பல பிரச்னைகள் குறித்து ஆலோசித்து முடிவெடுக்க, நியமிக்கப்பட்ட அமைச்சர்கள் குழுக்கள் எல்லாம் நேற்று கலைக்கப்பட்டன. பிரதமர் நரேந்திர மோடி அதிரடி நடவடிக்கை

**ராஜா** · **ராஜா** Sun 1 Jun 2014 - 14:56

துடில்லி : முந்தைய ஐக்கிய முற்போக்கு கூட்டணி ஆட்சியில், பல பிரச்னைகள் குறித்து ஆலோசித்து முடிவெடுக்க, நியமிக்கப்பட்ட அமைச்சர்கள் குழுக்கள் எல்லாம் நேற்று கலைக்கப்பட்டன. பிரதமர் நரேந்திர மோடியின் இந்த அதிரடி நடவடிக்கையால், மத்திய அரசு பணிகள் வேகம் பிடிக்கும் சூழ்நிலை உருவாகி உள்ளது.

மன்மோகன் சிங் பிரதமராக இருந்த, முந்தைய ஐக்கிய முற்போக்கு கூட்டணி ஆட்சியின் போது, காஸ் விலை நிர்ணயம், ஊழல் விவகாரங்கள், மாநிலங்களுக்கு இடையேயான நதிநீர் பிரச்னைகள், நிர்வாக ரீதியான சீர்திருத்தங்கள், பெரிய அளவிலான மின் திட்டங்கள் மற்றும் பொதுத்துறை நிறுவனங்களின் பங்குகள் விற்பனை உட்பட, பல பிரச்னைகளையும் பரிசீலிக்க, முதலில், 14 அதிகாரமிக்க அமைச்சர்கள் குழுக்களும், 68 அமைச்சர்கள் குழுக்களும் நியமிக்கப்பட்டன.பின், இந்தக் குழுக்கள், படிப்படியாக குறைக்கப்பட்டன. ஐ.மு., கூட்டணி அரசின் இறுதி காலத்தில், அதிகாரமிக்க அமைச்சர்கள் அடங்கிய ஒன்பது குழுக்களும், 21 அமைச்சர்கள் குழுக்களும் மட்டுமே செயல்பட்டன.மூத்த கேபினட் அமைச்சர்கள் தலைமையிலான இந்தக் குழுக்களில், பல அமைச்சகங்களைச் சேர்ந்த அமைச்சர்கள் இடம் பெற்றிருந்தனர். இந்த இரண்டு விதமான அமைச்சர்கள் குழுக்களில், அதிகாரமிக்க அமைச்சர்கள் குழுவால், முடிவு எடுக்க முடியும். பின், அதற்கு மத்திய அமைச்சரவை ஒப்புதல் அளிக்கும்.ஆனால், அமைச்சர்கள் குழுக்களால் பரிந்துரைகளை மட்டுமே வழங்க முடியும். அந்தப் பரிந்துரைகள் மீது, மத்திய அமைச்சரவை தான் இறுதி முடிவெடுக்கும்.ஜனாதிபதியாக

பதவியேற்கும் முன், மன்மோகன் சிங் அரசில், ராணுவம் மற்றும் நிதி அமைச்சராக பதவி வகித்த, பிரணாப் முகர்ஜி, ஒரு கால கட்டத்தில், இந்தஅமைச்சர்கள் குழுக்களில், 24க்கும் மேற்பட்டவற்றுக்கு தலைமை வகித்தார். அவருக்குப் பின், முன்னாள் ராணுவ அமைச்சர், ஏ.கே.அந்தோணி, பல குழுக்களுக்கு தலைமை வகித்தார்.மன்மோகன் சிங் பதவிக் காலத்தில், பல பிரச்னைகளில், மத்திய அரசு முடிவெடுக்கத் தயங்கும் போது, அவை அனைத்தும், இந்த இரண்டு வகையான அமைச்சர்களின் குழுக்களுக்கு பரிந்துரை செய்யப்பட்டு, அவை எடுக்கும் முடிவின் அடிப்படையில், இறுதி நடவடிக்கை எடுக்கப்பட்டு வந்தது.

இந்நிலையில், பிரதமர் நரேந்திர மோடி தலைமையில், சமீபத்தில் பதவியேற்ற, தேசிய ஜனநாயக கூட்டணி அரசு, அதிகாரமிக்க அமைச்சர் குழுக்கள் உட்பட, அனைத்தையும், நேற்று கலைத்து உத்தரவிட்டது.

இது தொடர்பாக, மத்திய அரசு நேற்று வெளியிட்ட அறிக்கை:முந்தைய அரசில் நியமிக்கப்பட்ட, ஒன்பது அதிகாரமிக்க அமைச்சர்கள் குழுக்களும், 21 அமைச்சர்கள் குழுக்களும் கலைக்கப்பட்டுள்ளன. இதன்மூலம், முடிவு எடுக்கும் நடவடிக்கைகள் விரைவுபடுத்தப்படும்.காலதாமதம் தவிர்க்கப்பட்டு, அரசு வேகமாக செயல்பட முடியும். அரசு பணிகளின் வேகமும் அதிகரிக்கும். அத்துடன் அரசின் செயல்பாடுகளில், பொறுப்புடைமையும் கூடும்.கலைக்கப்பட்ட குழுக்களிடம், நிலுவையில் இருந்த அனைத்துப் பிரச்னைகள் குறித்தும்,

சம்பந்தப்பட்ட அமைச்சகங்களும், துறைகளும் பரிசீலித்து முடிவெடுக்கலாம்.அப்படி முடிவெடுப்பதில், அமைச்சகங்களுக்கு சிரமம் ஏற்பட்டால், அமைச்சரவை செயலகமும், பிரதமர் அலுவலகமும், அவர்களுக்கு உதவும். அமைச்சகங்கள் மற்றும் துறைகளுக்கு அதிகாரம் அளிக்க வேண்டும் என்ற நோக்கத்திலேயே, இந்த மிகப்பெரிய நடவடிக்கை எடுக்கப்பட்டுள்ளது.
இவ்வாறு, மத்திய அரசு செய்திக் குறிப்பில் தெரிவிக்கப்பட்டுள்ளது.
-தினமலர்

**ராஜா** · **ராஜா** Sun 1 Jun 2014 - 14:59

ஜனாதிபதியாக பதவியேற்கும் முன், மன்மோகன் சிங் அரசில், ராணுவம் மற்றும் நிதி அமைச்சராக பதவி வகித்த, பிரணாப் முகர்ஜி, ஒரு கால கட்டத்தில், இந்தஅமைச்சர்கள் குழுக்களில், 24க்கும் மேற்பட்டவற்றுக்கு தலைமை வகித்தார். அவருக்குப் பின், முன்னாள் ராணுவ அமைச்சர், ஏ.கே.அந்தோணி, பல குழுக்களுக்கு தலைமை வகித்தார்.

ஈழத்தில் தமிழர்கள் கொத்து கொத்தாக படுகொலை செய்யப்பட்டபோதும் இந்தியா ஏன் வாய்மூடி மவுனமாக இருந்துகொண்டு பின்புலத்தில் இலங்கை ராணுவத்துக்கு உதவி செய்தது ஏன் என்று இப்ப தான் புரியுது

**அருண்** · **அருண்** Sun 1 Jun 2014 - 16:00

கூடிய சீக்கிரம் ஒரு மாறு பட்ட இந்தியாவை பார்க்கலாம்..

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக