இந்தியா பொக்ரானில் அணு சோதனை நடத்திய நாள்: மே 11- 1998

**சிவா** · **சிவா** Sun May 11, 2014 1:00 am

பொக்ரான் என்ற நகரம் ராஜஸ்தான் மாநிலத்தில் ஜெய்சால்மெர் மாவட்டத்தில் ஜெய்சால்மெரில் இருந்து ஜோத்பூர் செல்லும் சாலையில் சுமார் 110 கிலோ மீட்டர் தொலைவில் நிலை கொண்டுள்ளது.

இவ்விடம் மலைப்பாறைகளாலும், மணலாலும் சூழ்ந்துள்ளது, மேலும் சுற்று வட்டாரத்தில் ஐந்து உப்புக்கற்கள் கொண்ட வீச்சுகள் உள்ளன.

பொக்ரான் தற்பொழுது இந்திய அரசின் அணுக்கரு வெடிப்புப் பரிசோதனைத் தளமாக இயங்கி வருகிறது. 18-5-1974 அன்று இங்கு முதல் அணுககரு வெடிப்புப் பரிசோதனை (சிரிக்கும் புத்தர்) நடந்தேறியது. பிறகு 1998-ம் ஆண்டு மே மாதம் 11, 13 தேதிகளில் மேலும் ஐந்து பரிசோதனைகளை நிகழ்த்தியது. இது வரை ஆக்கபூர்வமான செயல்பாடுகளுக்கே பரிசோதனைகளை நடத்தியதாக அரசு கூறுகிறது.

இதே தேதியில் நிகழ்ந்த முக்கிய நிகழ்வுகள்:-

1812 - லண்டனில் நாடாளுமன்றத்தில் வைத்து பிரதமர் ஸ்பென்சர் பேர்சிவல் ஜோன் பெல்லிங்ஹம் என்பவனால் கொல்லப்பட்டார்.

* 1857 - இந்தியக் கிளர்ச்சி, 1857: இந்தியப் புரட்சியாளர்கள் டெல்லியை பிரித்தானியர்களிடம் இருந்து கைப்பற்றினர்.

* 1867 - லக்சம்பேர்க் விடுதலை அடைந்தது.

* 1891 - ஜப்பானில் பயணம் மேற்கொண்டிருந்த ரஷ்ய மன்னர் இரண்டாம் நிக்கலாஸ் கொலை முயற்சி ஒன்றில் இருந்து தப்பினார்.

* 1905 - அல்பேர்ட் ஐன்ஸ்டீன் பிரௌனியன் இயக்கம் பற்றிய தனது விளக்கத்தை வெளியிட்டார்.

* 1924 - மெர்சிடிஸ்-பென்ஸ் நிறுவனம் காட்லீப் டைம்லர், கார்ல் பென்ஸ் ஆகியோரினால் ஆரம்பிக்கப்பட்டது.

* 1943 - இரண்டாம் உலகப் போர்: அமெரிக்கப் படைகள் அலூசியன் தீவுகளின் அட்டு தீவைக் கைப்பற்றினர்.

* 1949 - சியாம் நாடு தாய்லாந்து எனப்பெயர் மாற்றம் பெற்றது.

* 1949 - ஐக்கிய நாடுகள் அவையில் இஸ்ரேல் இணைந்தது

* 1953 - டெக்சாசில் இடம்பெற்ற சூறாவளியில் 114 பேர் உயிரிழந்தனர்.

* 1960 - முதலாவது கருத்தடை மாத்திரை அறிமுகமானது.

* 1985 - இங்கிலாந்தில் கால்பந்து போட்டியொன்றில் அரங்கில் இடம்பெற்ற தீயினால் 56 பார்வையாளர்கள் கொல்லப்பட்டனர்.

* 1987 - முதலாவது இதய மாற்றுச் சத்திர சிகிச்சை மேரிலாந்தில் நடத்தப்பட்டது.

*1997 - ஐபிஎம் இன் ஆழ் நீலக் கணினி முதன் முதலாக காரி காஸ்பரவை சதுரங்க ஆட்டத்தில் தோற்கடித்தது.

**T.N.Balasubramanian** · **T.N.Balasubramanian** Sun May 11, 2014 2:11 am

பொக்ரான் அணுக்கரு வெடிப்பு ( implosion ) இந்திய அணு ஆராய்ச்சியில் மிகவும் முக்கியமானது . அமெரிக்க சடிலைட் மேலே சுற்றிக்கொண்டு இருந்தாலும் ,அவர்களால் கண்டு பிடிக்க முடியாத அளவில் திட்டமிட்டு ,மிகவும் ஜாக்கிரதையாக நிறைவேற்றப்பட்ட முயற்சி .அமெரிக்காவே ஆச்சர்யப்பட்டது .
நமது முந்தைய ஜனாதிபதி திரு அப்துல் கலாமின் பங்களிப்பு முக்கியமானது .
எனது நெருங்கிய உறவினரின் நண்பர் இதில் சம்பந்த பட்டு உள்ளார் . உறவினருக்கே அவரது நண்பர் முக்கிய பங்கு வகித்தவர் என தெரியாது .ஆம் ரகசியம் என்றால் அதுதான் ரகசியம் .
நான் அறிந்த மற்றொரு தகவல் திரு அப்துல் கலாம் அவர்கள் சாதாரண மனிதர் போல் , அனேக இடங்களுக்கு கால்நடையாக போய் தன் கடமையை ஆற்றி இருக்கார் .

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**சிவா** · **சிவா** Sun May 11, 2014 2:14 am

T.N.Balasubramanian wrote:[link="/t110154-11-1998#1062903"]பொக்ரான் அணுக்கரு வெடிப்பு ( implosion ) இந்திய அணு ஆராய்ச்சியில் மிகவும் முக்கியமானது . அமெரிக்க சடிலைட் மேலே சுற்றிக்கொண்டு இருந்தாலும் ,அவர்களால் கண்டு பிடிக்க முடியாத அளவில் திட்டமிட்டு ,மிகவும் ஜாக்கிரதையாக நிறைவேற்றப்பட்ட முயற்சி .அமெரிக்காவே ஆச்சர்யப்பட்டது .
நமது முந்தைய ஜனாதிபதி திரு அப்துல் கலாமின் பங்களிப்பு முக்கியமானது .
எனது நெருங்கிய உறவினரின் நண்பர் இதில் சம்பந்த பட்டு உள்ளார் . உறவினருக்கே அவரது நண்பர் முக்கிய பங்கு வகித்தவர் என தெரியாது .ஆம் ரகசியம் என்றால் அதுதான் ரகசியம் .
நான் அறிந்த மற்றொரு தகவல் திரு அப்துல் கலாம் அவர்கள் சாதாரண மனிதர் போல் , அனேக இடங்களுக்கு கால்நடையாக போய் தன் கடமையை ஆற்றி இருக்கார் .

ரமணியன்

ஆம், அப்துல்கலாம் இந்தியாவின் மாமனிதர்களில் ஒருவர்.