தமிழ்- இனிய தமிழ் இனி

செல்வமூர்த்தி · 07/06/2014

தமிழ்
இனிய தமிழ் இனி

இனிக்கும் தமிழ்
இனித் தமிழ்;
எங்கும் ஒலிக்கும்
ஒலித் தமிழ்.

தொன்மை யான
மொழித் தமிழ்;
பொன்மயில் கேட்டாடும்
ஒலித் தமிழ்.

எட்டுத் திசையும் வணங்கிடுமே;
எம்மொழிச் சுவைக்க ஏங்கிடுமே.
நாவிசைக்கத் தேன் சுரக்கும்;
நாள் முழுக்க, முக்கனியாய் இனிக்கும்.
இனிக்கும் தமிழ்
இன்னிசைத் தமிழ்.

செந்நிறச் சூரியன் - கூட
விரும்பும்
தமிழ், மெய்யெழுத்தின் புள்ளியாக
வேண்டும் என்று.

மூன்றாய் உடைந்து, நிலவு கூட
மாற விரும்பும்
தமிழின் ஆயுத எழுத்தாய்
மாற்றம் காணும்.

மேகம் எல்லாம் ஓடி வந்து
தமிழ் மொழி முழங்க வேண்டிடுமே;
மின்னலா கோடு போட்டு படுத்துக்கொள்ளுமே;
இடம் பிடித்துகொள்ளுமே.

விண்மீன்கள் தேடி வந்து
மின்மினியாய் சொல்லி திரியுமே
இனிக்கும் தமிழ்
இனி தமிழ்
எங்கும் ஒலிக்கும்
ஒலி தமிழ்
சொல்லி திரியுமே எங்கும் சொல்லி திரியுமே.

செசெ(செ.செல்வமூர்த்தி)