நடைப்பயிற்சி : நாள் முழுக்க உற்சாகம்...!

உடல் நலமாக இருந்தால்தான் உள்ளமும் நலமாக இருக்கும். உடல் வளர்த்தேன் உயிர் வளர்த்தேன் என்பது சித்தர் வாக்கு. உடல் நன்றாக இருக்கவேண்டும். ஆரோக்கியமாக திகழவேண்டும் என்று யாருக்குதான் ஆசை இருக்காது. ஆனால் சிலருக்கு இது எப்படி சாத்தியம் என தெரிவதில்லை. சிலருக்கு பணம் செலவழித்தும் பலனில்லையே என்று புலம்புகின்றனர். ஒவ்வொரு காலகட்டத்திலும் புதுப்புது யோசனைகள் கூறப்படுகிறது. ஒரு சிலர் உடற்பயிற்சி, உணவு கட்டுப்பாடு என்று பின்பற்றி ஒரு கட்டத்தில் வெறுத்துப்போய் விடுவார்கள். உடல் நலத்தை காக்க பல லட்சம் செலவில் உடற்பயிற்சி சாதனங்கள் எல்லாம் வாங்க வேண்டும் என்ற அவசியம் இல்லை. தினமும் சிறிது தூரம் நடந்தாலே போதும். ஆரோக்கியமான உடலமைப்பை தந்துவிடும். நடைப்பயிற்சி என்பது இயற்கையானது மட்டுமல்ல, பிற உடற்பயிற்சியை விட எளிதானதும், செலவில்லாததும் ஆகும். அதுமட்டுமின்றி நாள் முழுக்க உங்களை உற்சாகத்தோடு வைத்திருக்கும்.

இதயத்தில் உள்ள கொழுப்பை வெளியேற்ற நடைப்பயிற்சி உதவும். நமது உடலில் மிகப்பெரிய தசை காலில்தான் உள்ளது. நடைப்பயிற்சியானது அந்த தசைகளை வலுவாகவும் உறுதியாகவும் ஆக்குகிறது. சாதாரணமான நேரங்களில் கை தசைகளுக்கு வேலை இருக்காது. ஆனால் நடைப்பயிற்சி மேற்கொள்ளும்போது நம்மை அறியாமல் கைகளை அசைப்பதால் கை தசைகளும் முறுக்கேறுகின்றன. உடலில் வீணாக சேர்ந்துள்ள கொழுப்புகளை கரைக்கிறது. நடைப்பயிற்சி செய்வதால் நுரையீரல் சுறுசுறுப்படைகிறது. ரத்த ஓட்டம் அதிகரிக்கிறது. மூளையின் சக்தியை அதிகரிக்கிறது. நிம்மதியான உறக்கத்தை கொடுக்கிறது.

இதயநோயுடன் உயர் ரத்த அழுத்தம், இரண்டாம் தர நீரிழிவு நோய், பித்தகற்கள், ஆஸ்டியோ போரோசிஸ் பாதித்த நோயாளிகளுக்கு நடைப்பயிற்சி மிகவும் நல்லது. வயதானவர்களுக்கு ஏரோபிக்ஸ், சைக்கிளிங், ஓட்டப்பயிற்சி ஆகியவை உகந்ததல்ல. சில வகை உடற்பயிற்சியை எல்லோராலும் எல்லா வயதிலும் செய்ய முடியாது. ஆனால், நடைப்பயிறசிக்கு வயது ஒரு பொருட்டல்ல. செலவு இல்லாமல் ஆரோக்கியமும் வசப்படும்.

  

 முற்றிலும் உண்மை!

எப்படி சார் நடக்கிறது, ஒரே சோம்பலா இருக்கே.

மாணிக்கம் நடேசன் wrote:எப்படி சார் நடக்கிறது, ஒரே சோம்பலா இருக்கே.

சோம்பலாக இருந்தால் பூம்பாவாய் ஆம்பல் ஆம்பல் என்ற பாடலைப் பாடிக் கொண்டே நடந்து பாருங்கள்! உற்சாகமாக இருக்கும். ஆனால் யாராவது முன்னால் செல்லும் பொழுது பின்னாலிருந்து இந்தப் பாடலைப் பாடி விபரீதம் நிகழ்ந்தால் அதற்கு சங்கம் பொறுப்பேற்காது!

-வருத்தப்படாத வாலிபர் சங்கம்!

நீங்க வருத்தப்படாத வாலிபர் சங்க தலைவரா, அல்லது வாழ்ந்து நொந்த வயோதிகர் சங்க தலைவரா? நாங்க இப்ப பாடுரது எல்லாம் ஊதா கலர் ரிப்பன் பாட்டுதான், இத தான் இப்ப பொண்ணுக மட்டும் இல்ல, கிழடுகளும் ரசிக்கிறாங்க.

மாணிக்கம் நடேசன் wrote:நீங்க வருத்தப்படாத வாலிபர் சங்க தலைவரா, அல்லது வாழ்ந்து நொந்த வயோதிகர் சங்க தலைவரா? நாங்க இப்ப பாடுரது எல்லாம் ஊதா கலர் ரிப்பன் பாட்டுதான், இத தான் இப்ப பொண்ணுக மட்டும் இல்ல, கிழடுகளும் ரசிக்கிறாங்க.

ஊதா மற்றும் ரிப்பன் - இதற்கு மலேசியாவில் யாருக்குமே அர்த்தம் தெரியாது, காரணம் யாரும் ரிப்பனைப் பயன்படுத்துவதில்லை! ஊதா என்ற சொல்லும் இல்லை!

ஆனால் பாடல் மட்டும் ஹிட் ஆகிவிட்டது!

- என்ன கொடுமை சார் இது!

கொடுமை எல்லாம் ஒன்னும் இல்லீங்க மாமா அங்கள், என்னை மாதிரி இளசுகளுக்காக இப்படி ஒரு பாடல நான் தான் போடச் சொன்னேன். அப்புறம் ஒத்த கட ஒத்த கட மச்சான்னு கூட ஒரு பாட்டு இருக்கே. அப்படியே ஆள தூக்கும் பாட்டாச்சே.

மாணிக்கம் நடேசன் wrote:கொடுமை எல்லாம் ஒன்னும் இல்லீங்க மாமா அங்கள், என்னை மாதிரி இளசுகளுக்காக இப்படி ஒரு பாடல நான் தான் போடச் சொன்னேன். அப்புறம் ஒத்த கட ஒத்த கட மச்சான்னு கூட ஒரு பாட்டு இருக்கே. அப்படியே ஆள தூக்கும் பாட்டாச்சே.

ஓ, ஆளைத் தூக்குதோ....!!!

டீன் ஏஜுன்னாவே தூக்குமுல்ல...!