சிறகுகளும் இறகுகளும்...

**ரா.ரா3275** · **ரா.ரா3275** Wed Jun 11, 2014 2:31 pm

First topic message reminder :

சிறகு பூட்டிக் கொள்ளவும்
இறகு தரித்துக் கொள்ளவும்
எப்போதும் மனம் இடைவெளிகொண்டு ஏங்கியதில்லை

இண்டு இடுக்குகளில் கூட இட்டு நிரப்பும்
ஏக்கம் துறந்து

சிறகெதற்கு?...இறகெதற்கு?...
இந்தக் கேள்வி எழுந்து நின்று எப்படியேனும் நம் உதடுகளைப் பிரித்துப் பிடித்தேனும்
பேச வைத்துவிடும் கலவையாக

பெரும்பாலும் உளமார
பிரியத்தில் இளைப்பாற

நட்பு-காதல்-காமம்-காற்று-கானம்-மண்-மழை
யதார்த்தம்-உன்மத்தம்-உயர் மோனம்-வளர் ஞானம்
விஞ்ஞானம்-அஞ்ஞானம்-மெய்ஞானம்
இவற்றில் எதன் பக்கம்தான் இல்லை சிறகும் இறகும்

ஆம்

சிறகும் இறகும் இன்றி இயங்கிடுமா இவ்வுலகு?

முன்னது உயர்ந்து மகிழ...
பின்னது உள்ளம் நெகிழ...

இது
தொடர் மகிழ்வும் தொடர் நெகிழ்வும் என
துரத்தியும் தூக்கியும் செல்லும் நம் இயங்குவிசை இயக்குவிசை இரண்டும்

உயரும்போது பந்தாகும் மனசு
நெகிழும்போது பஞ்சாகும் மனசு

எப்போதும் நெஞ்சில் நெருப்பு மூண்டவண்ணமே இருந்தால்
உயர்தலை அளக்க முடியாது;நெகிழ்தலை இழக்க முடியாது

எனவேதான் எப்போதும்
சிறகுகளும் இறகுகளும்
இருந்துகொண்டே இருக்கட்டும்;பறந்துகொண்டே இருக்கட்டும்!