மதுரையில் டாஸ்மாக் மதுவை குடித்த 2 பேர் பலி!

மதுரை: மதுரை அருகே டாஸ்மாக்கில் விற்ற மதுவை குடித்து இரண்டு பேர் இறந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மதுரையை அடுத்துள்ள காரியாப்பட்டி பேரூராட்சியில் வேலை பார்த்து வந்தவர்கள் மலைச்சாமி மற்றும் குருசாமி. இவர்கள் இருவரும் இன்று (23ஆம் தேதி) அங்குள்ள டாஸ்மாக் மதுபானக் கடையில் 'குவார்ட்டர்' ஒன்று வாங்கியிருக்கிறார்கள். பின்னர் அருகில் இருந்து ஓய்வுக் கூடத்திற்கு சென்று ஆளுக்கு பாதியாக குடித்து இருக்கிறார்கள்.

இந்நிலையில், பாதி குவார்ட்டரை குடித்து முடிப்பதற்குள் குருசாமி சம்பவ இடத்திலேயே தொண்டையை பிடித்துக் கொண்டு இறந்து விட்டார். இதையடுத்து, உயிருக்கு போராடிய மலைச்சாமியை அருகில் இருந்தவர்கள் மருத்துவமனைக்கு கொண்டு செல்லும்போது, வழியிலேயே அவரும் இறந்து விட்டார். டாஸ்மாக் கடையில் வாங்கிய மதுவை குடித்து இரண்டு பேர் இறந்த சம்பவம் அப்பகுதியில் பெரும் பரபரப்பை ஏற்படுத்திள்ளது.

இந்த சம்பவத்தை நேரில் பார்த்த சிலர் கூறுகையில், ''இருவரும் மது குடித்ததும் முதலில் குருசாமிதான் தொண்டையில் கைய வெச்சுக்கிட்டு இறுக்கி நெஞ்சை பிடித்துக் கொண்டு பேச முடியாமல் தவித்தார். கொஞ்ச நேரத்துல அவர் அங்கே சுருண்டு விழுந்து இறந்துட்டார்.
அப்போது மலைச்சாமி உயிருக்கு போராடிக்கிட்டு இருந்ததைப் பார்த்து, 108 ஆம்புலன்சுக்கு போன் பண்ணினோம். ஆனா, ஆம்புலன்ஸ் வர லேட்டானதுனால, நாங்களே ஆட்டோவுல ஏத்திக்கொண்டு போனோம். அப்படி இருந்தும் அவரையும் காப்பாற்ற முடியல.
அ.தி.மு.க. கட்சிகாரங்கதான் கள்ள சந்தையில சாராயத்தை வியாபாரம் பண்றாங்க. டூப்ளிகேட் சரக்குகளை டாஸ்மாக் கடைகளில் வைத்து வியாபாரம் பண்றாங்க. அதான் இப்படி அநியாயமாக இரண்டு பேரை கொலை செய்து விட்டார்கள்” என்று கதறினர்.

இன்னும் எத்தனை அப்பாவி உயிர்களை காவு வாங்க காத்து இருக்கிறதோ டாஸ்மாக்?

பாவம், என்ன சொல்ல இருக்கு.

இப்படி செய்திகளை பார்த்தபின்னும் திருந்தமாட்டேன் என்கிறார்களே பலர்

நல்ல வேளை நாம குடிக்கும்போது இதுபோல பிரச்சினை எதுவும் இல்லை.

குடி குடியை கெடுத்து விட்டது.