சுலபமான முறையில் இனிப்புகள் ! - கடலை மாவு லட்டு !

by **krishnaamma** Sat Jul 16, 2011 5:32 pm

இந்த திரி இல் பலவகை இனிப்புகள் செய்யும் (ஈசியான) முறைகளை பார்க்கலாம்.
முதலில் திரட்டுப்பால் .

பொதுவாக எங்கள் வீடுகளில் இது இல்லாமல் எந்த பண்டிகையும் இருக்காது. கல்யாணம் கார்த்திகை எல்லாத்துக்கும் திரட்டுப்பால் வேண்டும்.

தேவையானவை:

வெண்ணை நிறைந்த பால் 1 லிட்டர்
சர்க்கரை 200 கிராம்

செய்முறை:

அடிகனமான உருளி இல் பாலை விட்டு அடுப்பை சின்னதாக வைக்கணும் .
பால் பொங்கி வராமல் இருக்க அதில் ஒரு சின்ன கிண்ணி யை போட்டுவைக்கலாம்.
நன்கு பால் குறைந்து வரும்பொழுது, கிண்ணியை எடுத்துவிட்டு கிளறவும்.
சர்க்கரை சேர்க்கவும்.
நன்கு சுருண்டு வந்ததும் அடுப்பை அணைக்கவும்.
வேண்டுமானால் ஏலப்பொடி போடலாம்.
அப்படியேவும் நன்றாக இருக்கும்.
இளம் 'பிங்க்' நிறத்தில் நன்றாக இருக்கும்.

by **ஜாஹீதாபானு** Sat Jul 16, 2011 5:38 pm

வெண்ணை நிறைந்த பால் எங்கே கிடைக்கும்

by **உமா** Sat Jul 16, 2011 5:39 pm

கிறிஷ்ணம்மா....இன்று அசத்தல் டிப்ஸ் சமயலா தரிங்களே...
அருமையிருக்கு

by அருண் Sat Jul 16, 2011 5:42 pm

சுவை மிகுந்த பதிவு அம்மா! அருமையிருக்கு

by **krishnaamma** Sat Jul 16, 2011 5:46 pm

அதே திரட்டுப்பாலை 5 நிமிடத்தில் செய்ய :

தேவையானவை :

1 டின் மில்க் மெய்டு
1 ஸ்பூன் தயிர்

செய்முறை:

மில்க் மெய்டு டின் ஐ திறந்து ஒரு மைக்ரோவே வேவ் ஓவன் பாத்திரத்தில் விடவும்.
தயிர் சேர்க்கவும்.
நன்கு கலக்கவும்.
ஓவனில் வைத்து 'high' இல் 2 நிமிடம் வைக்கவும்.
வெளியே எடுத்து கிளறவும்.
மீண்டும் 2 நிமிடம் வைக்கவும்.
வெளியே எடுத்து கிளறவும்.
மீண்டும் 1 நிமிடம் வைக்கவும்.
கிளறி சுவை பார்க்கவும்.
அருமையான திரட்டுப்பால் ரெடி.

குறிப்பு: உங்களின் ஓவனின் திறனை பொறுத்து நிமிடங்கள் மறுபடலாம். என்றாலும் 6 -7 நிமிடங்களில் செய்து விடலாம் சாப்பிட விருந்தாளி யை உக்கார வைத்துவிட்டு மோர் சாதம் வருவதர்க்குள் ஸ்வீட் ரெடி பண்ணிவிடலாம் புன்னகை

by **krishnaamma** Sat Jul 16, 2011 5:47 pm

ஜாஹீதாபானு wrote:வெண்ணை நிறைந்த பால் எங்கே கிடைக்கும்

Full cream milk எங்கும் கிடைக்கும் பானு புன்னகை

by **krishnaamma** Sat Jul 16, 2011 5:48 pm

உமா wrote:கிறிஷ்ணம்மா....இன்று அசத்தல் டிப்ஸ் சமயலா தரிங்களே...

இன்று உடம்பு கொஞ்சம் தேவலாம் அதுதான். புன்னகை

மேலும் எனக்கு என ஒரு சின்ன இடம் இந்த தளத்தில் கிடைத்திருக்கு அதுதான் ரொம்ப ஆனந்தம் எனக்கு ஜாலி

by **krishnaamma** Sat Jul 16, 2011 5:48 pm

அருண் wrote:சுவை மிகுந்த பதிவு அம்மா!

நன்றி அருண் புன்னகை

by **ஜாஹீதாபானு** Sat Jul 16, 2011 5:50 pm

krishnaamma wrote:
உமா wrote:கிறிஷ்ணம்மா....இன்று அசத்தல் டிப்ஸ் சமயலா தரிங்களே...

இன்று உடம்பு கொஞ்சம் தேவலாம் அதுதான். மேலும் எனக்கு என ஒரு சின்ன இடம் இந்த தளத்தில் கிடைத்திருக்கு அதுதான் ரொம்ப ஆனந்தம் எனக்கு

அப்போ அந்த ஸ்வீட்டெல்லாம் பார்சல் அனுப்பிடுங்கம்மா சுலபமான முறையில் இனிப்புகள் ! - கடலை மாவு லட்டு ! 755837

by **krishnaamma** Sat Jul 16, 2011 5:53 pm

ஜாஹீதாபானு wrote:
krishnaamma wrote:
உமா wrote:கிறிஷ்ணம்மா....இன்று அசத்தல் டிப்ஸ் சமயலா தரிங்களே...

இன்று உடம்பு கொஞ்சம் தேவலாம் அதுதான். மேலும் எனக்கு என ஒரு சின்ன இடம் இந்த தளத்தில் கிடைத்திருக்கு அதுதான் ரொம்ப ஆனந்தம் எனக்கு
அப்போ அந்த ஸ்வீட்டெல்லாம் பார்சல் அனுப்பிடுங்கம்மா

அனுப்பிட்டா போச்சு

by **உமா** Sat Jul 16, 2011 6:02 pm

krishnaamma wrote:
உமா wrote:கிறிஷ்ணம்மா....இன்று அசத்தல் டிப்ஸ் சமயலா தரிங்களே...

இன்று உடம்பு கொஞ்சம் தேவலாம் அதுதான். மேலும் எனக்கு என ஒரு சின்ன இடம் இந்த தளத்தில் கிடைத்திருக்கு அதுதான் ரொம்ப ஆனந்தம் எனக்கு

நிச்சயமாக அந்த இடம் என்றுமே நிலைத்திருக்கும்
சூப்பருங்க

by **krishnaamma** Sun Jul 17, 2011 10:05 pm

உமா wrote:
krishnaamma wrote:
உமா wrote:கிறிஷ்ணம்மா....இன்று அசத்தல் டிப்ஸ் சமயலா தரிங்களே...

இன்று உடம்பு கொஞ்சம் தேவலாம் அதுதான். மேலும் எனக்கு என ஒரு சின்ன இடம் இந்த தளத்தில் கிடைத்திருக்கு அதுதான் ரொம்ப ஆனந்தம் எனக்கு

நிச்சயமாக அந்த இடம் என்றுமே நிலைத்திருக்கும்

நன்றி உமா

by **krishnaamma** Fri Jul 22, 2011 9:18 am

ரொம்ப சுலபமான இனிப்பு இது. 7 கப் சேர்த்து செய்வதால் அந்த பெயர். கிளறுவதும் ஈஸி, கட் பண்ணினால் நல்ல கேகாகவும் வரும்.

தேவையானவை:

சக்கரை 3 கப்
நெய் - 1 கப்
தேங்காய் - 1 cup
கடலை மாவு - 1 கப்
பால் - 1 கப்
வெனில எல்சன்ஸ் - சில துளிகள்

செய்முறை :
ஒரு தட்டில் நெய் தடவி தயாராய் வைக்கவும்.
ஒரு அடி கனமாக உருளி இல் எல்லாவற்றி யும் போட்டு நன்கு கலக்கவும்
கலவை நன்கு கொதித்து நெய் பிரியும் வரை கிளறவும்.
அடுப்பு நிதானமாக எரியவேண்டுவது அவசியம்.
நெய் பிரிந்து வரும் போது, நெய் தடவிய தட்டில் கொட்டவேண்டும்.
கொஞ்சம் அறினதும் விலைகள் போடலாம்.
7 கப் கேக் ரெடி.

by **krishnaamma** Fri Jul 22, 2011 9:42 am

இது காலம் காலமாய் நாம் செய்து வரும் இனிப்பு. தெற்கு பக்கத்தில் இது இல்லாம்ல் தீபாவளி கிடையாது புன்னகை

தீபாவளிக்கு அடுத்த நாள் வரும் நோன்புக்காக செய்வது இந்த இனிப்பு. கொஞ்சம் மெக்கெடனும் ஆனால் ரொம்ப நல்லா இருக்கும்.

சுலபமான முறையில் இனிப்புகள் ! - கடலை மாவு லட்டு ! Iv869g6QRFOj7wzS6thB+IMG_20181114_182352

சுலபமான முறையில் இனிப்புகள் ! - கடலை மாவு லட்டு ! Iv869g6QRFOj7wzS6thB+IMG_20181114_182352

தேவையானவை:

பச்சரிசி 1/2 கிலோ
வெல்லம் 1/4 கிலோ
எண்ணை - பொறிக்க
ஏலப்பொடி 1/2 ஸ்பூன்

செய்முறை:

அரிசியை கல் குப்பை நீக்கி, களைந்து உலர்த்தனும்.
ஒரு 3 மணி நேரம் காயனும்.
ரொம்பவும் காய கூடாது, கொஞ்சம் ஈரமாக இருக்கும் போதே மிக்ஸில மாவாக அரைக்கணும்.
நன்கு சலிக்கவும்.
வெல்லத்தை எடுத்து உடைத்து 3/4 கப் தண்ணீரில் போடவும் .
அது நன்கு கொதிக்க ஆரம்பிக்கும் முன், வடி கட்டவும்.
மீண்டும் அடுப்பில் வைத்து கொதிக்க விடவும்.
கிளறிக்கொண்டே இருக்கவும் இல்லாவிடில் பொங்கிவிடும்.
பாகு கொஞ்சம் கெட்டியாக துவங்கும் போது, ஒரு சின்ன கிண்ணி இல் தண்ணி எடுத்து வைத்துக்கொண்டு, இந்த பாகிலிருந்து ஒரு ஸ்பூன் எடுத்து அதில் விடவும்.
உங்கள் கைவிரல்களால், பாகை உருட்ட முடிந்தால் சரியான பதம் என பொருள்.
இல்லாவிட்டால் இன்னும் கொதிக்கணும் என பொருள் . சரியா?
பதம் சரி என பட்டதும் அடுப்பை சின்னதாக்கி விட்டு, ஏலப்பொடி போடவும்.
அடுப்பிலிருந்து இறக்கவும்.
ஒரு பெரிய பேசினில், அரிசி மாவை போடவும் .
இந்த பாகிலிருந்து ஒரு கரண்டி அதில் விடவும்.
அதை கலக்கவும்.
மீண்டும் மாவில் பாகை விடவும் , கலக்கவும்.
இதற்க்கு "பாகு செலுத்துதல்" என்று பெயர்.
மாவில் பாகை கொஞ்சம் கொஞ்சமாக போடணும் பாகில் மாவை கொட்டக்கூடாது

இப்படி யாக கெட்டியான அதிரச மாவை தயாரிக்கணும்.
கொஞ்சம் பாகு மீந்து போனால் பரவாயில்லை, பாயசத்துக்கு உபயோகிக்கலாம்.
அதிரசமாவை நன்கு பிசைந்து வைத்துவிடவும்
2 நாள் கழித்து கூட அதிரசம் பண்ணலாம்.
மாவு ஒன்றும் ஆகாது.
ஒரு வாணலி இல் எண்ணை விட்டு இந்த மாவிலிருந்து கொஞ்சம் எடுத்து அதிரசம் தட்டி எண்ணை இல் போடவும்.
அடுப்பு நிதானமாய் எரியவேண்டும்.
வெந்ததும் மறுபுறம் திருப்பி போடணும்.
வெளியே எடுத்து மற்றும் ஒரு கரண்டியால் அதிரசத்தை நன்கு அழுத்தி எண்ணையை வடித்துவிட்டு தட்டில் போடணும்.
அவ்வளவுதான் சுவையான அதிரசம் தயார்

குறிப்பு: சிலர் வெல்லத்துக்கு பதில் சர்க்கரை சேர்த்து செய்வார்கள் .

by **krishnaamma** Fri Jul 22, 2011 9:59 am

பாதாம் ஹல்வா - சொலும்போதே நாவில் நீர் ஊற செய்யும் ஒரு இனிப்பு இது . என்னைப்பொருத்தவரை இந்த ஹல்வா 'இனிப்புகளின் தலைவன்' .இதை பல வழிகளில் செயலாம் நாம் ஒவ்வொன்றாக பார்போம் .

தேவையானவை:

பாதாம் பருப்பு 2 கப் விழுது (250 கிராம் பருப்பை ஊறவைத்து , தோலுரித்து பாலில் அரைக்கவும் )
சக்கரை 2 கப்
பால் - 1/2 கப் பாதாமை அரைக்க
குங்குமப்பூ 10 -12 இழைகள்
நெய் 1 கப்
ஏலப்பொடி 1/2 ஸ்பூன் (தேவையானால் )

செய்முறை:

பாதாம் பருப்பை 2 மணிநேரம் வெந்நீரில் ஊரவைக்கவும்
ஊரவைத்த பருப்பை ,தோலுரித்து பாலில் அரைக்கவும்
ரொம்ப பால் விட வேண்டாம், தோசைமாவை விட கெட்டியாக இருக்கணும்.
ஒரு உருளி இல் அரைத்தத்தை விட்டு, சக்கரை போட்டு கிளற ஆரம்பிக்கணும்.
ஒரு சின்ன கிண்ணி இல் குங்குமப்பூவை போட்டு துளி பால் விட்டு வைக்கவும்
பிறகு கரைத்து ஹல்வாவில் கொட்டனும்.
ஹல்வா கொதிக்க ஆரம்பித்ததும் கைவிடாமல் கிளறவும்.
கொஞ்சம் திறந்து வரும் பொது, நெய் விட ஆரம்பிக்கணும்.
கொஞ்சம் கொஜமாக விட்டு கிளறனும்.
கரைத்து வைத்துள்ள குங்கும பூவை இதில் கொட்டவும்
நெய் முழுவதும் அந்த ஹல்வா உறிந்து கொண்டு நன்கு பொரிந்து வரும்.
அப்ப இறக்கவும்.
ஆறினதும் அல்லது சுட சுட "பாதாம் ஹல்வா" வை பரிமாறவும்.

குறிப்பு:வேண்டுமானால் ஆறினதும், ஒவ்வோர் ஸ்பூன் எடுத்த்கு ஒரு அலுமினிய foil ல போட்டு மடித்து வைத்தால் சர்வ் பண்ண சௌகர்யமாக இருக்கும்.

by Sponsored content

சுலபமான முறையில் இனிப்புகள் ! - கடலை மாவு லட்டு !

சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

சுலபமாக திரட்டுப்பால் செய்ய

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

7 கப் கேக்

அதிரசம்

பாதாம் ஹல்வா

Re: சுலபமான முறையில் இனிப்புகள் ! - கடலை மாவு லட்டு !

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய