சுயநலமே அவர் சொத்து !!

jawhar · jawhar Thu May 01, 2014 11:53 pm

தன் குற்றம் மறைக்க
பலர் அதைச் சுமக்க
பாவம் பல செய்து
பலி அவர் மேல் சாட்டி
கழுவிய மீனில்
நழுவிய மீனாய்
தப்பித்திடும் ஓநாய்
கூட்டத்தின் வாரிசவர்!

உயர் நிலை கணித்து
தன்னிலை மறந்து
தராதரம் பார்த்து
கூட்டணி அமைத்து
தரமில்லாசெயலதை செய்து
தலைவர் நான் என்று
வாய்ச் சொல்லின் வாரிசவர்!.

உறவுகள் பெரிதில்லை
பண உறவுகள் பெரிதென்று
உறவை ஊரார் என்றுரைத்து
உறவை மாசாக்கி
நற் பண்பை இழிவாக்கி
இயந்திர மனிதனைப் போல்
உணர்வற்று
நற் பண்பற்று
வாழும் இதயமில்லா மனிதரவர்!

பெருமைக்காய் வள்ளலவர்
நிஜத்தினிலே உலோபியவர்
மனிதம் இல்லா மிருகமவர்
ஆறறிவே இல்லாதவர்
இல்லாதவர் அறியாதவர்
இரும்பாய் மனமாகி
கல்லாய் குணம் படைத்தவரவர்!

சுயநலமே அவர் சொத்தாய்
தன்னலமே அவர் கொண்டு
செயல் கொண்டு செயலாற்றி
தற்காலிக வெற்றி கொண்டு
செய்திடுவார் சிறுமை பல!

ஜவ்ஹர்