பச்ச மட்ட

jawhar · jawhar Sun Jun 01, 2014 8:45 pm

பச்சை மட்டை இழைச்சி
பக்குவமா அடச்சி
குந்த வச்சி என்ன
ஊரறிய அழைச்சி
சொல்லிப் புட்டாங்க

கூந்தலிலே பூவும் வச்சி
அழகான பொட்டும் வச்சி
ஆடையதை மாத்தித் தச்சி
சாமந்திப் பட்ட எனை
உலகறியச் செய்துட்டாங்க

வெச்ச கண்ணு வாங்காம
என் அழக ரசிச்சவங்க
ரசிச்ச மட்டும் செய்தாங்க
என்னிலை மாத்தாம

அன்று
வித்தியாசம் இல்லாம
சேர்ந்திருந்து விளையாடிப்புட்டம்
அருகருகே இருந்துபுட்டம்
கூச்சமேதும் இல்லாம
சுதந்திரமா இருந்து புட்டம்

சத்தமிட்டு சிரித்தாலும்
கூவித்தான் அழைத்தாலும்
தொட்டுத்தொட்டு பேசினாலும்
யாரும் ஏதும் சொல்லலேயே
இப்ப என்ன வந்ததுங்க

இன்று
அங்கயிங்க போகாதே
ஆம்பிலங்க பேசாத
நேரத்துக்கு வீடு வந்து
அடங்கிப் போய் இருந்திடனும்
என்று பல அறிவுரைகள்

பக்குவமாய் பேச வேணும்
வாய் மூடிச் சிரிக்க வேணும்
தலை குணிந்து நடக்க வெணும்
அழகழகாய் உடுத்த வேணும்
அப்பப்பா எவ்வளவு வேணும்

பச்ச மட்ட சிறை தொடங்கி
கட்டுப்பாடு பல வந்து
ஐம்புலங்கள் அடக்கியிங்கு
அடங்கியே வாழுகிறேன்
கைப்பிடிப்பார் வரும் வரைக்கும்

யார் வருவார் கைபிடிக்க
என் நிலை மாற்றி வைக்க
ஏக்கம் பல வாட்டி வைக்க
ஏங்கியே தவிக்கிறேனே
அவர் யாரோ? யார் எவரோ?

ஜவ்ஹர்

**M.M.SENTHIL** · **M.M.SENTHIL** Mon Jun 02, 2014 12:33 pm

தாவணி வரும் வர
கவலையேதும் இல்லீங்க,
சின்ன புள்ள கன்னியானா
சில கட்டுப்பாடும் வேணுமுங்க,
ஆட்டம், பாட்டமெல்லாம்
கொஞ்சம் மூட்ட கட்டி வைக்கணும்,
நம்ம பண்பாட்ட உணர்ந்து அந்த
பெண் மகள் நடக்கணும்.

கிருஷ்ணா · கிருஷ்ணா Mon Jun 02, 2014 8:13 pm

கன்னியா இருந்தாலும்.
கலைமகளா இருந்தாலும்
கடைவாய்ப்பல் கூட இல்லா
கடைசிகால கிழவியாயினும்
களவாணிப் பயலுக வந்து
கலைக்கத்தான் பார்ப்பானுங்க
கட்டுப்படுத்தி அடக்காம
கராத்தேயோட தைரியமும்
கத்துக்குடுத்து வளருங்க
கண்டிப்பா தானும் வளர்ந்து
கரைசேர்ப்பா வீட்டையும் நாட்டையும் !

**விமந்தனி** · **விமந்தனி** Tue Jun 03, 2014 2:32 pm

jawhar wrote:பச்ச மட்ட சிறை தொடங்கி
கட்டுப்பாடு பல வந்து
ஐம்புலங்கள் அடக்கியிங்கு
அடங்கியே வாழுகிறேன்
கைப்பிடிப்பார் வரும் வரைக்கும்

**விமந்தனி** · **விமந்தனி** Tue Jun 03, 2014 2:34 pm

M.M.SENTHIL wrote:தாவணி வரும் வர
கவலையேதும் இல்லீங்க,
சின்ன புள்ள கன்னியானா
சில கட்டுப்பாடும் வேணுமுங்க,
ஆட்டம், பாட்டமெல்லாம்
கொஞ்சம் மூட்ட கட்டி வைக்கணும்,
நம்ம பண்பாட்ட உணர்ந்து அந்த
பெண் மகள் நடக்கணும்.

சூப்பருங்க..! சரியா சொன்னிங்க...

**விமந்தனி** · **விமந்தனி** Tue Jun 03, 2014 2:36 pm

கிருஷ்ணா wrote:கன்னியா இருந்தாலும்.
கலைமகளா இருந்தாலும்
கடைவாய்ப்பல் கூட இல்லா
கடைசிகால கிழவியாயினும்
களவாணிப் பயலுக வந்து
கலைக்கத்தான் பார்ப்பானுங்க
கட்டுப்படுத்தி அடக்காம
கராத்தேயோட தைரியமும்
கத்துக்குடுத்து வளருங்க
கண்டிப்பா தானும் வளர்ந்து
கரைசேர்ப்பா வீட்டையும் நாட்டையும் !

இதுவும் சரியாதான் இருக்கு. ஆனால் எல்லாருக்கும் இது சரிப்பட்டு வராது.

**M.M.SENTHIL** · **M.M.SENTHIL** Tue Jun 03, 2014 2:36 pm

விமந்தனி wrote:
M.M.SENTHIL wrote:தாவணி வரும் வர
கவலையேதும் இல்லீங்க,
சின்ன புள்ள கன்னியானா
சில கட்டுப்பாடும் வேணுமுங்க,
ஆட்டம், பாட்டமெல்லாம்
கொஞ்சம் மூட்ட கட்டி வைக்கணும்,
நம்ம பண்பாட்ட உணர்ந்து அந்த
பெண் மகள் நடக்கணும்.

சூப்பருங்க..! சரியா சொன்னிங்க...