காதலிக்கு ஒரு கடிதம்

**M.M.SENTHIL** · **M.M.SENTHIL** Fri Jun 06, 2014 7:36 pm

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

**விமந்தனி** · **விமந்தனி** Thu Nov 13, 2014 11:36 pm

M.M.SENTHIL wrote:
விமந்தனி wrote:
நெகிழ்ச்சியான வரிகள் செந்தில், பாராட்டுக்கள்.
தொடரட்டும் கவிதைகள்... நினைவுகள் அல்ல...

நினைவுகள் நெஞ்சில்
நீங்காமல் உள்ளதால்தான்
நித்தமும் கவி பாடுகிறேன்,
நினைக்கிறேன் நானும்
நினைவுகளே வேண்டாமென,
நித்திரை கொள்ளும் நேரத்தில்
நித்தம் ஒரு கனவு அவள் வடிவில்..

என்ன சொல்ல....? புன்னகை

தொடரட்டும். அன்பு மலர்

**M.M.SENTHIL** · **M.M.SENTHIL** Thu Nov 13, 2014 11:43 pm

விமந்தனி wrote:
M.M.SENTHIL wrote:
விமந்தனி wrote:
நெகிழ்ச்சியான வரிகள் செந்தில், பாராட்டுக்கள்.
தொடரட்டும் கவிதைகள்... நினைவுகள் அல்ல...

நினைவுகள் நெஞ்சில்
நீங்காமல் உள்ளதால்தான்
நித்தமும் கவி பாடுகிறேன்,
நினைக்கிறேன் நானும்
நினைவுகளே வேண்டாமென,
நித்திரை கொள்ளும் நேரத்தில்
நித்தம் ஒரு கனவு அவள் வடிவில்..

என்ன சொல்ல....? தொடரட்டும்.

மேற்கோள் செய்த பதிவு: 1103362

என்ன சொல்ல என்று கேட்பதால்
என்ன சொல்ல வேண்டும் என்று
எனக்கும் தெரியவில்லை?? புன்னகை

**விமந்தனி** · **விமந்தனி** Thu Nov 13, 2014 11:53 pm

சொல்வதற்கு ஒன்றுமில்லாமல் போகும் போது தான், இந்த கேள்வி வருகிறது. வேறொன்றுமில்லை.
வழக்கம் போல் தொடரட்டும் என் தம்பியின் கனவுகள்... புன்னகை

**M.M.SENTHIL** · **M.M.SENTHIL** Fri Nov 14, 2014 12:03 am

விமந்தனி wrote:சொல்வதற்கு ஒன்றுமில்லாமல் போகும் போது தான், இந்த கேள்வி வருகிறது. வேறொன்றுமில்லை.
வழக்கம் போல் தொடரட்டும் என் தம்பியின் கனவுகள்...

மேற்கோள் செய்த பதிவு: 1103370

அக்கா, நான் ஏதாவது எழுத வேண்டுமே என்றுதான் உங்களுக்கு அப்படி கவி வடிவில் பதில் தந்தேன்.. இதோ என் முன் என் மனைவி, அம்மு செல்லம், மகன் என்று வரிசையாய் என்னை நம்பி...

இப்படி இருக்க இன்னும் நான் பழைய நினைவுகளிலேயே இருந்தேன் என்றால், என்னையே நம்பி உள்ளோரின் எதிர்காலம் என்னவாவது?..

எப்போதாவது தலை காட்டும் அந்த காதல்
அப்போதெல்லாம் மனதை சமாதானம் செய்து
வேறு வேலைகளில் கவனம் திருப்புவேன்..

ஆனாலும் முழுதாய் மறந்து விட்டேன் என்று சொல்லிவிட முடியாது
நான் இறக்கும் வரை அந்த நினைவுகள் கூடவே வரும் என்பதை மறுக்கவும் முடியாது....

என்ன செய்ய, இந்த கடவுள் மனிதனுக்கு மனம் என்ற ஒன்றை கொடுத்து விட்டானே....

**விமந்தனி** · **விமந்தனி** Fri Nov 14, 2014 12:09 am

புரிகிறது செந்தில். ரிலாக்ஸ்

அதனால் தான் கனவுகள் தொடரட்டும் என்றேன். புன்னகை

**M.M.SENTHIL** · **M.M.SENTHIL** Fri Nov 14, 2014 12:10 am

விமந்தனி wrote:புரிகிறது செந்தில். அதனால் தான் கனவுகள் தொடரட்டும் என்றேன்.

மேற்கோள் செய்த பதிவு: 1103375

கனவு காண என் கண்கள் அழைக்கிறது...
காலையில், கனவில் கண்டதை கவியில் சொல்கிறேன்

**விமந்தனி** · **விமந்தனி** Fri Nov 14, 2014 12:13 am

அழைக்கும்... அழைக்கும்... மண்டையில் அடி

**ஜாஹீதாபானு** · **ஜாஹீதாபானு** Fri Nov 14, 2014 3:09 pm

ஏக்க வரிகளை சுமந்த காதலிக்கு ஒரு கடிதம் அருமை செந்தில்

**M.M.SENTHIL** · **M.M.SENTHIL** Fri Nov 14, 2014 10:02 pm

ஜாஹீதாபானு wrote:ஏக்க வரிகளை சுமந்த காதலிக்கு ஒரு கடிதம் அருமை செந்தில்

மேற்கோள் செய்த பதிவு: 1103455

நன்றி அன்பு மலர்

**M.M.SENTHIL** · **M.M.SENTHIL** Thu Jan 01, 2015 3:47 pm

முனியப்பன் பொங்கலுக்கு
முதல் அழைப்பு உனக்குத்தான்
முதன் முதலாய் வந்தாய் - என்
முகமெல்லாம் பரவசம்!!

ஆனாலும் ஏனோ உனக்குள்
உற்சாகம் துளியுமில்லை,
ஏனென்று கேட்டேன்
ஒன்றுமில்லை என்று சொன்னாய்!!

திருவிழா வந்துவிட்டாலே
கட்டவிழ்த்து விட்ட காளையாவேன் நான்,
நீ அருகில் இருப்பதால்
அடக்கி வாசிக்கிறேன்!!

உனக்குள் என்ன தயக்கம்
நான் உன்னுடன் இருக்கும்போது,
இங்கே என் உறவினர்
யாரேனும் வந்தால்??

அடி பைத்தியக்காரி
இங்கு யார் வரப்போகிறார்கள்,
வந்தாலும் நான் இருக்கிறேன் என்றேன்
கூட்டம் என்றும் பாராமல் என் மார்பில் சாய்ந்தாய்!!

ஏனோ அந்த முனியப்பனும்
நாம் ஒன்று சேர அருளவில்லை,
இருப்பினும் பண்டிகைக்கு
பூச்சாட்டும் நாள் வந்தாலே
உன்னைத்தான் நினைக்குது என் மனம்!!

உனக்கு நினைவிருக்கா
ஆங்கில வருட முதல்
வெள்ளி, சனி, ஞாயிறு கிழமைகளையும்
இருவரும் ஒன்றாக சுற்றிய கடை வீதிகளையும்!!

Sponsored content · Sponsored content

காதலிக்கு ஒரு கடிதம்

காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக