தேர்தல் தோல்வியை திமுக தலை வணங்கி ஏற்றுக்கொள்கிறது: கருணாநிதி

கிருஷ்ணா · கிருஷ்ணா Fri 16 May 2014 - 19:04

மக்களவை தேர்தல் தோல்வியை திமுக தலை வணங்கி ஏற்றுக்கொள்கிறது என அக்கட்சித் தலைவர் கருணாநிதி தெரிவித்துள்ளார்.

இதுதொடர்பாக அவர் வெளியிட்டுள்ள அறிக்கையில்: "நடைபெற்ற நாடாளுமன்றத் தேர்தலில் திராவிட முன்னேற்றக் கழகமும், அதன் தோழமைக் கட்சிகளும் வெற்றி வாய்ப்பினை முழுவதுமாக இழந்திருக்கின்றது.

மக்களின் இந்த முடிவை, “மக்கள் குரலே மகேசன் குரல்” என்ற ஜனநாயகத் தத்துவத்தின் அடிப்படையில் திராவிட முன்னேற்றக் கழகம் தலை வணங்கி ஏற்றுக்கொள்கிறது.

திராவிட முன்னேற்றக் கழகம் இது போன்ற தோல்வியையும் சந்தித்திருக்கின்றது; தமிழகத்தில் எந்த அரசியல் கட்சியும் பெறாத அளவிற்கு மிகப்பெரிய வெற்றியையும் பெற்றிருக்கிறது. “வெற்றி கண்டு வெறி கொள்வதுமில்லை, தோல்வி கண்டு துவண்டு போவதுமில்லை” என்று பேரறிஞர் அண்ணா அவர்கள் அறிவுறுத்தியவாறு, வாக்களிக்கும் மக்களின் நம்பிக்கையை மேலும் உறுதியாக பெறக் கூடிய வகையில் எங்கள் தொண்டினைத் தொய்வின்றி தொடர்ந்து நிறைவேற்றுவோம்.

இந்தத் தேர்தலில் இந்திய அளவில் மிகப் பெரிய வெற்றியைப் பெற்றுள்ள பா.ஜ.க. அணியினருக்கும், குறிப்பாக பிரதமர் பொறுப்பை ஏற்கவுள்ள நரேந்திர மோடி அவர்களுக்கும் திராவிட முன்னேற்றக் கழகத்தின் சார்பில் என்னுடைய வாழ்த்தினைத் தெரிவித்துக் கொள்கிறேன்". இவ்வாறு கருணாநிதி குறிப்பிட்டுள்ளார்.

நன்றி : தி இந்து

**சிவா** · **சிவா** Fri 16 May 2014 - 19:08

தலை வணங்கி ஏற்றுக் கொண்டு கட்சி நிதி என்ற பெயரில் வசூல் வேட்டைக்கு அப்பனும் மகனும் மாவட்டந்தோறும் கிளம்பிவிடுவார்கள்!

கிருஷ்ணா · கிருஷ்ணா Fri 16 May 2014 - 19:27

அப்புறம் செலவழித்ததை எப்படி வாங்குவது

பாலாஜி · பாலாஜி Fri 16 May 2014 - 19:45

கிருஷ்ணா wrote:[link="/t110311-topic#1064144"] அப்புறம் செலவழித்ததை எப்படி வாங்குவது

அதானே

sureshnkp · sureshnkp Fri 16 May 2014 - 19:54

DMK rowdysam oliya vendum...,

**M.M.SENTHIL** · **M.M.SENTHIL** Fri 16 May 2014 - 23:51

தலை வணங்கினாலும், வணங்காவிட்டாலும் ஏற்றுத்தான் ஆக வேண்டும். என்ன ஆட்டம் போட்டிங்க சாமிகளா. கொஞ்ச நாளைக்கு ஒரு மூலையில ஒக்காந்து அப்பனும், மவனும் யோசிங்க அடுத்து என்ன செய்யலாம்னு.
அப்படியே நம்ம குஷ்பூக்கு ஒரு சீட் கொடுத்துடுங்க சட்டமன்ற தேர்தல்ல. ஏன்னா, நீங்க தூய தமிழ்ல கொல்றீங்க, அந்த அக்கா தமிழே தெரியாம கொல்றா.