பாதுஷா

தாமு · தாமு Thu Jan 21, 2010 10:53 am

பாதுஷா..மிகச்சிலரைத் தவிர பெரும்பாலானவர்களின் விருப்பமான இனிப்பு ..சந்தேகமில்லாமல் நான் பெரும்பாலானவர் பக்கம்தான்! புன்னகை

இங்கே தென்னிந்திய இனிப்புகள் அதிகள் கிடைப்பதில்லை..இணையத்தின் உதவியோடு நான் செய்யும் மூன்றாவது பாதுஷா எக்ஸ்பெரிமென்ட் ...இது தான் பொங்கலுக்கு எங்க வீட்டு ஸ்வீட்! நல்லாயிருக்கா? புன்னகை

பாதுஷா

தேவையான பொருட்கள்
மைதா மாவு / ஆல் பர்ப்பஸ் ஃப்ளோர் - 1கப்
பேக்கிங் சோடா - 1/4ஸ்பூன்
வெண்ணை - 115 கிராம்
சர்க்கரை - 1 1/2கப்
தண்ணீர் - 1/4 கப்
கேசரி பவுடர் - 1/4 ஸ்பூன்
எண்ணெய் - பொரிக்கத் தேவையான அளவு.

செய்முறை
மைதாவுடன் பேக்கிங் சோடா சேர்த்து சலிக்கவும். வெண்ணையை உருக்கிக்கொண்டு அதனுடன் சலித்த மாவை சிறிது சிறிதாக சேர்த்துக் கலக்கவும். பின்னர் கொஞ்சம் கொஞ்சமாகத் தண்ணீர் சேர்த்து மாவை நன்றாகப் பிசைந்து கொள்ளவும். [குறைந்தது 15 நிமிடம் புன்னகை

]

சர்க்கரையை பாத்திரத்தில் போட்டு ஒண்ணரை கப் தண்ணீர் சேர்த்து பாகு காய்ச்சவும். பாகு கொதி வர ஆரம்பித்த பின் ஏழு நிமிடங்கள் கழித்து அடுப்பிலிருந்து இறக்கிவிடவும். பிசைந்த மாவை சம அளவு உருண்டைகளாக உருட்டிக் கொண்டு, ஓரொரு உருண்டையையும் உள்ளங்கைகளின் நடுவே வைத்து அழுத்தி பாதுஷா வடிவம் கொண்டு வரவும்.

மிதமான சூட்டில் எண்ணெயை காயவைக்கவும். சிறிதளவு மாவை எண்ணெயில் போட்டால் சிறிது நேரம் கழித்துத்தான் அது மேலே வர வேண்டும். அதுதான் சரியான பதம். அப்பொழுது எண்ணெய்ப் பாத்திரத்தை அடுப்பிலிருந்து இறக்கி, பாதுஷாக்களை ஒன்றொன்றாக எண்ணெயில் போடவும். சிறிது நேரத்தில் அவை எண்ணெயில் மிதக்க ஆரம்பித்ததும் எண்ணெய்ப் பாத்திரத்தை அடுப்பில் வைக்கவும்.

பாதுஷாக்கள் பொன்னிறமானதும் எடுக்கவும். [ சுமார் 15-17 நிமிடங்கள் ஆகும்.] பொரித்த பாதுஷாக்களை மிதமான சூட்டில் உள்ள பாகில் போட்டு பத்து நிமிடங்கள் ஊற விடவும். ஊறியதும் எடுத்து தட்டில் அடுக்கவும்.

2 ஸ்பூன் சர்க்கரையை ஒரு ஸிப்-லாக் கவரில் எடுத்து, அதனுடன் ஒரு துளி மஞ்சள், ஒரு துளி சிவப்பு நிறங்களை சேர்க்கவும். ஸிப்-லாக் கவரை லாக் செய்துகொண்டு வண்ணங்கள் சர்க்கரையுடன் சேரும்படி கலக்கவும். சர்க்கரைப்பாகு மீதமிருந்தால் பாதுஷாக்களின் மீது ஊற்றி விட்டு, கலர்ப்பொடி கலந்த சர்க்கரையை மேலே தூவி அலங்கரிக்கவும். ருசியான பாதுஷாக்கள் ரெடி!

குறிப்பு :
கொஞ்சம் நேரத்தையும்,பொறுமையையும் தாராளமாகச் சேர்த்தால் சுவையான பாதுஷாக்கள் சுவைக்கலாம்..மாவு பிசையும் நேரமும், பாதுஷாக்களை பொரிக்கும் நேரமும்தான் கொஞ்சம் நீளம்..ஆனால், பைனல் அவுட்கம்-ஐப் பாத்தீங்கன்னா, செலவு செய்த நேரம் வீணாகலைன்னு நீங்களே உணர்வீங்க!

by மகி

சாந்தன் · சாந்தன் Thu Jan 21, 2010 10:58 am

ஐயோ நாக்குல எச்சில் ஊருதே.
இதை செய்வதற்கு எங்கே நேரம். இப்படி பார்த்துக் கொள்ள வேண்டியது தான்
பாதுஷா 678642

**ரிபாஸ்** · **ரிபாஸ்** Thu Jan 21, 2010 11:00 am

இப்பவோ திங்க்கனும் போல இருக்கு தாமு அண்ணா

சபீர் · சபீர் Thu Jan 21, 2010 11:39 am

இதை செய்வதற்கு எங்கே நேரம். இப்படி பார்த்துக் கொள்ள வேண்டியது தான்

தாமு · தாமு Thu Jan 21, 2010 11:41 am

இப்பவோ திங்க்கனும் போல இருக்கு பாதுஷா 838572

உதயசுதா · உதயசுதா Thu Jan 21, 2010 11:42 am

தாமு நன்றி. இன்றே செய்து பார்த்துட்டு உங்களுக்கு மெயில் அனுப்பறென்.

**ராஜா** · **ராஜா** Thu Jan 21, 2010 11:42 am

எனக்கும் மிக பிடித்தமான ஒரு இனிப்பு இது ,

நன்றி தம்பி தாமுவின் மனைவிக்கு பாதுஷா 678642

**ராஜா** · **ராஜா** Thu Jan 21, 2010 11:43 am

UDAYASUDHA wrote:தாமு நன்றி. இன்றே செய்து பார்த்துட்டு (நாளைக்கு இருந்தேன்னா) உங்களுக்கு மெயில் அனுப்பறென்.

தாமு , சுதா எழுத மறந்து போனதை நான் சேர்த்துருக்கிறேன். பாதுஷா 705463

**சிவா** · **சிவா** Thu Jan 21, 2010 11:49 am

Kraja29 wrote:
UDAYASUDHA wrote:தாமு நன்றி. இன்றே செய்து பார்த்துட்டு (நாளைக்கு இருந்தேன்னா) உங்களுக்கு மெயில் அனுப்பறென்.

தாமு , சுதா எழுத மறந்து போனதை நான் சேர்த்துருக்கிறேன்.