திமுக உட்பட 1,650 கட்சிகள் பூஜ்ஜியம்!

மக்களவைத் தேர்தல் முடிவுகள் பல அதிர்ச்சிகளை ஏற்படுத்தியுள்ள வேளையில், தேர்தலில் போட்டியிட்ட சுமார் 1,650 கட்சிகள் ஒரு இடத்தைக் கூட வெல்ல முடியாமல் படு தோல்விகளைச் சந்தித்துள்ளது.

திமுக, பகுஜன் சமாஜ் கட்சி, சிபிஐ, தேசிய மாநாடு உள்ளிட்ட கட்சிகள் இந்தப் பூஜ்ஜியப் பட்டியலில் உள்ள கட்சிகளாகும். தற்போது நாட்டில் 1,687 பதிவு செய்யப்பட்ட கட்சிகள் உள்ளன.

8,200க்கும் மேற்பட்ட வேட்பாளர்களில் 5007 வேட்பாளர்கள் பல்வேறு கட்சியின் சார்பில் போட்டியிட்டனர். மீதமுள்ளவர்கள் சுயேட்சை வேட்பாளர்கள். இதில் 35 கட்சிகளிலிருந்து 541 பேர் மக்களவைக்கு தேர்ந்தெடுக்கப்பட்டுள்ளனர். 3 பேர் சுயேட்சைகள் வெற்றி பெற்றுள்ளனர்.

தேர்தல் ஆணையம் வெளியிட்டுள்ள புள்ளிவிவரங்களின் படி பாஜக ஒட்டுமொத்தமாக 17.16 கோடி வாக்குகளைப் பெற்றுள்ளது. மொத்தமாக தனிப்பட்ட முறையில் 282 இடங்களைக் கைப்பற்றியுள்ளது. காங்கிரஸ் கட்சி 10.7 கோடி வாக்குகளைப்பெற்றுள்ளது.

வேடிக்கை என்னவெனில் ஒரு இடம் கூட வெற்றி பெற முடியாத பகுஜன் சமாஜ் கட்சி 2.3 கோடி வாக்குகளைப் பெற்றுள்ளது. அதாவது மொத்த வாக்குகளில் 4.1% எடுத்து 3வது கட்சியாக இருக்கிறது!!

நோட்டாவில் சுமார் 60 லட்சம் வாக்குகள் பதிவாகியுள்ளது. இது 21 கட்சிகள் எடுத்த வாக்குகளை விட அதிகம் என்பது இன்னொரு வேடிக்கை.

தமிழகத்தில் இந்த நாடாளுமன்றத் தேர்தலில் வெற்றி, தோல்வியை நிர்ணயிக்கும் ‘கிங் மேக்கர்’ என்று கருதப்பட்ட விஜயகாந்த், இதுவரை இல்லாத வகையில் தோல்வியை சந்தித்திருக்கிறார். இதற்குக் காரணம், அவர் கூட்டணி சூத்திரத்தை கையில் எடுத்ததுதான் என்கின்றனர் அரசியல் விமர்சகர்கள்.

தேமுதிக 2006-ம் ஆண்டு சட்டசபைத் தேர்தலில் முதல் முறையாக தனித்துப் போட்டியிட்டு, விருத்தாசலத்தில் மட்டும் வெற்றி பெற்றது. 2009-ம் ஆண்டு நாடாளுமன்றத் தேர்தலிலும் தனித்துப் போட்டி யிட்டு ஒரு தொகுதியிலும் வெற்றி பெறவில்லை என்றாலும் அக்கட்சி 10 சதவீதம் வாக்குகளை எடுத்தது. 2011-ம் ஆண்டு சட்டசபைத் தேர்தலில் அதிமுக-வுடன் கூட்டணி அமைத்து 41 தொகுதிகளில் போட்டியிட்டு, 29 தொகுதிகளை கைப்பற்றியது. அப்போதும் 10 சதவீத ஓட்டுகள் கிடைத்தன. அதே ஆண்டு நடந்த உள்ளாட்சித் தேர்தலில் தனித்துப் போட்டியிட்டு 10 சதவீதம் ஓட்டுகளைப் பெற்றது.

இந்நிலையில்தான், நாடாளுமன்றத் தேர்தலுக்கு முன்னதாக தமிழகத்தில் அதிமுக கட்சியைத் தவிர மற்ற அனைத்து கட்சிகளுமே தேமுதிக-வை வளைத்துப்போட கடும் முயற்சிகள் மேற்கொண்டன. இதில் திராவிட கட்சிகளுக்கு மாற்றாக புதிய அரசியலை கொண்டு வருவோம் என்று களம் இறங்கிய மூன்றாவது அணியான பாஜக அணி பக்கம் சாய்ந்தார் விஜயகாந்த். இதன் மூலம் அந்த அணி சுமார் 10 தொகுதிகளைக் கைப்பற்றும் என்று எதிர்பார்க்கப்பட்டது. ஆனால், அந்த அணி இரு தொகுதிகளை மட்டும் கைப்பற்றிய நிலையில், தேமுதிக ஒரு இடம்கூட வெற்றி பெறவில்லை.

ஒருவேளை நாடாளுமன்றத் தேர்தலில் விஜயகாந்த் தனித்துப் போட்டியிட்டிருந்தால் அவரது கட்சி ஓரிரு தொகுதிகளில் வெற்றி பெற்றாலும் அல்லது பெறவில்லை என்றாலும் தனித்துப் போட்டியிட்டது என்கிற கவுரவமாவது கிடைத்திருக்கும். அது வரும் சட்டசபைத் தேர்தலில் விஜயகாந்துக்கு கை கொடுத்திருக்கும்.

தற்போதைய தோல்வி மூலம் தேமுதிக-வின் மக்கள் செல்வாக்கு சரிந்துவிட்டது என்றே கருதுகின்றனர் அரசியல் நோக்கர்கள்.

ஏனெனில், கடந்த கால தேர்தல்களில் தொடர்ந்து சராசரியாக 10 சதவீதம் வாக்கு வங்கியை தக்க வைத்துக்கொண்டு வந்த தேமுதிக அந்த வாக்கு சதவீதத்தை அக்கட்சி இழந்துவிட்டது என்கின்றனர் அவர்கள்.

அ.தி.மு.க. 37 தொகுதிகள் வென்றிருப்பதால் எந்த பிரயோஜனமும் கிடையாது என்று அன்புமணி ராமதாஸ் தெரிவித்துள்ளார்.

தருமபுரி நாடாளுமன்ற தொகுதியில் வெற்றி பெற்றுள்ள அன்புமணி ராமதாஸ் செய்தியாளர்களை சந்தித்தார். அப்போது அவர் கூறியபோது,

தருமபுரி நாடாளுமன்ற தொகுதியில் என்னை வெற்றிபெறச் செய்த வாக்காளர்களுக்கு தலை வணங்கி என்னுடைய நன்றியை தெரிவித்துக்கொள்கிறேன். இந்த தொகுதிக்கு மட்டுமல்ல ஒட்டுமொத்த தமிழகத்தின் நலனுக்காக நானும், பொன்.ராதாகிருஷ்ணனும் சேர்ந்து பாடுவபடுவோம். தி.மு.க., அ.தி.மு.க. தயவு இல்லாமல் இரண்டு இடங்களை பிடித்திருப்பது ஒரு வரலாற்று சாதனைதான். அ.தி.மு.க. 37 தொகுதிகள் வென்றிருப்பதால் எந்த பிரயோஜனமும் கிடையாது. வர இருக்கும் சட்டமன்ற தோர்தலில் இதே கூட்டணியோடு அ.தி.மு.க.வை ஓரங்கட்டுவோம் என்றார்.

சிவா wrote:[link="/t110330-1650#1064353"]

அ.தி.மு.க. 37 தொகுதிகள் வென்றிருப்பதால் எந்த பிரயோஜனமும் கிடையாது: அன்புமணி

ஒன்றில் ஜெயித்து விட்டோம் என்ற மமதையில் பேசுகிறார். சாதி பெயரால் மட்டுமே அன்புமாணி ஜெயித்து உள்ளார். மற்றபடி சட்டமன்ற தேர்தலில் இதே கூட்டணி தொடர்ந்தால், பார்க்கலாம் அப்போது மக்கள் தீர்ப்பு என்னவென்று.

37 இடங்களை வென்ற அ.தி.மு.க. அடுத்த நாடாளுமன்ற தேர்தலில் எத்தனை இடங்களை கைப்பற்றும் என்பது தான் கேள்வி. மத்திய அரசில் அங்கம் வகிக்க முடியாத நிலையில் பா.ம.கா ஓரிடத்தை பெற்றிருப்பது அக்கட்சியை தமிழகத்தில் அடுத்து ஆட்சியை அமைக்க ஆயத்த நிலையில் உள்ளது என்பதை உணர முடிகிறது. சாதி அடிப்படையை வைத்து அரசியல் நடத்தாமல் அனைவரையும் அரவணைத்து தமிழகத்தை தமிழன்தான் ஆள வேண்டும் என்னும் நோக்கில் அரசியல் பிரச்சாரம் செய்தால் அடுத்த தமிழகத்தை பா.ம.க.ஆட்சி புரியும் வாய்ப்பு இருக்கிறது.

மக்களின் நம்பிக்கையை இழந்தவர்கள் பூச்சியத்தைத் தான் பெறுவார்கள்...!

M.M.SENTHIL wrote:[link="/t110330-1650#1064497"]

சிவா wrote:[link="/t110330-1650#1064353"]

அ.தி.மு.க. 37 தொகுதிகள் வென்றிருப்பதால் எந்த பிரயோஜனமும் கிடையாது: அன்புமணி

ஒன்றில் ஜெயித்து விட்டோம் என்ற மமதையில் பேசுகிறார். சாதி பெயரால் மட்டுமே அன்புமாணி ஜெயித்து உள்ளார். மற்றபடி சட்டமன்ற தேர்தலில் இதே கூட்டணி தொடர்ந்தால், பார்க்கலாம் அப்போது மக்கள் தீர்ப்பு என்னவென்று.

மந்திரி பதவிக்கு ராமதாஸ் அடிபோடுவதாக கேள்வி .
இவர் காலத்தில் அடிப்படை வசதி இல்லாத மருத்துவ கல்லூரிகளுக்கு அங்கீகாரம் வழங்கியதில் ஊழல்கள் இருந்ததாக கேள்வி .
மோடி அவர்கள் , பெயர் அறவே கெட்டுப்போகும் அன்புமணி போன்றவர்கள் மந்திரி சபையில் இடம் பெற்றால் .
பஞ்சோந்தி போல் , பதவிக்காக , கட்சிகள் மாறுவதையே , மாறாத கொள்கையாக கொண்டுள்ள பாமக , மாறவே மாறாது .
மோடி, கடவுள் உம்மை காப்பற்றட்டும்.
ரமணியன்