காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

**சிவா** · **சிவா** Wed 28 May 2014 - 17:14

கோலாலம்பூர், மே 28 – காட்பரி சாக்லேட்டில் பன்றி கொழுப்பு சம்பந்தப்பட்ட டிஎன்ஏ பொருட்கள் கலந்திருப்பதை மலேசிய சுகாதார அமைச்சு கண்டறிந்ததையடுத்து காட்பரி நிறுவனத்தின் மீது இஸ்லாமிய அரசு சாரா அமைப்புகள் சில கடும் எதிர்ப்பை தெரிவித்துள்ளன.

இதனைத் தொடர்ந்து, சந்தையில் விநியோகம் செய்யப்பட்ட அனைத்து சாக்லேட்களையும் திரும்பப் பெற்றுக்கொள்வதாக காட்பரி நிறுவனம் ஒப்புக்கொண்டுள்ளதாக சுகாதாரத்துறையின் தலைமை இயக்குநர் டத்தோ நூர் இசாம் அப்துல்லா தெரிவித்துள்ளார்.

இந்நிலையில், காட்பரி நிறுவனத்தின் தொழிற்சாலைக்கு தீ வைக்கப்போவதாக கூறிய சில இஸ்லாம் அரசு சாரா இயக்கங்களை மலேசிய இஸ்லாமிய இளைஞர் இயக்கம் அமைதி காக்குமாறு வலியுறுத்தியுள்ளது.

கிருஷ்ணா · கிருஷ்ணா Thu 29 May 2014 - 10:18

விற்காதவற்றை திரும்ப வாங்கினால்தவறு சரியாகிவிடுமா?

**krishnaamma** · **krishnaamma** Thu 29 May 2014 - 13:46

கிருஷ்ணா wrote:விற்காதவற்றை திரும்ப வாங்கினால்தவறு சரியாகிவிடுமா?

அதுதானே?

**ராஜா** · **ராஜா** Thu 29 May 2014 - 13:56

கிருஷ்ணா wrote:விற்காதவற்றை திரும்ப வாங்கினால்தவறு சரியாகிவிடுமா?

இதில் சாக்லேட் நிறுவனத்தின் மேல் என்ன தவறு இருக்கிறது.

இந்த சாக்லேட்தை மலேசிய போன்ற இசுலாமிய நாடுகளில் விற்க அனுமதி கொடுத்த அரசு மேல் தான் தவறு இருக்கிறது

**ஜாஹீதாபானு** · **ஜாஹீதாபானு** Thu 29 May 2014 - 14:02

**ரா.ரா3275** · **ரா.ரா3275** Thu 29 May 2014 - 14:13

ஐ...அப்டீன்னா இனிமே அந்த சாக்லெட்தான்... ஜாலி

ஐயோ யம்மா...யாரோ தொரத்துறாங்களே... அய்யோ, நான் இல்லை

**சிவா** · **சிவா** Wed 4 Jun 2014 - 18:23

காட்பரி சாக்லேட்டில் பன்றியின் உயிர் மரபணுக்கள் இல்லை – அதிகாரிகள் திடீர் பல்டி

காட்பரி சாக்லேட்டில் பன்றியின் உயிர் மரபணுக்கள் இருப்பதாக கூறப்பட்டதில் இருந்து, தற்போது சுகாதாரத்துறை அதிகாரிகள் பின்வாங்கியுள்ளனர்.

அது போன்ற பொருட்கள் எதுவும் காட்பரியில் கண்டறியப்படவில்லை என்றும் கூறியுள்ளனர்.

முன்பு சோதனை செய்யப்பட்ட அதே வகை காட்பரி சாக்லேட்டில் மீண்டும் ஒரு சோதனை மேற்கொண்டதில் பன்றி சம்பந்தப்பட்ட பொருட்கள் இல்லை என்று பிரதமர் துறை அமைச்சர் ஜாமில் கிர் பாஹ்ரோம் தெரிவித்துள்ளார்.

காட்பரி டெய்ரி மில்க் ஹேஸல்னட் மற்றும் காட்பரி டெய்ரி மில்க் ரோஸ்ட் ஆல்மண்ட் ஆகிய இரு வகை சாக்லேட்களும் சோதனைக்கு உட்படுத்தப்பட்டதாக ஜாமில் கூறியுள்ளார்.

கடந்த வாரம், சுகாதாரத்துறை வெளியிட்ட அறிக்கையில், காட்பரி சாக்லேட்டில் பன்றியின் உயிர் மரபணுக்கள் கண்டுபிடிக்கப்பட்டதாக குறிப்பிட்டது.

இதனால் இஸ்லாம் அமைப்புகள் அந்நிறுவனத்திற்கு எதிராக கடும் எதிர்ப்புகளை தெரிவித்தனர்.

**சிவா** · **சிவா** Wed 4 Jun 2014 - 18:23

காட்பரி சாக்லெட்டுகளில் பன்றியின் மரபணு இருப்பதாக கசிய விட்டது யார்? - தீவிர விசாரணை

காட்பரி சாக்லெட்டுகளின் இரு மாதிரிகளில் பன்றியின் மரபணு அறிகுறி எதுவும் காணப்படவில்லை. அதனால் அவை ஹலால் பொருட்கள் என மலேசிய இஸ்லாமிய மேம்பாட்டுத் துறை கண்டறிந்துள்ளது.

இந்நிலையில், சுகாதார அமைச்சை சேர்ந்த யாரோ ஒருவர் அவசரப்பட்டு தவறான முறையில் சோதனை நடத்தி உண்மை தெரியாத நிலையில் இந்தத் தகவலை வெளியிட்டு விட்டார் என்று கூறப்படுகின்றது.

இதுகுறித்து தீவிர விசாரணை செய்யப்படும் என டத்தோ டாக்டர் ஹில்மி யாஹ்யா தெரிவித்துள்ளார்.

இதற்கிடையே காட்பரி சாக்லெட்டுகள் ஹலால் பொருட்கள் என மலேசிய இஸ்லாமிய மேம்பாட்டுத் துறை அறிவித்துள்ள நிலையில், இதில் இரண்டு வகைகளில் பன்றியின் மரபணு இருந்ததாக கூறப்பட்ட தகவலை சுகாதார அமைச்சில் இருந்து கசியச் செய்தது யார் என்பது குறித்து விசாரணை மேற்கொள்ளப்படும் என அவர் மேலும் தெரிவித்தார்.

காட்பரி சாக்லெட்டுகளில் டிஎன்ஏ கலந்திருப்பதாகக் கூறிய தொடக்க நிலை அறிக்கையை வெளியிட்டவரை கண்டுபிடிக்க உள்துறை அமைச்சுக்குள்ளேயே விசாரணை நடத்தி வருவதாகவும் அவர் சொன்னார்.

Sponsored content · Sponsored content

காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

Re: காட்பரி சாக்லேட்டில் பன்றியின் டி.என்.ஏ – இஸ்லாம் அமைப்புகள் கொந்தளிப்பு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக