காதலிக்கு ஒரு கடிதம்

**M.M.SENTHIL** · **M.M.SENTHIL** Fri 6 Jun 2014 - 21:06

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

**T.N.Balasubramanian** · **T.N.Balasubramanian** Thu 18 Aug 2016 - 22:22

நினைவும் இதயமும்
செயல்படுகையில் அன்பு மலர்

இழப்பது எதுவும் இல்லையே ,செந்தில் .

தாபம் புரிகிறது
பரிதாபமாக உணர்கிறேன்
ரமணியன்

**விமந்தனி** · **விமந்தனி** Fri 19 Aug 2016 - 0:00

நினைவுகள் நம்மை இழக்கும் வரை,
நம்மால் எதையும் இழக்க முடியாது.

வெகு நாளைக்கு பிறகு காதலிக்கு இன்னுமொரு கடிதமா...! சூப்பருங்க

**விமந்தனி** · **விமந்தனி** Fri 19 Aug 2016 - 0:04

எல்லாமுமாய் இருக்க
நினைத்தவள் - இல்லாமல்
போனதால் தான்
இன்று
உந்தன் எல்லா
கவிதைகளும்
அவள் இருந்த
இடத்தை
பறைசாற்றுகின்றது.

**M.M.SENTHIL** · **M.M.SENTHIL** Fri 19 Aug 2016 - 11:55

T.N.Balasubramanian wrote:நினைவும் இதயமும்
செயல்படுகையில்
இழப்பது எதுவும் இல்லையே ,செந்தில் .

தாபம் புரிகிறது
பரிதாபமாக உணர்கிறேன்
ரமணியன்

மேற்கோள் செய்த பதிவு: 1219160

நன்றி அய்யா

**M.M.SENTHIL** · **M.M.SENTHIL** Fri 19 Aug 2016 - 11:58

விமந்தனி wrote:எல்லாமுமாய் இருக்க
நினைத்தவள் - இல்லாமல்
போனதால் தான்
இன்று
உந்தன் எல்லா
கவிதைகளும்
அவள் இருந்த
இடத்தை
பறைசாற்றுகின்றது.

மேற்கோள் செய்த பதிவு: 1219174

காதல் வாழ்வில் அவளின் வெற்றிடம்,
கவிதைகளாய் என்னிடம்!!
இதுவும் சுகமே - அதே நேரம்
இதுவே மனதிற்கு சுமையாய்!!

**M.M.SENTHIL** · **M.M.SENTHIL** Fri 21 Apr 2017 - 16:11

குழந்தைகள் இருவரும்
கண்ணாமூச்சி விளையாட
மகன் கண்கள் கட்டிக்கொண்டு
அக்காவை தேடினான்!!

மகள் என்னிடம்
தான் ஒழியும் இடம்தனை
சொல்லிவிட்டுத்தான்
ஒழிந்து கொண்டாள்!!

வேறு பக்கம் தேடிவிட்டு
என்னிடம் வந்தவன்
எங்கே அக்கா என
என்னிடம் கேட்டான்!!

மகளோ சொல்லாதே அப்பா
என்று சொல்லிச் சென்றால்
மனதில் குழப்பம்,
மகனிடம் சொல்லிவிட்டேன்!!

கோபமாய் கத்தினாள்
என்மேல் பாசமில்லை என,
இருவரும் இரு கண்கள்
என சொன்னபோதும்
என்னிடம் பேசவில்லை!!

இதுபோலத்தானே
நீயும் அன்றொரு நாள்
என்னிடம் சொன்னாய்
உன் குடும்பம் ஒரு கண் என்றால்
மறு கண் நானென்று!!

ஒரு கண்ணை தினமும்
பார்ப்பாயே - ஏன்
மறுகண்ணை மூடியே
வைத்திருக்கிறாய்!!

**T.N.Balasubramanian** · **T.N.Balasubramanian** Sat 22 Apr 2017 - 9:42

ரமணியன்

**ayyasamy ram** · **ayyasamy ram** Sat 22 Apr 2017 - 9:51

நயமான கருத்து.... காதலிக்கு ஒரு கடிதம் - Page 18 3838410834

**M.M.SENTHIL** · **M.M.SENTHIL** Sun 9 Jul 2017 - 2:29

நித்திரை வரவில்லை
நடு நிசியில்
புரண்டு, புரண்டு படுத்தும்!!

சட்டென கண் விழித்த மகன்
காரணமின்றி அழுகிறான்,
எவ்வளவோ தேற்றியும்
அழுகை நிற்கவில்லை!!

மனைவி எழுந்து வந்தாள்
தோளில் சாய்த்து அவன்
முதுகைத் தட்டினாள்
அழுகை நின்றது!!

நீயும் இப்படித்தானே இருந்தாய்
உன் சோகம் போக என்
மார்பில் முகம் புதைப்பாயே,
இப்போதும் அப்படியேதானா?
இல்லை
மாற்றிக் கொண்டாயா??

**T.N.Balasubramanian** · **T.N.Balasubramanian** Sun 9 Jul 2017 - 3:51

நடுநிசி 12 -59 க்கு
கவிதை வந்ததுமே அறிந்தேன்
தூக்கம் வரவில்லை
காதலி வருவாள் என்று
இருட்டிலே
மார்பில் முகம்
புதைக்க வந்தவள் கால்
இடற, மகனும் அழுதானோ?

நடுநிசியில் வந்தாலும்
நற்கவிதைக்கு நன்றி, செந்தில். காதலிக்கு ஒரு கடிதம் - Page 18 3838410834

ரமணியன்

Sponsored content · Sponsored content

காதலிக்கு ஒரு கடிதம்

காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக