கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

**சிவா** · **சிவா** Wed May 28, 2014 10:11 pm

கர்நாடகத்தில் பல்வேறு இடங்களில் மின்னல் தாக்கி 10 பேர் பரிதாபமாக இறந்தனர்.

பலத்த மழை

கர்நாடகத்தில் ராய்ச்சூர், பீதர், குல்பர்கா, மண்டியா, பாகல்கோட்டை, கொப்பல் உள்பட மாநிலம் முழுவதும் பரவலாக பலத்த மழை பெய்து வருகிறது.
இந்த மழைக்கு பல்வேறு இடங்களில் வீடுகள் இடிந்து சேதம் அடைந்து உள்ளன. மரங்கள் முறிந்தும், மின்கம்பங்கள் சாய்ந்தும் விழுந்து உள்ளன. இதுபோன்ற காரணங்களால் பொதுமக்களின் இயல்பு வாழ்க்கை பெரிதும் பாதிக்கப்பட்டு உள்ளது.

10 பேர் பலி

இந்த நிலையில், மாநிலத்தில் பல்வேறு பகுதிகளில் மின்னல் தாக்கியதில் 10 பேர் பரிதாபமாக இறந்து உள்ளனர். கோகி கிராமத்தில் மின்னல் தாக்கி கூலி தொழிலாளிகள் கிஷோர் (வயது 30), சுனில் (25), சரணம்மா (32) ஆகிய 3 பேர் இறந்தனர். அவர்களில் கிஷோர், சுனில் இருவரும் ஜார்கண்ட் மாநிலத்தை சேர்ந்தவர்கள் ஆவார்கள்.

குல்பர்காவில் சந்திரகாந்த் ஹூக்கி என்பவர் மின்னல் தாக்கி பலியானார். பிஜாப்பூர் மாவட்டத்தில் கால்நடைகளை மேய்ச்சலுக்கு அழைத்து சென்றபோது மின்னல் தாக்கி 2 பேர் இறந்தனர். அவர்களது பெயர் அம்பவ்வா ஷாத்திரி (55), அனில் கோராள்ளி (14) என்று தெரியவந்து உள்ளது. இடி மின்னலுடன் பெய்த பலத்த மழைக்கு 24 மணி நேரத்தில் 10 பேர் பரிதாபமாக இறந்து உள்ளனர் என்பது குறிப்பிடத்தக்கது.

வெப்பம் குறைந்தது

பீதர், ராய்ச்சூர், குல்பர்கா ஆகிய மாவட்டங்களில் பொதுமக்களை வெயில் வாட்டி வதைத்து வந்தது. அங்கு 43 டிகிரி செல்சியசுக்கும் அதிகமாக வெப்பம் இருந்தது. ஆனால், கடந்த சில நாட்களாக பெய்து வரும் பலத்த மழை காரணமாக அங்கு வெப்பத்தின் அளவு வெகுவாக குறைந்து உள்ளது.

[thanks] தினத்தந்தி [/thanks]

**சிவா** · **சிவா** Wed May 28, 2014 10:11 pm

உத்திரபிரதேசத்தில் நடைபெற்ற விபத்துகளில் 21 பேர் பலி

உத்திரபிரதேசத்தில் இன்று வெவ்வேறு இடங்களில் நடைபெற்ற இரு விபத்துக்களில் 21 பேர் பலியாயினர். 68 பேர் காயமடைந்துள்ளனர். இம்மாநிலத்தின் தேசிய நெடுஞ்சாலையில் ஏற்பட்ட விபத்தில் 12 பேர் பலியடைந்துள்ளனர். மேலும் 10 பேர் உயிருக்கு ஆபத்தான நிலையில் சிகிச்சை பெற்று வருகின்றனர். அடுத்ததாக ஹர்பூர் மாவட்டத்தில் நடைபெற்ற மற்றொரு வாகன விபத்தில் காரில் வந்த ஒரே குடும்பத்தை சேர்ந்த 9 பேர் பலியடைந்தனர். இச்சம்பவம் அப்பகுதியில் பெரும் துக்கத்தை ஏற்படுத்தியுள்ளது.

கிருஷ்ணா · கிருஷ்ணா Thu May 29, 2014 9:27 am

**ஜாஹீதாபானு** · **ஜாஹீதாபானு** Thu May 29, 2014 2:46 pm

Sponsored content · Sponsored content

கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

Re: கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

Re: கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

Re: கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

Re: கர்நாடகத்தில் வெவ்வேறு இடங்களில் மின்னல் தாக்கி 10 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக