பழைய தமிழ்த் திரைப் பட உலகை திரும்பிப் பார்ப்போமா !

mkrsantharam · mkrsantharam Wed May 14, 2014 7:33 am

First topic message reminder :

தமிழ்த் திரைஉலகை திரும்பிப் பார்ப்போமா !

அன்பு நண்ப்ர்களே !
தமிழ்த் திரைப் பட உலகில் நிகழ்ந்த பல சுவையான சம்பவங்கள், நிகழ்ச்சிகள், படிப்பதற்க்கு ஏற்றவை , இன்ப , துன்பங்கள்,,
இவைகளை சிறிதும் கற்பனைக்க் கலப்பின்றி, ஆதாரங்களுடன் எழுத இந்த இழையை ஆரம்பித்து இருக்கின்றேன் .

நான் வழங்கப் போகும்ம் அனைத்தும் :
தமிழ்த் திரைப்பட உலகில் பல்வேறு துறையினர்களின் திரைப்பட உலகில் மட்டும் நிகழ்ந்த சம்பவங்களின் தொகுப்பே ஆகும் !

இவை எல்லாமே நான் படித்த பத்திரிகைகள், புத்தகங்கள், ஊடகங்கள், - இவைகளின் மூலம் எனக்குத் தெரிந்ததை
" Over Build - Up " இல்லாமல் தருவது என் நோக்கமே !

முக்கியமாக..... :

இந்த தொடரை எழுதும் அடியேன் ...... உள்ளது....உள்ளபடியே எழுதுவது மட்டுமின்றி :

யாரையும் " Suppoort " செய்து எழுதுவதோ...
யாரையும் தூற்றி எழுதுவதோ என்னுடைய வேலை அல்ல
என்பதையும் பணிவாம்புடன் தெரிவித்துக் கொள்கிறேன் !

திரைப் படத் துறையில் பல விஷயங்கள், நல்லவை - கெட்டவை -பலவகைகளில் இரூப்பினும் அனைத்தையும் எழுத ஆரம்பித்தால்
பலர் அவைகளைப் படித்து 'நெளிய' நேரிடும் ! எனவே நாகரீகம் கருதி நெளிய வைக்கும் பல விஷயங்கள், பல விஷயங்கள் - எனக்கு தெரிந்தும் அவைகளை தவிர்த்து, எழுதவேண்டிய விஷயங்களை மட்டும் எழுதுவேன் என்பதையும் தெரிவித்துக் கொள்கிறேன் !

சரிதானா, நண்பர்களே !

எம்கேஆர்சாந்தாராம்

[ok]வணக்கம் ஐயா , முதல் பதிவு நீளம் மிக அதிகமாக இருந்ததால் திரி திறக்கும் நேரமும் அடுத்தடுத்த பக்கங்கள் திறக்கும் நேரமும் மிக அதிகமாக இருந்ததால் , முதல் பதிவின் நீளத்தை குறைத்து வெட்டிய பகுதியை இரண்டாவது பதிவில் இணைத்துள்ளேன். - ராஜா [/ok]

mkrsantharam · mkrsantharam Thu Sep 04, 2014 4:47 pm

ராஜா wrote:அன்புள்ள டாக்டர் சாந்தாராம் ஐயா அவர்களுக்கு , மிக அருமையான ஒரு பொக்கிஷத்தை எங்களுக்கு வாரி வழங்கி கொண்டு உள்ளீர் எப்படி நன்றி சொல்வது என்றே தெரியவில்லை. தொடர்ந்து இது போல உங்களின் சிறப்பான பதிவுகள் ஈகரையை அலங்கரிக்க வேண்டுமென தாழ்மையுடன் கேட்டுகொள்கிறேன்

-ராஜா

மேற்கோள் செய்த பதிவு: 1080556

அன்புள்ள திரு .ராஜா அவர்களுக்கு ,

வணக்கம் !

எனக்கு நன்றி சொல்லவேண்டாம் , ராஜா சார் !

தொடர்ந்து படியுங்கள் !

அது போதும் எனக்கு !

தமிழ்த்திரைப்பட உலகம் ஒரு கடல் !

அதில் இருந்து சில துளிகள் தான் நான் தருகிறேன் ,

இன்னும் பல வருடங்கள் எழுதினாலும்

'இந்த கடல் '

வற்றாது !

என்ன, எழூதுவதற்கு எனக்கு ஆயுசு மற்றும் " தாவு " தேவை !

( " தாவு " = சக்தி ! )

உங்கள் மடலுக்கு நன்றி , ராஜா சார் !

எம்கேஆர்சாந்தாராம்

**மாணிக்கம் நடேசன்** · 14/12/2009

அன்பு நிறைந்த டாக்டர் சாந்தாராம் அவர்களே, உங்களுது இத்தொடர் அப்படியே நிற்கிறது, தயவு செய்து தொடருங்கள். நல்ல தகவல்கள் தொடர வேண்டும் உங்களது விருப்பமும் அதுதானே. தொடருங்கள், நன்றியுடன் காத்திருக்கிறோம்.

**ராஜா** · **ராஜா** Fri Sep 05, 2014 6:43 pm

மாணிக்கம் நடேசன் wrote:அன்பு நிறைந்த டாக்டர் சாந்தாராம் அவர்களே, உங்களுது இத்தொடர் அப்படியே நிற்கிறது, தயவு செய்து தொடருங்கள். நல்ல தகவல்கள் தொடர வேண்டும் உங்களது விருப்பமும் அதுதானே. தொடருங்கள், நன்றியுடன் காத்திருக்கிறோம்.

மேற்கோள் செய்த பதிவு: 1085037

ஆமாம் ஐயா , தொடருங்கள் புன்னகை

இது எங்களின் அன்பு கட்டளை புன்னகை

mkrsantharam · mkrsantharam Sat Sep 06, 2014 8:04 am

ஜாஹீதாபானு wrote:அருமையான தகவல்கள் சாந்தாராம் அண்ணா... தொடர்ந்து இது போல அரிய தகவல்களை பதிவு செய்யுங்கள்.

மேற்கோள் செய்த பதிவு: 1080701

சகோதரி ஜாஹிதா பானு அவர்களுக்கு ,

தங்களின் மடலுக்கு நன்றி !

எனது அடுத்த கட்டுரை இன்று மாலைக்குள் !

நன்றியுடன் !

எம்கே ஆர் சாந்தாராம்

mkrsantharam · mkrsantharam Sat Sep 06, 2014 8:07 am

ஸ்ரீரங்கா wrote:

மேற்கோள் செய்த பதிவு: 1080703

மிக்க நன்றி ,

திரு. ஸ்ரீ ரங்கா அவர்களே.

எம்கே ஆர்சாந்தாராம்

mkrsantharam · mkrsantharam Sat Sep 06, 2014 8:12 am

Dr.S.Soundarapandian wrote:காணக் கிடைக்காத புகைப்படங்கள் , கேட்டறியாத வரலாறுகள் , இளைய தலைமுறை அறிய வேண்டிய சமுதாய நுட்பங்கள் , இப்படிப் பலகோணங்களில் பயனுள்ளவை சாந்தாராம் அவர்களுடைய பதிவுகள் !

இன்னும் தாருங்கள் சாந்தாராம் அவர்களே !

மேற்கோள் செய்த பதிவு: 1080721

அன்புள்ள டாக்டர் . செளந்தர பாண்டியன் அவர்களுக்கு,

உங்களின் மடலுக்கு மிக்க நன்றி !

நீங்களும் என்னுடைய கட்டுரையை படித்து வருவது

எனக்கு பெருமையாக உள்ளது !

உங்களின் விருப்பம் போலவே நான் தொடர்ந்து எழுதுவேன் !

தொடர்ந்து படித்து உங்களின் எண்ணங்களை எழுதினால்

மகிழ்ச்சி அடைவேன் !

நன்றியுடன்,

எம்கே ஆர்சாந்தாராம்

mkrsantharam · mkrsantharam Sat Sep 06, 2014 8:18 am

ராஜா wrote:
மாணிக்கம் நடேசன் wrote:அன்பு நிறைந்த டாக்டர் சாந்தாராம் அவர்களே, உங்களுது இத்தொடர் அப்படியே நிற்கிறது, தயவு செய்து தொடருங்கள். நல்ல தகவல்கள் தொடர வேண்டும் உங்களது விருப்பமும் அதுதானே. தொடருங்கள், நன்றியுடன் காத்திருக்கிறோம்.
மேற்கோள் செய்த பதிவு: 1085037

ஆமாம் ஐயா , தொடருங்கள் இது எங்களின் அன்பு கட்டளை

மேற்கோள் செய்த பதிவு: 1085214

திரு . மாணிக்கம் நடேசன் ,

மற்றும்

திரு . ராஜா அவர்களுக்கு ,

" சாந்தி " - " யார் அந்த நிலவு " கட்டுரை சற்று

நீளமானவை .....

எனவே நேரம் அதிகம் எடுத்துக்கொண்டேன் !

தாமதம் செய்ததற்கு மன்னிக்கவும் !

இதோ இன்று மாலை .....

நன்றி !

எம்கே ஆர் சாந்தாராம்

mkrsantharam · mkrsantharam Sat Sep 06, 2014 5:07 pm

தொகுப்பு - 5

எனக்குப் பிடித்த

திரைப்படப் பாடல் :

" யார் அந்த நிலவு ,

என் இந்த கனவு ? "

( படம் : " சாந்தி " ( 1965 ) )

பழைய தமிழ்த் திரைப் பட உலகை திரும்பிப் பார்ப்போமா ! - Page 10 EsAVrRwzScKOzeBz2sBG+movieposter

தமிழ்த் திரைப்படங்களில் - சரியாக சொல்ல

முடியாவிட்டாலும் - ' குத்து' ( ! ) மதிப்பாக - கிட்டதட்ட :

60, 000 பாடல்களாவது தேறும் !

.....அவைகளில்.....

" யார் அந்த நிலவு - ஏன் இந்த கனவு ? "

பாடலை மட்டும் - அதுவும் ஒரே ஒரு பாடலாக நான் தேர்வு

செய்ய என்ன காரணம் ?

சொல்கிறேன் .....சொல்வதற்குத் தானே இந்த தலைப்பைப்

போட்டு எழுதி உள்ளேன் !

இப்போது தமிழ்த் திரைப்படங்களில் வரும் பாடல்கள்

அவசரத்தில் அள்ளித் தெளித்த கோலங்களாகத்தான்

வருகின்றன !

அதுவும் பாடல்களில் :

இனிமை - மற்றும் - ' மெலடி' போன்ற என்றும் நிலைக்கும்

'ஐட்டங்களை' புறக்கணித்துவிட்டு :

" இந்த நடிகை பாடினால்......ஹி....ஹி ...மன்னிக்கவும் ...

வாயத் திறந்தால் போதும் ! "

' அந்த நடிகர் இந்த படத்தில் ஒரு பாடலைப் பாடலைப்

பாடுவது போல் " நடித்தாலே" போதும் ! "

என்று நினைத்து செயல்படும் அளவுக்கு பாடல்களை

இசையமைக்கின்றார்கள் !

சில வருடங்களுக்கு முன்பு வந்த " கந்தசாமி " என்கிற படத்தில்

அனைத்துப் பாடல்களை பாடியவர் :

நடிகர் விக்ரம் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 ELpAxcMTRnCiu9kTfLbj+kandasamy_061

( ' மிஸ். கந்தசாமி ' - விக்ரம் ! )

நீங்களே சொல்லுங்கள் : ' நடிகர் விக்ரம் அவர்களின் நடிப்பை

நாம் ரசிக்க முடியும் - ஆனால் அவர் பாடினால் - அதுவும் - அனைத்துப்

பாடல்களையும் - ரசிக்கவா முடிகிறது ! ?

( " கந்தசாமி " படத்தைக் கூட எங்களால் ரசிக்க

முடியலையே, ஐயா ! "

என்று நீங்கள் அங்கலாய்ப்பத எனக்கு கேட்கிறது - அது வேறு கதை ! )

ஆனால் , அந்த காலத்தில் ?

அது வேறு 'கனாக் காலம் ! '

அந்த காலத்தில் பாடல்களை வடிவமைப்பதில் ஓர்

ஆரோக்கியமான போட்டியே

இருந்தது !

" ஆரோக்கியமான போட்டி " என்றால் என்ன ?

சொல்கிறேன் !

%%%%%%%%%%%%%%%%%%%

பாடல்கள் படத்தில் சிறப்பாக

வருவதில் , அந்த பாடலில் பங்கு கொண்டவர்கள் எந்த வித:

தியாகமும்

செய்யத் தயாராக இருந்தார்கள் !

எடுத்துக்காட்டுக்கள் !

1. " புருஷன் வீட்டில் வாழப்போகும் பொண்ணே !

தங்கச்சி கண்ணே ! "

- அண்ணன் , தங்கையை அறிவுரை சொல்லும் பாசமிகு பாடல்,

" பானை பிடித்தவள் பாக்கியசாலி " படத்தில்.

திருச்சி லோகநாதன் பாடிய இந்த பாடல் அவருக்கு பெரும் புகழைத்

தந்து.

இதே திருச்சி லோகநாதனை

பழைய தமிழ்த் திரைப் பட உலகை திரும்பிப் பார்ப்போமா ! - Page 10 Z1JvafA3RPWXCbEvv1CO+hqdefault(5)

பழைய தமிழ்த் திரைப் பட உலகை திரும்பிப் பார்ப்போமா ! - Page 10 Z1JvafA3RPWXCbEvv1CO+hqdefault(5)

( திருச்சி லோகநாதன் )

இதே படத்தில் இன்னொரு பாடலான

" சோலைக்குள்ளே குயிலுக் குஞ்சு சும்மா சும்மா கூவுது "

என்கிற பாடலை பி சுசீலாவுடன் இணைந்து பாட மறுத்து விட்டார் !

காரணம் கேட்டபோது அவர் சொன்ன பதில் :

" தங்கைக்கு அண்ணன் அறிவுரை கூறும் என் குரலை

அதே படத்தில் அந்த தங்கையின் காதலனுக்கு குரல்

கொடுத்தால் அது தவறு, எனவே இந்த பாடலை வேறு

பாடகரை வைத்து இசையமைத்துக் கொள்ளுங்கள் ! "

என்றாராம் !

( " பானை பிடித்தவள் பாக்கியசாலி " படத்தில்

அண்ணன் : டி எஸ் துரைராஜ் - அவரது சொந்தப் படம்.

தங்கை : நடிகைய்ர் திலகம் சாவித்திரி .

காதலன் : கே . பாலாஜி .

காதலனுக்கு குரல் கொடுத்தவர் : சீர்காழி கோவிந்தரராஜன் ! )

**********************

2. " பதி பக்தி " - இந்த படத்தில் முதலில் அனைத்துப்

பாடல்களை எழுத ஒப்பந்தம் ஆனவர் : கவிஞர் மருத காசி !

ஆனால் , படத்தின் கதை சூழலைக் கேட்ட மருத காசி என்ன

சொன்னார் தெரியுமா ?

பழைய தமிழ்த் திரைப் பட உலகை திரும்பிப் பார்ப்போமா ! - Page 10 Bm1VrGcFTEOON5Tzkzo5+maruthakasi

( கவிஞர் . மருத காசி )

" இந்த ' பதி பக்தி ' படக் கதைக்கு பாடல்களை எழுத

பொருத்தமானவர் : பட்டுக்கோட்டை கல்யாணசுந்தரம்தான்

பொருத்தமானவர், எனவே அவரையே படல்களை எழுதச்

சொல்லுங்கள் ! "

ஆமாம், ' பதி பக்தி ' படத்தின் அனைத்துப் பாடல்களையும்

' பாட்டுக் கோட்டையார்' தான் எழுதினார் !

&&&&&&&&&&&&&&&&&

3. " மன்னாதி மன்னன் " - இந்த படம் ,

கவிஞர் கண்ணதாசனின் சொந்தப் படம் .

அவர் நினைத்திருந்தால் இந்த படத்தில் இடம் பெற்ற

அனைத்துப் பாடல்களையும் அவரே எழுதி இருக்கலாம்,

ஆனால் , இந்த படத்தில் இடம் பெற்ற எம்ஜிஆர் - பத்மினி

போட்டி நடனப் பாடலை

பழைய தமிழ்த் திரைப் பட உலகை திரும்பிப் பார்ப்போமா ! - Page 10 FEYW9NB2RJOLXi9EqeRj+t0001444

பழைய தமிழ்த் திரைப் பட உலகை திரும்பிப் பார்ப்போமா ! - Page 10 FEYW9NB2RJOLXi9EqeRj+t0001444

தான் எழுதுவதை விட கவிஞர் மருதகாசியை

விட்டு எழுதினால் அந்த பாடல் எடுபடும் என்று கண்ணதாசன்

எண்ணினார்......ஆமாம் :

" ஆடாத மனமும் உண்டோ ! "

டி எம் எஸ் - எம் எல் வசந்தகுமாரி இணைந்து பாடிய ஒரே

'டூயட்' பாடலை எழுதியவர் : கவிஞர் மருத காசிதான் !

%%%%%%%%%%%%%%%%%%%%%%%%%%%%%%

4. " பாகப் பிரிவினை " திரைப்படம் :

நடிகர் திலகம் நடித்தது. இந்த படத்தில் ஒரு சோகமான

தாலாட்டுப் பாட்டை படத்தில் நடிகர் திலகம் பாடவேண்டும்.

பாட்டுக்கோட்டையாரை அணுகினார் இயக்குனர் ஏ . பீம்சிங்.

பாட்டுக்கோட்டையார் அவரிடம் என்ன சொன்னார் தெரியுமா !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 PzeHE5QJ2rjqDUkBhExA+ar747pattukottai-kalyanasundaram

பழைய தமிழ்த் திரைப் பட உலகை திரும்பிப் பார்ப்போமா ! - Page 10 PzeHE5QJ2rjqDUkBhExA+ar747pattukottai-kalyanasundaram

" தாலாட்டுப் பாடல் - அதுவும் சோகமாதாலாட்டுப் பாடல்

தாலாட்டுப் பாடலுக்கு கவிஞர் கண்ணதாசன் தான் தகுதியானவர் !

எனவே இந்த பாடலை எழுத அவரையே கூப்பிட்டிக்கொள்ளுங்கள் ! "

என்றாராம் !

இந்த காலத்தில் இது மாதிரி நடக்குமா, என்ன !

அப்படி கண்ணதாசன் எழுதிய பாடல்தான் :

" ஏன் பிறந்தாய் மகனே, ஏன் பிறந்தாய் ! "

பழைய தமிழ்த் திரைப் பட உலகை திரும்பிப் பார்ப்போமா ! - Page 10 LFgl1w7bSDWGbiFnX7ST+hqdefault(6)

$$$$$$$$$$$$$$$$$$$$$$$$$$$$$$$

5. " சிங்கார வேலனே , தேவா ! "

இந்த பாடலை உங்களால் ......சே ! .... சே ! என்னையும் சேர்த்துக்

கொள்ளுங்கள் !

இந்த பாடலை நம்மால் மறக்க முடியுமா, என்ன !

காருகுரிச்சி அருணாசலத்தின் இனிய நாதாஸ்வர இசையுடன்

" கொஞ்சம் சலங்கை " படப் பாடல் !

இந்த பாடலை முதலில் பிரபல இந்தித்திரைப்பட பாடகி :

லதா மங்கேஷ்கரை வைத்து பாட வடிவேலு சொல்வது போல

" ப்ளான்.......ப்ளான் " பண்ணினார் எஸ் . எம் . எஸ் - அத்தான் -

இந்த ' கொஞ்சும் சலங்கை ' இசையமைப்பாளர் எஸ். எம். சுப்பையா

நாய்டு !

" ஹம்கோ யெ கானா பஹுத் முஷ்கில் ஹை ! "

புரியலை ? ....

" எனக்கு இந்த பாடலைப் பாட மிகவும் கடினம் ! "

என்று லதாஜி கை விரிக்க , பின்னர் மெல்லிசை மன்னரின்

குருநாதர் - அத்தான் - எஸ் . எம் . எஸ் , பிரபல பாடகி

பி .லீலா வை வைத்து பாட ' வடிவேலு ' பண்ணினார் !

பி. லீலா என்ன சொன்னார் தெரியுமா ?

( ' அட என்னய்யா ! இது தெரிந்தால் நான் ஏன்யா உன் கட்டுரையை

நாங்களபடிக்கப் போகிறோம் ! சொல்லித் தொலையும் , அய்யா ! "

என்கிறீர்களா ! சர்த்தான் ! )

பழைய தமிழ்த் திரைப் பட உலகை திரும்பிப் பார்ப்போமா ! - Page 10 CJ0dyia0TOKMV4HH8oDl+download

( பி . லீலா )

பி. லீலா :

" இந்த பாடலைப் பாடுவதற்கு முற்றிலும் தகுதியானவர் ,

எஸ். ஜானகி தான் ! எனவே அவரையே நீங்கள் வரவழைத்து

பாடவைக்கவும் ! "

இப்போதெல்லாம் இது மாதிரி நடக்குமா !

#################################

6. பிரபல வீணை வித்வான் எஸ். பாலசந்தர்

படங்களில் பாடுவதிலிலும் திறமை உள்ளவர். அவர் பல படங்களில்

அவர் நடிப்புக்கு அவரே பாடியுள்ளார். ( ' இது நிஜமா' , ' கைதி ' )

ஆனால் , அவர் நடிகர் ஜெமினி கணேசனுடன் இணைந்து நடித்த

" பெண் " படத்தில் இடம் பெற்ற " கல்யாணம் ...வேண்டும் வாழ்விலே

கல்யாணம் ! " என்கிற பாடலை அவர் நினைத்தால் அவரே பாடி

இருக்கமுடியும் , ஆனால் அந்த பாடலின் அழகுக்காக தானே

பாடாமல் , பிரபல நடிகர் ஜே. பி . சந்திரபாபுவை வைத்து பாட

வைத்தார் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 UNblxpKUQb6QIHdH89o2+Veena_S_Balachandar_1950

பழைய தமிழ்த் திரைப் பட உலகை திரும்பிப் பார்ப்போமா ! - Page 10 UNblxpKUQb6QIHdH89o2+Veena_S_Balachandar_1950

( இளமைக் கால ' வீணை' எஸ். பாலசந்தர் - 1950 )

( சந்திரபாபு பாடுவதற்கு முன்னர் இந்த பாடலை இசையமைப்பாளர்

ஆர். சுதர்சனம் முதலில் பாடவைத்த பாடகர் : டி எம் எஸ் ! )/b]

@@@@@@@@@@@@@@@@@@@@@@@@@@@@@@@

7.சரி, இசையமைப்பாளர்கள் எப்படி,

பாடல்களுக்காக அவர்கள் என்ன செய்தார்கள் ?

சர்த்தான் ! நீங்களும் அழகழகாய் கேள்வி கேட்க ஆரம்பித்துவிட்டீர்கள் !

சொல்றேன் !

" திருடாதே " படம், இசை எஸ் எம் சுப்பய்யா நாய்டு !

இந்த படத்தில் ஓர் அழகான 'டூயட்' பாட்டு,

" என் அருகே நீ இருந்தால் உலகமெல்லாம் சுழலுவதேன் ! "

பி பி எஸ் - சுசீலா பாடிய இந்த பாடலை இசையமைத்தவர்

எஸ் எம் சுப்பய்யா நாய்டு இல்லை !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 HE2bCAnRTzup1o8VO50X+SMSubbaiahNaidu

பழைய தமிழ்த் திரைப் பட உலகை திரும்பிப் பார்ப்போமா ! - Page 10 HE2bCAnRTzup1o8VO50X+SMSubbaiahNaidu

( இசையமைப்பாளர் எஸ் எம் எஸ் - எஸ் . எம். சுப்பையா நாய்டு ! )

பின்னே ?

மெல்லிசை மன்னர்கள் !

இந்த விஷயத்தை யாரும் , ஏன் , மெல்லிசை மன்னர்களே வாயைத்

திறந்து சொன்னதில்லை......எல்லாம் எங்களைப் போன்ற

' ஆராய்ச்சியாளர்கள் ' ( ! )

கண்டுபிடித்தது !

************************************

8. " மரகதம் " - இந்த பெயரில் நடிகர் திலகம் நடித்த

படம். இந்த படத்தின் இசை : எஸ் எம் சுப்பய்யா நாய்டு.

இந்த படத்தில் இருந்து ஒரு புகழ் பெற்ற பாடல் :

" குங்குமப் பூவே, கொஞ்சும் புறாவே, கண்மணி உன்னை கண்டதும்

இன்பம் பொங்குது தன்னாலே ! "

ஜே பி சந்திரபாபுவுடன் கே ஜமுனாராணி பாடும் இந்த பாடலை

அதே நடிகர் திலகர் நடித்த " சபாஷ் மீனா " படத்திற்காக பிரபல

இசையமைப்பாளர் டி .சலபதி ராவ் இசையமைத்து வைத்திருந்தார் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 PUdP8vmWS9K5pR803lnV+48_copy

பழைய தமிழ்த் திரைப் பட உலகை திரும்பிப் பார்ப்போமா ! - Page 10 PUdP8vmWS9K5pR803lnV+48_copy

( மாலையுடன் கண்டசாலா ! அவரை ரசிப்பவர்தான் :

டி. சலபதி ராவ் - ஸ்ரீதரின் ' மீண்ட சொர்க்கம் ' படத்தின் இசையும்

இவர்தான் ! )

இந்த பாடலை நிஜமாகவே ( ! ) சந்திரபாபு , களவாடிச் சென்று ' மரகதம் "

படத்திற்காக எஸ். எம் . எஸ் விடம் கொடுத்து பாடினாராம் !

இது பற்றி சலபதி ராவ் ஒரு சொல் கூட யாரையும் திட்டிப் பேசவில்லை !

தனது பாடல் ஏதோ ஒரு படத்தில் 'ஹிட்' ஆனால் போதும் என்கிற

நல்ல எண்னம்தான் அவருக்கு !

&&&&&&&&&&&&&&&&&&&&&&&&&&&&&&&&&&&&&&&&&&&&

9. " கூண்டுக்கிளி " - நடிகர் திலகமும்,

மக்கள் திலகமும் இணைந்து நடித்த ஒரே படம் !

இந்த படத்தின் இசை : ' மாமா ' கே. வி . மகாதேவன்.

இந்த படத்தில் இருந்து மகாதேவன் ஒரே ஒரு 'டூயட்' பாடலை

இசையமைத்தார். அந்த பாடலைக் கேட்டதும் எம் ஜி ஆர் உம்

சிவாஜியும் , ' திருவிளையாடல் ' படத்தில் முருகனும் , விநாயகரும்

" பழம் எனக்கு " என்று அடித்துக்கொள்வதைப் போல

" இந்த 'டூயட்' பாட்டு படத்தில் எனக்காக பாடி படமாக்கவேண்டும் ! "

என்று இருவரும் ' அடித்துக்கொள்ளாத ' குறை !

பார்த்தார் ' கூண்டுக்கிளி ' இயக்குனர் டி . ஆர். ராமண்ணா!

" பழம்......ஹி...ஹி..... பாடல் யாருக்கும் இல்லேப்பா ! "

என்று சொல்லி பாடலை தூக்கி 'கடாசி' விட்டார் !

சிவாஜியும் எம்ஜிஆரும் 'கம்' என்று ஆகிவிட்டனர் !

ராண்ணாவி அடுத்த படம் : ' குலேபகாவலி'

எம்ஜிஆர், இந்த படத்தில் 'ஹீரோ' !

எம்ஜிஆர், ராமண்னாவுடம் சென்று 'கூண்டுக்கிளி'

டூயட் பாடலை இந்த படத்தில் தனக்கு வேண்டும் என்று

சொல்ல , காதும் காதும் வைத்தாற்போல ராமண்னா இந்த

பாடலை எம்ஜிஆர் - ஜி. வரலட்சுமி ஜோடிக்கு தாரை வார்த்துக்

கொடுத்தார் !

அந்த பாடல்தான் :

" மயக்கும் மாலை பொழுதே போ போ !

இனிக்கும் இன்ப இரவே வா ! "

ஒரு விஷயத்தை சொல்ல மறந்து விட்டேனே !

" குலேபகாவலி ' படத்தின் இசை :

மெல்லிசை மன்னர்கள் !

இதைப் பற்றி ' மாமா ' கண்டுகொள்ளவே இல்லை !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 5cJ3O6u3T3Onp45CncF5+K.-V.-Mahadevan-Songs

( கே . வ. மகாதேவன் )

@@@@@@@@@@@@@@@@@@@@@@@@@@@@@@

10 . ' எதிர் நீசல் ' ( 1968 ) - நாகேஷ்

நடித்து பாசந்தர் இயக்கிய படம். இசை வி. குமார் !

இந்த படத்தில் இருந்து ஒரு பாடல் :

" என்னம்மா பொன்னம்மா பக்கம் வா வா வ வா ! "

நாகேஷ், நாடகம் ஒன்றுக்கு பாடும் பாட்டு !

டி எம் எஸ் - சுசீலா பாடியது !

ஆனால் இந்த பாடலுக்கு இசை : வி . குமார் அல்ல !

பின் யார் ?

மெல்லிசை மன்னர்கள் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 GzVRlp9nQGWja72M8Erp+0(1)

@@@@@@@@@@@@@@@@@@@@@@@@@@@@@

இன்னும் சொல்வதற்கு நிறைய

உள்ளன !

ஆக மொத்தம் பாடல்கள் என்றும் நிலைக்க வேண்டும்

என்று அவர்கள் நினைத்ததால்தானே !

இதனால்தான் பழைய பாடல்கள்

என்றும் நம்மிடையே இன்றும்

வாழ்கின்றன !

பழய பாடல்கள் என்றும் வாழும் !

%%%%%%%%%%%%%%%%%%%%%%%%%%%%%%%%%%

இனி விஷயத்திற்கு

செல்வோமா !

தொடரும்...

எம்கேஆர்சாந்தாராம்

mkrsantharam · mkrsantharam Sat Sep 06, 2014 5:14 pm

" சாந்தி " ' யார் அந்த

நிலவு " ........................தொட்ர்ச்சி !

சரி, " யார் இந்த நிலவு ? "

பாடலின் சிறப்பம்சங்கள் என்ன ? "

என்றா கேட்கிறீர்கள் ?

அந்த சிறப்பம்சங்கள்ளை நான் பட்டியலிடும்

முன்னர் , இந்த பாடல் , ' சாந்தி ' படத்தில் இடம் பெற்ற கதையின்

சூழ்நிலையை ( SITIUATION ) உங்களுக்குத் தெரியவேண்டும் !

அதற்கு.......

" சாந்தி" திரைப்படத்தின் கதையையும் ஓரளவு

தெரிந்து வைத்திருந்தால் நலம் !

%%%%%%%%%%%%%%%%%%%%%%%

" சாந்தி "

கதை சுருக்கம் :

பழைய தமிழ்த் திரைப் பட உலகை திரும்பிப் பார்ப்போமா ! - Page 10 Ilsba1eHRyucyxlj9Zlj+main-31837

நடிகர் திலகமும் , எஸ் . எஸ் . ஆரும் இணை பிரியாத நண்பர்கள் !

" வாழ்ந்து பார்க்கவேண்டும் , அறிவில் மனிதன்

ஆகவேண்டும் ! " என்கிற பாடலை அவர்கள் பாடி மகிழ்கிறார்கள் !

அந்த பாடலை அவர்கள் கல்லூரி நாட்களில்

பாடி மகிகிறார்கள் !

அப்போது......

ஊரில் , எஸ் எஸ் ஆருக்கு திருமண ஏற்பாடு நடக்கின்றது !

அந்த ஊரில் தோழிகள் இருவர் :

தேவிகா - விஜயகுமாரி !

இந்த இருவரில் விஜயகுமாரி இரு விழிகளை இழந்தவர்.

" தனக்கும் திருமணம் நடக்குமா ? " என்று ஏங்கும்

தன்னுடைய பார்வை இல்லாத தோழியான தேவிக ,

விஜயகுமாரிக்கு ஆறுதல்

சொல்லி பாடுகிறார் :

" ஊரெங்கும் மாப்பிள்ளை ஊர்வலம் !

வீடெங்கும் மாவிலைத் தோரணம் ! "

தேவிகா பாடும் பாட்டு !

விஜயகுமாரியின் சித்தப்பாவாக வரும்

' சூபர்' வில்லன் ( ! ) எம் . ஆர் . ராதா, அவர் விழிகளை இழந்தவர் என்கிற

உண்மையைச் சொல்லாமல் , எஸ் . எஸ் . ஆருக்கு பெண் கொடுக்கிறார் !

சரி, அப்போ தேவிகா ' செட் அப் ' யாரூ ? "

என்றா கேட்கிறீர்கள் !

வேறு யார் , நம்ம நடிகர் திலகம்தான் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 2X4hBTDS0CrM3qDTDmAi+2cp9fsp_5

" நெஞ்சத்திலே நீ நேற்று வந்தாய் !

நேற்று முதல் ஓர் நினைவு தந்தாய் ! "

பாடலை தேவிகா பாட , அதற்கு ' விசில்' அடிக்கிறார் நடிகர் திலகம் !

தான் மணக்கப் போகும் பெண் இரு விழிகளை

இழந்தவர் என்கிற உண்மையை அறியாத எஸ் . எஸ் . ஆர், தான் பார்க்காத

எதிர்கால மனைவுக்கு.....' காதல் கோட்டை ' - அஜித் - தேவயானை

' ஸ்டைலில்' கடிதங்களில் கவிதைகளை எழுதி மகிழ்கிறார் !

" செந்தூர் முருகன் கோவிலிலே ஒரு

சேதியை நான் கேட்டேன் ! " பாடலை அங்கே எஸ் எஸ் ஆர் பாடுவார்,

அதற்கு 'எசப் பாட்டு' விஜயகுமாரி இங்கே பாடுவார் !

தன் மனைவிக்கு விழிகள் இரண்டும் இல்லை

என்று எஸ் எஸ் ஆர் க்கு தெரியாமல் எம் ஆர் ராதாவின் சூழ்ச்சியால்

திருமணம் நடந்து விடுகிறது.

விஷயம் பின்பு அதாவது , திருமணம் ஆனபிறகு , அறிந்து கொண்ட

எஸ் எஸ் ஆர் கோபம் கொள்கிறார், தான் ஏமாற்றப்பட்டதை

அறிந்து மனைவியை ஏறிட்டும் பார்க்காமல் அவரது ஒரே பொழுது போக்கான

காட்டில் மிருகங்களை வேட்டையாட வெளியேறுகிறார்.

" செந்தூர் முருகன் கோவிலிலே "

சோகப் பாடலை விஜயகுமாரி பாடுகிறார் !

விஷயம் அறிந்த நடிகர் திலகம் , காட்டுக்குள்

சென்று எஸ் எஸ் ஆரை சந்தித்து அவருக்கு ஆறுதல் சொல்கிறார்.

எப்படி ?

" உனக்கு திருமணம் ஆன பிறகு உன் மனைவிக்கு கண்களை

இழந்திருந்தால் உன்னால் என்ன செய்ய முடியும் ? அப்படி

நினைத்து நீ இந்த பெண்ணுக்கு வாழ்வு கொடு ! "

என்கிறார் சிவாஜி.

ஆனால் இந்த அறிவுரையை எஸ் எஸ் ஆர் கேட்கவில்லை, தொடர்ந்து

காட்டிலேயே தங்கிவிடுகிறார் !

இந்த சமயத்தில் விஜயகுமாரிக்கு கண் ஆபெரேஷ நடக்கிறது !

ஆபெரேஷன் வெற்றி !

விஜயகுமாரிக்கு பார்வை வந்துவிட்டது !

தன் கணவனைப் பார்க்க மிகவும் விரும்புகிறார் , விஜயகுமாரி !

இந்த நேரத்தில்.......

புலி ஒன்று தாக்கி எஸ் எஸ் ஆரை இழுத்துச் சென்றுவிட்டது அந்த

களீபரத்தில் எஸ் எஸ் ஆர் இறந்து விட்டார் என்கிற சேதி ஊரில்

அடிபடுகிறது !

" எஸ் எஸ் ஆர் மரணத்திற்கு சிவாஜிதான் காரணம் ! " என்கிற

செய்தியை ஊரில் பரப்புகிறார் எம் ஆர் ராதா !

மேற்படி செய்தியை பயன்படுத்தி :

' சிவாஜியை, விஜயகுமாரியின் கணவனாக நடிக்க வேண்டும்,

இல்லையென்றால் எஸ் எஸ் ஆர் மரணத்திற்கு சிவாஜிதான் காரணம்

என்று சிவாஜியை பயமுறுத்து கிறார், ராதா !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 S0yyjioHTq2nStaLpSCc+hqdefault(4)

வேறு வழி இன்றி தன் நண்பனின் மனவிக்காக , கணவன் மாதிரி

நடிக்க ஆரம்பிக்கிறார் நடிகர் திலகம் !

சிவாஜியின் மனநிலை எப்படி இருக்கும் ?

இந்த சூழலில் விஜயகுமாரியின் உண்மையான கணவன்

ஆன எஸ் எஸ் ஆர் உயிருடன் ஊருக்கு திரும்புகிறார்!

தன் மனைவிவுடன் தன் உயிர் நண்பன் " குடும்பம் " நடத்துவதை

அறிந்து மனம் வருந்துகிறார் !

இந்த சேதியை சிவாஜி அறிந்து கொண்டு மனம் வருந்துகிறார் !

சிவாஜியின் மனநிலை எப்படி இருக்கும் ?

இந்த ' கண்ணராவி' யை தேவிகாவும் காண்கிறார் !

தேவிகா அறிந்து விட்டதை சிவாஜி அறிந்து மனம்

வருந்துகிறார் !

சிவாஜியின் மன நிலை எப்படி இருக்கும் ?

" யார் அந்த நிலவு "

பாடல் இந்த சூழலில்தான் நடிகர் திலகம்

பாடுகிறார் !

இப்போது, ' யார் இந்த நிலவு '

பாடல் படத்தில் இடம் பெற வேண்டுமான, சும்மா கானா பாலா

மாதிரி ஒருவரை அழைத்து வந்து ' கெக்கே - பிக்கே ' என்று

' துள்ளல் இசை ' என்று படு நாகரீகமாக சொல்லிக்

கொள்ளும் ' டப்பாங்குத்து ' பாடலைப் போட்டால் அது

நன்றாகவா இருக்கும் !

கதையின் இந்த சூழ்நிலைக்கு , நடிகர் திலகம் ஏற்றிருக்கும்

கதாபாத்திரத்தின் மன நிலையை அந்த பாடல்

வெளிப்படுத்தவேண்டும்......

சரி, அந்த கதாபாத்திரத்தின் மனநிலை என்ன ?

சொல்றேன்!

1. தன் நண்பனின் மனைவுக்கு கணவன் ஆக , நிர்பந்த சூநிலையில்

நடிக்க வேண்டும்....

அது :

குற்ற உணர்வு ( GUILTY CONSCIOUS )

2. தான் ஏற்றுக்கொண்டிருக்கும் சூழ்நிலையை தான் காதலிக்கும்

பெண்ணுக்கு தெரியவந்தால் அதனால் ஏற்பட்ட :

அச்சம் - பய உணர்வு .

3. தன் வாழ்க்கை இப்படி ஆகிவிட்டதே என்கிற

சோகம் .

4. அதனால் ஏற்படும்

விரக்தி

5. தன் நண்பனுக்கு விஷயம் தெரிந்தால் தன்னை தவறாக

எண்ணுவானே என்கிற :

ஆதங்கம்

பழைய தமிழ்த் திரைப் பட உலகை திரும்பிப் பார்ப்போமா ! - Page 10 NdMknu7TGeSRG2SOROQ1+kathai

6. ஆக மொத்தத்தில் , ' தன் வாழ்க்கை இப்படி ஆகிவிட்டதே ,

இன்னும் இதைவிட என்ன ஆகணும் ! '

என்கிற :

அலட்சியம் !

இந்த மாதிரியான

உணர்ச்சிக் கலவை யை அந்த பாடலில்

வெளிப்படுத்த வேண்டும் !

இயக்குனர் ஏ பீம்சிங் க்கு அந்த பாடலை

தான் நினைத்தபடி வெளிக்கொண்டு வர நினைத்தார்.

அதில் வெற்றி கண்டாரா ?

வெற்றி கண்டார், பாடலும் வெற்றி !

ஆனால் , தான் நினைத்தவாறு ஒரு பாடலைத்

தர அவர் மட்டும் எண்ணிவிட்டால் அது நடக்காது.....

பாடலை உருவாக்கும் :

" தாய்மார்கள் " ( ! )

அத்தான்,

1. பாடலாசிரியர்

2. இசையமைப் பாளர்

3. பாடகர்

4. மற்றும்

பாடல் காட்சியில் நடிப்பவர் !

மேற்கண்டவர்கள் :

அதாவது :

1. பாடலாசிரியர் : கண்ணதாசன்,

2. இசையமைப்பாளர்கள் : மெல்லிசை மன்னர்கள்

3. பாடகர் : டி எம் எஸ்

4. நடிகர் : நடிகர் திலகம் .....

இவர்களின் ' ஒருவருக்கொருவர் விட்டுக்கொடுக்காத.....

ஆனால்.....ஆரோக்கியமான பொறாமை இல்லாத

போட்டியால் பாடல் வெற்றி பெற்றது !

எப்படி ?

சொல்றேன்

" யார் அந்த நிலவு "

பாடலை எழுதிய : கவிஞர்

கண்னதாசன் :

பழைய தமிழ்த் திரைப் பட உலகை திரும்பிப் பார்ப்போமா ! - Page 10 DccsD0oSHa67hsuAu9bW+f1fv

" படகோட்டி " பாடல்களுக்குப் பிறகு எம்ஜிஆர் இன்

அனைத்துப் படங்களுக்கும் பாடல்களை எழுதியர் :கவிஞர் வாலி !

( தேவர் மற்றும் ஜி என் வேலுமணி படங்களுக்கு மட்டும் இதற்கு

விதிவிலக்கு ! கண்ணதாசன் தான் பாட்டு எழுதுவார் ! )

எனவே, கண்னதாசன் நிறைய சிவாஜி படங்களுக்கும் மற்ற

நடிகர்கள் படங்களுக்கும் பாடல்களை எழுதி குவித்தார் !

அதிலும் சிவாஜி படங்களுக்கு - அதிலும் - " ப' பட இயக்குனர்

பீம்சிங் இயக்கும் படங்களுக்கு அதிக கவனம் செலுத்தி பாடல்

களை எழுதி குவித்தார் !

" சாந்தி " படத்தில் " யார் அந்த நிலவு " பாடலுக்கான

சூழ்நிலையை இயக்குமர் பீம்சிங் இடம் இருந்து கேட்டு அறிந்து

பின்னர் அழகு தமிழில் சொற்களை அமைத்து பாடலை

எழுதினார் !

ஒண்ணும் வாணாம் ! ( சென்னை தமிழ் ! )

படத்தைப் பார்க்கவேண்டாம் !

பாடகரின் குரல் வளத்தில் கவனம் செலுத்த வேண்டாம் !

இசையமைப்பில் கவனம் செலுத்த வேண்டாம் !

வெறும் பாடல் வரிகளை மட்டும் கேட்டாலே போதும் ,

'சாந்தி ' படத்தின் கதையமைப்பை நீங்கள் புரிந்து

கொள்ளமுடியும் !

எடுத்துக்காட்டுக்கள் :

" மாலையும் மஞ்சளும் மாறியதே ஒரு சோதனை "

இந்த வரிகளைப் படித்தாலே 'சாந்தி ' படத்தின்

கதை போக்கை ஓரளவு நாம் புரிந்து கொள்ளமுடியும் !

" காலம் செய்த கோலாம் இங்கு நான் வந்த வரவு ! "

மேற்கண்ட வரிகளைப் படித்தாலே படத்தில்

நடிகர் திலகத்தின் சூழ்நிலை புரிய வரும் !

" உன் கோவிலின் தீபம் மாறியதை நீ அறிவாயோ ! "

" தீபம் மாறியது " என்பது எதனைக் குறிக்கின்றது என்பது உங்களுக்கு

புரியும் !

இப்படி வெறும் வார்த்தைகளால்நாகரீகமாக எளிதாக சொல்ல முடியாத

" கணவன் - மனைவி " சமாச்சாரத்தை பாடல் வரிகளைக்

கொண்டே மிக அழகாக விளக்கிய பெருமை கவியரசர்

கண்ணதாசனையே சாரும் !

' யார் இந்த நிலவு '

பாடலுக்கு இசை : மெல்லிசை மன்னர்கள் :

பழைய தமிழ்த் திரைப் பட உலகை திரும்பிப் பார்ப்போமா ! - Page 10 Xr9mO31XRLSK3oHR5rOi+DSC06712

மெல்லிசை மன்னர்களின் பாடல்களுக்கும் மற்ற இசையமைப்

பாளர்களின் பாடல்களுக்கும் இருக்கும் :

ஒரே ஒரு வித்தியாசம்

என்ன தெரியுமா ?

சொல்றேன் !

" மெல்லிசை மன்னர்களின் ஒவ்வொரு பாடலும் அவர்கள் இசையமைத்த

வேறு எந்த பாடல்களுடன் ஒப்பிடாமல்

தனித்து

விளங்குவது தான் அந்த வித்தியாசம் !

( இந்த 'மேட்டரை' பின்னர் வேறு சமயத்தில் விரிவாக

சொல்கிறேன் ! )

" யார் இந்த நிலவு " பாடலும் இப்படித்தான், அவர்களின் ஏனைய

பாடல்களையும் தனித்தும் இணை இல்லாததாகவும்

சிறந்து விளங்குகிறது !

முதலில் இந்த பாடல் இடம் பெறும் ' சிடுவேஷன்' ஐ கூர்ந்து கவனித்த

இசையமைப்பாளர்கள் , இந்த பாடலுக்கு இசையமைக்க

மேலை நாட்டு இசை பாணியை பின்பற்றி இசையமைத்தால்

நல்லது என்று முடிவு எடுத்தார்கள் !

சரியாரைப் பாட வைப்பது ?

இதில் என்ன குழப்பம் , ஸ்வாமி !

அந்த கால கட்டத்தில் நடிகர் திலகத்திற்கு பின்ணனி கொடுப்பவர் :

டி எம் எஸ் தானே !

அதில்தானே குழப்பம் , ஸ்வாமி !

' என்னய்யா அந்த குழப்பம் ' ?

என்கிறீர்களா ?

" டி எம் எஸ் அவர்களுக்கு மேற்கத்திய பாணியில் பாட இயலுமா ? "

என்பதுதான் மெல்லிசை மன்னர்களுக்கு

குழப்பம் !

எனினும் வேறு பாடகரை வைத்து , தாங்கள் நினைப்பது போல்

மேற்கத்திய பாணியில் இந்த பாடலை தங்களால் பாட

வைத்து பாடலை வெற்றி பெற முடியும் !

ஆனால்.......நடிகர் திலகம் அதற்கு உடன்படாவிட்டால் ?

" விச்சு ! திரைப்படங்களில் என் பாடலுக்கு டி எம் எஸ் பாடினால்தான்

அது நான் பாடுவதாக நம் ரசிகர்கள் எண்னுவார்கள் !

அப்படி டி எம் எஸ் பாடாமல் வேறு ஒருவரை வைத்து பாடினால்,

படத்தைப் பார்க்கும் போது அந்த பாடலை நான் பாடுவதாகவே

ரசிகர்கள் நினைக்கமாட்டார்கள் , மாறாக அந்த பாடகர் பாடுவதாகவே

ரசிகர்கள் நினைப்பார்கள் ! "

சொன்னவர் நடிகர் திலகம் !

" ஒரு நாளிலே உறவானதே ! "

டி எம் எஸ் - சுசீலா பாடிய ' சிவந்த மண் ' படப் பாடலை மெல்லிசை

மன்னர் முதலில் சுசீலாவுடன் பாடவைத்த பாடகர் :

பால முரளி கிருஷ்ணா !

மேற்கண்ட பாடகர் பாடிய பாடலைக் கேட்டுத்தான் நடிகர் திலகம்

மேற்கண்ட வசனங்களை மெல்லிசை மன்னரிடம் நடிகர் திலகம்

சொன்னாராம் !

மெல்லிசை மன்னர் ரொம்ப ரொம்ப கடுப்பாகித்தான் பால முரளி

கிருஷ்ணாவை நீக்கி விட்டு டி எம் எஸ் வைத்து பாடவைத்தாராம் !

" சர்த்தான் ஸ்வாமி ! அந்த பாடல் ' சிவந்த மண் ' படம் - 1970

வெளிய்யீடு ! ' சாந்தி ' படம் - 1965 படம் தானே ! "

என்கிறீர்களா ?

சொல்றேன் !

" சபாஷ் மீனா " படம் . சந்திரபாபு அந்த படத்தில் இரட்டை வேடங்களில்

பின்னிப் ' பெடல் ' எடுத்துக்கொண்டிருந்தார்..... சிவாஜி கணேசனுக்கு

அந்த படத்தில் சொல்லிக்கொள்ளும்படி எந்த பெயரையும் கொடுக்கும்

சந்தர்ப்பம் இல்லை !

இதனை இந்த படத்தின் இசையமைப்பாளரிடம் ( டி . சலபதி ராவ் )

சொல்லிப் புலம்பினார்,

நடிகர் திலகம் !

" இந்த படத்தில் உங்களுக்கு பேர் வாங்கித் தரும் அளவுக்கு ஓர்

அழகான ' டூயட் ' பாடலைத் தரப் போகிறேன், ஆனால் பாடலைப்

பாடப் போகிறவர் டி எம் எஸ் இல்லை, வேறு பாடகரை தேர்வு செய்ய

நீங்கள் எனக்கு சுதந்திரம் தரவேண்டும், சம்மதமா ? "

சிவாஜியிடம் கேட்டவர் டி . சலபதி ராவ் !

" சரி ! "

வேண்டா வெறுப்பாக தலையை ஆட்டினார் நடிகர் திலகம் !

அந்த பாடல்தான் :

" காணா இன்பம் கனிந்தது ஏனோ ! "

பழைய தமிழ்த் திரைப் பட உலகை திரும்பிப் பார்ப்போமா ! - Page 10 XbUB0QYSB66uCIP1bNgd+hqdefault(1)

சுசீலாவுடன் சிவாஜிக்கு குரல் கொடுத்த பாடகர் :

டி . ஏ. மோதி !

பாடல் சூபர் ஹிட் !

இன்னொன்று :

" குங்குமம் " படத்தில் " சின்னஞ்சிறிய வண்னப் பறவை எண்ணத்தை

சொல்லுதம்மா ! "

பாடல் ! இந்த பாடலை எஸ். ஜானகியுடன் பாடியவர் :

சீர்காழி கோவிந்தர ராஜன் !

ஆனால் நடிகர் திலகம் அதற்கு ஒத்துக்கொள்ளவில்லை !

டி எம் எஸ் ஐ பாடச் சொல்லி இசையமைப்பாளர் கே . வி .

மகாதேவனிடம் சொல்லிவிட்டார் !

வேறு வழி !

சீர்காழி யை விலக்கி விட்டு டி எம் எஸ் ஐ பாட வைத்தார்கள் !

சீர்காழிக்கு , சிவாஜி மேல் செம கடுப்பு !

" ஐயா ! நீங்கள் எல்லோருக்கும் உணவு பறிமாருங்கள் !

ஆனால் எச்சில் உணவைப் பறிமாற வேண்டாம் ! "

நடிகர் திலகத்திடம் , சீர்காழியார் சொன்ன வார்த்தை !

நடிகர் திலகம் அவரை சமாதானப் படுத்த பெரும்

சிரமப் பட்டாராம் !

' கதை ' இப்படி இருக்க , மெல்லிசை மன்னர்கள் எப்படி

டி எம் எஸ் ஐ மாற்ற துணிவார்கள் !

அழகான, இனிய பியோனா இசையுடன் .....வேகமாகவும்

இல்லாமலும், அதே சமயத்தில் மிகவும் மந்தமான கதியில்

இல்லாமலும்......துன்பமான பாடலும் இல்லாமலும் அதே சமயத்தில்

சோகம் மற்றும் தத்துவப் பாடலும் ஆக இல்லாமலும்,

பாடகர் சிரிக்காமலும் , அழாமலும் .....அதே சமயத்தில் ரசிகர்கள்

' டம் ' அடிக்க தியேடரை விட்டு வெளியே போகாமலும்....

மிகுந்த ' மெலடி' வுடன் பாடலை மிகவும் நேர்த்திவுடன்

இசையமைத்தார்கள் !

இந்த பாடல் இன்றும் வாழ்கிறது !

$$$$$$$$$$$$$$$$$$$$$$$$$$$$$$$$$$$$$$$$$

' யார் இந்த நிலவு ! '

பாடலைப் பாடிய

டி எம் எஸ் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 WwYNco4tQuqR8fCGiFqW+image

சொன்னால் நம்புவீர்களோ இல்லையோ

எனக்குத் தெரியாது.....

டி எம் எஸ் முதலில் திரைப்படப் பாடல்களை பாட வரும் போது

அவர் ' காமடி ' - நகைச் சுவை பாடல்களை மட்டும் பாடுவதறு

அழைத்தார்களாம் !

பின்னர் " தூக்கு தூக்கி " படம் மூலமாக கிராமியப் பாடல்களைப்

பாடுவதில் வல்லவர் என்று அறியப்பட்டார் !

அப்புறம் ?

" அம்பிகாதி " படம் மூலம் டி எம் எஸ் மிகச் சிறந்த கர்நாடக இசைப்

பாடகர் என்கிற பெயரை தக்க வைத்துக் கொண்டார் !

இந்த நிலையில் " பாவ மன்னிப்பு " படத்தில் " வந்த நாள் முதல் "

பாடலைப் பாட யாரைப் போட்டு பாடவைக்கலாம் என்று மெல்லிசை

மன்னர்கள் மண்டையை போட்டு குடைந்து கொண்டார்கள் !

முதலில் ஜி. கே. வெங்கடேஷ் ஐ வைத்துப் பாட வைத்தார்கள் !

" சரி , இந்த ஆள் நம்ம சிஷ்யன் , படத்தில் சோகப் பாடலுக்கு

இவர் பாடியதை வைத்துக் கொள்ளலாம், ஆனால்

குழந்தையை சைக்கிளில் வைத்து சிவாஜி பாடும் பாட்டை

யாரை வைத்துப் பாட வைப்பது ? "

மீண்டும் மண்டை + குடைச்சல் + கொண்டார்கள் !

பின்னர் வந்தார் டி . ஏ . மோதி !

பாடினால்....' வந்த நாள் முதல் '....

" ச்....ச் ... செ....ச் " - அத்தான் " உச் " கொட்டினார்கள் அனைவரும் !

" அண்ணே ! நீங்க யார் யாரையோ வைத்து பாட வைக்கிறீர்கள் !

எனக்கு இந்த பாடலைப் பாடுவதற்கு 'சான்ஸ்' கொடுங்கள் !

ஊதித் தள்லிவிடுகிறேன் ! "

சொன்னவர் டி எம் எஸ் - மெல்லிசை மன்னரிடம் !

" ஐயா ! இந்த " வந்த நாள் முதல் " பாட்டு மேற்கத்திய பாணி !

இது உங்களுக்கு பாட வருமா என்று எங்களுக்கு தயக்கம்.....

அத்தான்.... ! "

சற்று தடுமாற்றத்துடன் டி எம் எஸ் விடம் சொன்னார் மெல்லிசை

மன்னர் !

" ' சான்ஸ்' ஐ எனக்கு கொடுத்துப் பாருங்கள் , அண்ணே ! "

---- டி எம் எஸ் !

டி எம் எஸ் பாடினார் !

" வந்த நாள் முதல் ",........... !

பாடல் சூபர் ஹிட் !

பழைய தமிழ்த் திரைப் பட உலகை திரும்பிப் பார்ப்போமா ! - Page 10 ErwkYWzER261Vk32vmR0+download

டி எம் எஸ் ஆவர்களின் புகழ் இப்படி பரவி இருக்க ...

" யார் இந்த நிலவு " பாடலை டி எம் எஸ் தவிர வேறு எவர்

நன்றாக பாடியிருக்க முடியும்...

சொல்லுங்கய்யா !

தொடரும் ....

எம்கே ஆர் சாந்தாராம்

**மாணிக்கம் நடேசன்** · 14/12/2009

டாக்டர் ஐயா, உங்களது இந்த தொகுப்பு நன்றாகவே சூசூசூசூடு பிடிகிறது, படித்து முடித்து, பதிவும் செய்துக் கொண்டேன். மிக்க நன்றி டாக்டர் ஐயா. அருமையான இத்தொடரை தொடருங்கள்.

Sponsored content · Sponsored content

பழைய தமிழ்த் திரைப் பட உலகை திரும்பிப் பார்ப்போமா !