இருபது இந்திய மொழிகளுடன் மைக்ரோமேக்ஸ் போன்

யுனைட் 2 ஏ 106 (Unite 2 A106) என்ற பெயருடன், மைக்ரோமேக்ஸ் நிறுவனம், ஸ்மார்ட் போன் ஒன்றை அண்மையில் விற்பனைக்கு அறிமுகப்படுத் தியுள்ளது. இதன் பல்வேறு சிறப்புகளுடன், இந்திய மொழிகள் 20 ஐ இதில் கையாளலாம் என்பது கூடுதல் சிறப்பாகும். 4.7 அங்குல அகலத்தில் வண்ணத்திரையுடன், 1.3 குவாட் கோர் ப்ராசசர் இதில் தரப்பட்டுள்ளது. ஆண்ட்ராய்ட் கிட் கேட் இயக்கத்துடன் வெளியான முதல் மைக்ரோமேக்ஸ் போன் இதுதான். எல்.இ.டி. ப்ளாஷ் இணைந்து, ஆட்டோ போகஸ் திறன் கொண்ட, 5 எம்.பி. திறன் கொண்ட கேமராவும், இணைய பயன்பாட்டிற்கு 2 மெகா பிக்ஸெல் திறனுடன் கூடிய கேமராவும் தரப்பட்டுள்ளன. மற்ற மைக்ரோமேக்ஸ் ஸ்மார்ட் போன்களைப் போலவே இதிலும் இரண்டு சிம் இயக்கம் தரப்பட்டுள்ளது. 3.5 மிமீ ஆடியோ ஜாக், எப்.எம். ரேடியோ தரப்பட்டுள்ளன. நெட்வொர்க் இணைப்பிற்கு 3ஜி, வை-பி, புளுடூத் ஆகிய தொழில் நுட்பங்கள் இயங்குகின்றன.

இதன் ராம் மெமரி 1 ஜி.பி. ஸ்டோரேஜ் மெமரி 4 ஜி.பி. இதனை 32 ஜிபி வரை அதிகப்படுத்தலாம். இதன் பேட்டரி 2,000 mAh திறன் கொண்டதாக உள்ளது. தமிழ், இந்தி, குஜராத்தி, பஞ்சாபி, மலையாளம், தெலுங்கு, கன்னடம், ஒடியா, பெங்காலி, அசாமீஸ், மராத்தி, நேபாளி, போடோ, டோக்ரி, கொங்கணி, காஷ்மீரி, மைதிலி, மணிபுரி, சமஸ்கிருதம் மற்றும் சிந்தி ஆகிய மொழிகளை இந்த போனில் பயன்படுத்தலாம்.

விளம்பரங்களைப் பார்த்து, புள்ளிகளைச் சேர்த்து, அவற்றைப் பணமாக்கி, நம் கணக்கில் வரவு வைத்துக் கொள்ளும் வசதியும் இதில் உண்டு. ஆப்பரா மினி பிரவுசர் உட்பட மேலும் பல வசதிகள் இதில் தரப்பட்டுள்ளன. நான்கு வகை வண்ணங்களில் வந்துள்ள இந்த ஸ்மார்ட் போனின் அதிக பட்ச விலை ரூ.6,999. சென்ற வாரம் முதல் அனைத்து மொபைல் சில்லரை விற்பனை நிலையங்களிலும் இது கிடைக்கிறது.

மொபைல் மலர்

தங்களின் தகவல் மிகவும் பயனுள்ளதாக இருந்தது. நன்றி சிவா...!