மிர்' விண்வெளி நிலையத்துடன் அட்லாண்டிஸ் இணைந்தது (29-06-1995)

'மிர்' பூமியைச் சுற்றி வர சோவியத் யூனியனால் ஏவப்பட்ட ஒரு விண்நிலையம். விண்வெளியில் முதன் முதலில் நிறுவப்பட்ட நீண்ட கால தொழிற்பாடுடைய விண்வெளி ஆய்வு மையம் இதுவாகும்.

உலக அமைதியின் சின்னமாக சோவியத் யூனியன் இதனை உருவாக்கியது. 1986-ம் ஆண்டு பெப்ரவரி 19-ல் இந்நிலையம் விண்ணுக்கு ஏவப்பட்டது. 'மிர்' என்பது ரஷ்ய மொழியில் சமாதானம் அல்லது அமைதி எனப் பொருள்படும்.

ரஷ்ய ராக்கெட் சோயுஸ் மூலமாக முதலில் விண்வெளி ஆய்வாளர்கள் பயணம் செய்து, மிர் ஆய்வு மையத்திற்கு சென்றனர். அதன் பின்னர் நாசாவின் அட்லாண்டிஸ் விண்கலம் மிர் உடன் இணைந்தது.

அமெரிக்காவின் 'நாசா' விண்வெளி மையம் 'அட்லாண்டிஸ்' என்ற விண்கலத்தை 30 ஆண்டுகளுக்கு முன்பு வடிவமைத்தது. அந்த விண்கலம் 33 முறை விண்ணிற்கு சென்று திரும்பியுள்ளது. இந்த விண்கலம் முதன்முறையாக மிர் விண்நிலையத்துடன் 29-06-1995-ல் இணைந்தது.

மிர் விண்வெளி நிலையம் மார்ச் 23, 2001 வரை இயங்கியது. இது பின்னர் புவியின் சுற்று வட்டத்தில் இருந்து விலக்கப்பட்டது. இதையடுத்து தென் பசிபிக் பெருங்கடலில் விழுந்து மூழ்கியது.

மேலும் இதே நாளில் நடந்த முக்கிய நிகழ்வுகள்

* 1534 -ம் ஆண்டு பிரின்ஸ் எட்வேர்ட் தீவு ஜாக் கார்ட்டியர் என்ற ஐரோப்பியரால் கண்டுபிடிக்கப்பட்டது.

* 1850 - வான்கூவர் தீவில் நிலக்கரி கண்டுபிடிக்கப்பட்டது. * 1925 - கலிபோர்னியாவில் ஏற்பட்ட நிலநடுக்கத்தில் சாண்டா பார்பரா என்ற இடம் முழுவுதும் அழிந்தது.

* 1976 - செஷல்ஸ் பிரிட்டனில் இருந்து விடுதலை பெற்றது.

* 2002 - தென் கொரியாவுக்கும் வட கொரியாவுக்கும் இடையில் இடம்பெற்ற கடல் மோதலில் ஆறு தென் கொரிய மாலுமிகள் கொல்லப்பட்டனர். ஒரு வட கொரியக் கப்பல் மூழ்கடிக்கப்பட்டது.

* 1945 - இலங்கையின் நான்காவது அதிபர் சந்திரிகா குமாரதுங்க பிறந்தார்.