முல்லைப் பெரியாறு அணை நீர்மட்டத்தை 142 அடியாக உயர்த்தலாம்: கேரள அரசு சட்டத்திற்கு தடை விதித்து உச்ச நீதிமன்றம் உத்தரவு

பாலாஜி · பாலாஜி Wed May 07, 2014 12:34 pm

First topic message reminder :

முல்லைப் பெரியாறு அணை நீர்மட்டத்தை 142 அடியாக உயர்த்தலாம் என உச்ச நீதிமன்றம் தீர்ப்பளித்துள்ளது.

முல்லைப் பெரியாறு அணை விவகாரத்தில் கேரள அரசு உருவாக்கிய அணை பாதுகாப்புச் சட்டத்தை ரத்து செய்த உச்ச நீதிமன்றம் அணை பாதுகாப்பை ஆராய மூன்று பேர் குழுவை அமைத்தும் உத்தரவிட்டுள்ளது.

முல்லைப் பெரியாறு அணையின் நீர்மட்டத்தை உயர்த்தக் கூடாது என்று கேரள அரசு பிறப்பித்த அணை பாதுகப்புச் சட்டத்தை எதிர்த்து தொடரப்பட்ட வழக்கு இன்று விசாரணைக்கு வந்தது.

வழக்கை விசாரித்த தலைமை நீதிபதி உள்பட 5 நீதிபதிகள் கொண்ட அமர்வு இன்று இந்த உத்தரவை பிறப்பித்துள்ளது.

தீர்ப்பு விவரம்:

தீர்ப்பில், முல்லைப் பெரியாறு அணை பாதுகாப்பாக இருப்பதால், அதன் நீர்மட்டத்தை 142 அடியாக உயர்த்தலாம் என தெரிவிக்கப்பட்டுள்ளது.

கேரள அரசின் சட்டம் அரசியல் சாசனத்துக்கு எதிரானது. நீதிமன்ற தீர்ப்புகளை சட்டம் மூலம் தடுக்க முடியாது என்றும் நீதிபதிகள் தெரிவித்தனர்.

மேலும் அணையின் பாதுகாப்பை உறுதி செய்ய 3 பேர் கொண்ட குழு அமைக்கப்படும் என்றும் தெரிவித்தனர்.

தி இந்து

கிருஷ்ணா · கிருஷ்ணா Wed May 07, 2014 9:19 pm

அணையின் பாதுகாப்பை உறுதி செய்யும் மூன்றுபேர் கொண்ட குழுவின் அறிக்கைக்கு காத்திருப்பார்களோ? அதிர்ச்சி

**ரா.ரா3275** · **ரா.ரா3275** Wed May 07, 2014 10:16 pm

அவ்விட தேசத்து மக்கள் முழு அடைப்பை ஆரம்பித்துவிட்டார்கள்.

**T.N.Balasubramanian** · **T.N.Balasubramanian** Thu May 08, 2014 4:01 am

அரசியலில் ஆதாயம் தேடும் அறிவிலிகள் .
வட்டல் நாகராஜ் என்று கர்நாடகத்தில் ஒருவர் . தமிழ்நாட்டுக்கு காவிரி தண்ணீர் என்றால் பேயாட ஆரம்பித்து விடுவார் .
நதிகளை தேசியமயமாக்கி அதற்கு வாரியம் ஒன்று அமைத்து செயல் பட்டால் தான் நாடு முன்னேறும் .

ரமணியன்

**T.N.Balasubramanian** · **T.N.Balasubramanian** Thu May 08, 2014 4:06 am

ரா.ரா3275 wrote:[link="/t110063-142#1061958"]இந்த தீர்ப்பின் வரவை நாம் பெற்ற இந்நேரத்தில் அணை காக்கப் போராடிய ஆதாயம் தேடாத போராட்டக்காரர் திரு.வைகோ-வை அரசியல் பார்வைகள் கடந்து நினைந்து பார்க்க வேண்டும்.

பாராட்ட பட வேண்டிய மனிதர் அவர் .
அரசியல் காழ்ப்புணர்ச்சிகளை மறந்து பாராட்டுதலே அரசியல் நாகரீகம் .
( அரசியல் நாகரீகம் = தமிழ்நாட்டு அரசியல்வாதிகளிடம் இல்லாத அவல குணம் .)
ரமணியன்

**சிவா** · **சிவா** Thu May 08, 2014 9:35 am

உச்சநீதி மன்ற தீர்ப்பு எதிரொலி: கேரளாவில் இன்று முழு அடைப்பு

முல்லை பெரியார் அணையின் நீர்மட்டத்தை 142 அடியாக உயர்த்திக்கொள்ளலாம் என்ற உச்சநீதிமன்றம் நேற்று தீர்ப்பு வழங்கியது. வரலாற்று முக்கியத்துவம் வாய்ந்த இத்தீர்ப்பால் கேரய அரசும் கேரள மக்களும் அதிர்ச்சியடைந்துள்ளனர். எனவே தங்களது எதிர்ப்பை காட்டும் வகையில் முல்லை பெரியாறு அணையில் புதிய அணை கட்ட வலியுறுத்தி இன்று முழு அடைப்பு போராட்டத்தை நடத்த முடிவு செய்துள்ளனர்.

ஆனால் இதற்கு கேரளாவில் ஆளும் காங்கிரஸ் கட்சியோ மற்ற எந்த ஒரு கட்சிகளுமோ ஆதரவு அளிக்கவில்லை என்பது குறிப்பிடத்தக்கது. உச்சநீதி மன்ற தீர்ப்பிற்கு எதிரான இந்த போராட்டத்தில் மக்களுக்கு எந்த ஒரு இடையூறும் ஏற்படாது என்று போராட்டக்குழு உறுதி அளித்துள்ளது.

**சிவா** · **சிவா** Thu May 08, 2014 10:28 am

முல்லை பெரியாறில் நீர்மட்டம் உயர்வு: தமிழகத்திற்கான தண்ணீர் திறப்பு அதிகரிப்பு!

சென்னை: முல்லைப் பெரியாறு அணையின் நீர்மட்டம் கனமழை காரணமாக ஒரே நாளில் 3 அடி உயர்ந்துள்ளது. இதனால், தமிழகத்திற்கு திறக்கப்படும் தண்ணீரின் அளவு அதிகரிக்கப்பட்டுள்ளது.

கனமழை காரணமாக முல்லைப் பெரியாறு அணை நீர்மட்டம் ஒரே நாளில் 3 அடி உயர்ந்துள்ளது. நேற்று 111.01 அடியாக இருந்த நீர்மட்டம் தற்போது 114.04 அடியாக உயர்ந்துள்ளது.

மேலும், அணைக்கு வரும் நீர்வரத்து 1,535 கன அடியில் இருந்து 6,649 கன அடியாக உயர்ந்துள்ளது. இதனால், தமிழகத்திற்கு திறக்கப்படும் நீரின் அளவு 250 கன அடியில் இருந்து 500 கன அடியாக அதிகரிக்கப்பட்டுள்ளது.

நேற்று, முல்லைப் பெரியாறு அணை பகுதியில் 28 மி.மீட்டரும், தேக்கடியில் 51.4 மி.மீட்டரும். மழை பதிவாகியுள்ளது.

முல்லைப் பெரியாறு அணையின் நீர்மட்டத்தை 136 அடியில் இருந்து 142 அடியாக உயர்த்தலாம் என்று நேற்று உச்ச நீதிமன்றம் தீர்ப்பளித்திருந்தது தமிழக மக்களிடையே மகிழ்ச்சியை ஏற்படுத்தியது.

இந்நிலையில், கனமழை காரணமாக நேற்று ஒரேநாளில் மட்டும் முல்லைப் பெரியாறு அணையின் நீர்மட்டம் 3 அடி உயர்ந்திருப்பது தமிழக விவசாயிகளை மேலும் மகிழ்ச்சியில் ஆழ்த்தியுள்ளது.

**முனைவர் ம.ரமேஷ்** · 21/08/2011

விவசாயிகளின் வாழ்வில் இனியாவது மகிழ்ச்சி பொங்கட்டும்...

விவசாயப் பொருளின் விலையை அவர்களே நிர்ணயித்தால் இன்னும் நன்றாக இருக்கும்... இதுக்கு யாராவது கோர்ட்டுக்குப் போன பரவாயில்லை

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக