மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

**M.M.SENTHIL** · **M.M.SENTHIL** Thu May 01, 2014 1:55 pm

First topic message reminder :

மேஷம்
மேஷம்:உழைப்பால் உயர விரும்புபவர்களே! சிறிது முன்கோபம் இருக்கிறது, அதை மட்டும் விட்டொழித்தால் மிகவும் நல்ல பெயர் எடுப்பீர்கள். தற்போதைய கிரகங்கள் மிகவும் சிறப்பாக அமைந்திருக்கின்றன. பொருளாதார வளமும், பெண்களால் அனுகூலமும் கிடைக்கும். இருந்தாலும் அவ்வப்போது பொருள் இழப்பும், சிறுசிறு உடல் உபாதைகளும் ஏற்படலாம். பிள்ளைகளால் ஏற்பட்டிருந்த பிரச்னை நீங்கும்; தீயோர் சகவாசம் முற்றிலும் ஒழியும். குடும்பத்தில் சிற்சில பிரச்னைகள் வந்தாலும் மகிழ்ச்சியான சூழ்நிலையே நிலவும். முயற்சிகளால் அனுகூலம் உண்டு.

மாத பிற்பகுதியில் பொருள் விரயமும் வேலையில் சுணக்கமும் ஏற்படலாம். ஆனாலும், எந்தப் பிரச்னையையும் முறியடிக்கும் வல்லமையைப் பெறுவீர்கள். குடும்பத்தில் வசதிகள் தொடரும். ஆடம்பர பொருட்கள் சேரும். திருமணம் போன்ற சுபநிகழ்ச்சிகள் இனிதே நிறைவேறும். சற்று சிரத்தை எடுத்தால் நிறைய சாதனைகள் செய்யலாம். கணவன்-மனைவி இடையே அன்பு நீடிக்கும். ஆனால், ஒருவருக்கொருவர் விட்டுக் கொடுத்துப் போகவும். பிள்ளைகளால் பெருமை கிடைக்கும். உத்யோகஸ்தர்கள், கடந்த காலம்போல் அனுகூலமான பலனை எதிர்பார்க்க முடியாது. வேலைப்பளு அதிகரிக்கும்.

பரிகாரம்: ராகு-கேதுவுக்கு அர்ச்சனை செய்யுங்கள். துர்க்கை வழிபாடு நடத்துங்கள்.

சொல்ல வேண்டிய மந்திரம்: ‘ஓம் சரவணபவ’ என்ற மந்திரத்தைச் சொல்ல சொல்ல வடிவேலனின் அருளால் அனைத்து நன்மைகளும் நடக்கும்.

சந்திராஷ்டம நாட்கள்: 15, 16 ஆகிய தேதிகளில் புதிய முயற்சிகளைத் தவிர்ப்பது நல்லது..

**M.M.SENTHIL** · **M.M.SENTHIL** Thu May 01, 2014 2:02 pm

கும்பம்

எதிலும் முழுமையான ஈடுபாடு காட்டி உழைப்பவர்களே! மதிப்பு மரியாதை கூடி செல்வாக்கு அதிகரிக்கும். முயற்சிகளில் சிறுசிறு தடைகள் வரலாம். உங்களைப் பற்றி உங்கள் குடும்பத்தார் புரிந்து கொண்டு அனுசரணையாக நடந்து கொள்வர். தடைகளை முறியடித்து காரியத்தில் வெற்றி காணலாம். குடும்பத்தில் மகிழ்ச்சியும் ஆனந்தமும் பெருகும். ஏதேனும் ஒரு காரணத்தால் குடும்பத்தைவிட்டு பிரிந்து சென்றவர்கள் மீண்டும் ஒன்று சேருவார்கள். கணவன்-மனைவி இடையே அன்பும் பாசமும் பெருகும். திருமணம் போன்ற சுபநிகழ்ச்சிகள் இனிதே நடக்கும். நல்ல வரனாகவும் கிடைக்கும்.

குழந்தை பாக்யம் கிட்டும். உறவினர்கள், நண்பர்கள் மூலம் அனுகூலம் கிடைக்கும். பொதுவாக உங்கள் உடல்நலன் சிறப்பாக இருக்கும். எப்போதாவது சளி மற்றும் மார்புத் தொல்லை வரலாம், கவனம் தேவை. உத்யோகம் பார்ப்பவர்களுக்கு முன்னேற்றம் ஏற்படும். கோரிக்கைகள், ஒப்பந்தங்கள் நிறைவேறும். உடன் பணி செய்வோர், மேலதிகாரிகள் ஆகியோரிடம் நல்ல பெயர் எடுப்பீர்கள். சம்பள உயர்வு கிடைக்கும். சிலருக்கு பதவி உயர்வும் உண்டு. சக ஊழியர்கள் உதவிகரமாக இருப்பார்கள். வேலை இல்லாமல் தவித்தவர்களுக்கு தகுந்த சம்பளத்துடன் சிறந்த வேலை கிடைக்கும். தொழில் செய்வோருக்கு கடந்த காலத்தை விட வளர்ச்சி விகிதம் அதிகரிக்கும்.

பரிகாரம்: திருமாலையும், மஹாலக்ஷ்மியையும் வழிபடுங்கள்.

சொல்ல வேண்டிய மந்திரம்: ‘ஓம் கைலாசவாசினே நமஹ’ என்ற மந்திரம் நன்மை தரும்

சந்திராஷ்டம தினங்கள்: 11, 12 ஆகிய தேதிகளில் இரவு நேரத்தில் வாகனத்தை சுயமாக இயக்காதீர்கள்.

அதிர்ஷ்ட நாட்கள்: 1, 2, 28..

**M.M.SENTHIL** · **M.M.SENTHIL** Thu May 01, 2014 2:02 pm

மீனம்

நட்புக்காக உதவிகள் பல புரிபவர்களே! வீடு, மனை வாங்க தடை, சுபகாரியம் செய்வதற்கு தடை, நற்செயல்கள் எது செய்வதற்கும் தடை என்று இருந்துவந்த நிலை மாறும். தாயாருடன், தாய்வழி உறவினர்களுடன் இருந்த மனக்கசப்புகள், பிணக்குகள் நீங்கி புதுப்பிக்கப்பட்ட உறவுகள் நீடிக்கும். வேலைவாய்ப்பில் இருந்த சுணக்கம் மாறும். உங்களது வாக்கு வன்மையும் தைரியமும் கூடும். படிப்பில் கவனம் தேவை. மிகவும் எச்சரிக்கையுடன் படித்தால் நல்ல உயர்கல்விக்கான உறுதியான அடித்தளம் அமையும். பிள்ளைகள் வளர்ப்பில் கவனம் தேவை. உடல்நிலையில் நல்ல முன்னேற்றம் ஏற்படும்.

மாத்திரை செலவினங்கள் குறையும். கணவன்-மனைவி கருத்து வேறுபாடுகள் ஏற்பட்டு மறையும், கவனம் தேவை. வீண் வாக்குவாதம் வேண்டாம். நண்பர்கள் மூலம் அனுகூலம் ஏற்படும். தேவையற்ற வீண் விவாதங்களில் ஈடுபட வேண்டாம். யாரைப் பற்றியும் விமர்சனம் செய்ய வேண்டாம். தந்தையார் உடல்நிலையில் முன்னேற்றம் ஏற்படும். தந்தையுடன் கருத்து பரிமாற்றம் செய்யும்போது கவனம் தேவை. வேலை செய்யும் இடங்களில் மிகவும் எச்சரிக்கையுடன் நடந்து கொள்ள வேண்டும். பண விஷயங்களில் தேர்ந்தெடுத்து முதலீடு செய்யவும். தூங்கப் போகும்முன் குலதெய்வத்தை வணங்கி விட்டு படுக்கச் செல்லவும். தேவையற்ற வீண் குழப்பங்கள், கற்பனைகள் வேண்டாம்.

பரிகாரம்: லக்ஷ்மி பூஜை செய்யுங்கள்.

சொல்ல வேண்டிய மந்திரம்: ‘ஓம் ஸ்ரீ லலிதாம்பிகாயை நமஹ’ என்ற மந்திரம் சிறப்புகள் தரும்.

சந்திராஷ்டம தினங்கள்: 13, 14 ஆகிய தேதிகளில் எதற்கும் முன்பணம் கொடுக்க வேண்டாம்.

அதிர்ஷ்ட நாட்கள்: 29, 30, 31..

நன்றி: http://astrology.dinakaran.com/

கிருஷ்ணா · கிருஷ்ணா Thu May 01, 2014 3:20 pm

பதிவுக்கு நன்றி செந்தில் மே மாத ராசி பலன்கள் - பெருங்குளம் ராமகிருஷ்ண ஜோஸ்யர் - Page 2 1571444738

**krishnaamma** · **krishnaamma** Thu May 08, 2014 7:48 pm

பதிவுக்கு நன்றி செந்தில் புன்னகை

ஈகரையன் · ஈகரையன் Thu May 08, 2014 7:57 pm

முதலில் பகிர்வுக்கு நன்றி.

இதை படிக்காமல் இருந்தால் எந்த விதமான எதிர்பார்ப்பும் இருக்காது. படித்த பின்னர் ?

அருமையிருக்கு

இப்பிடியே போட்டு கொழப்பி வுடுங்க செந்தில் அண்ணே! அருமையிருக்கு

**விஸ்வாஜீ** · **விஸ்வாஜீ** Thu May 08, 2014 8:01 pm

நன்றி நண்பரே
நான் இதுவரை ராசி பலன் படித்ததில்லை, உங்கள் மூலமாக
இப்போதுதான் முதல்முறையாக படிக்கிறேன். அனைவருக்கும் நல்ல
செய்தியாக உள்ளது.

**M.M.SENTHIL** · **M.M.SENTHIL** Thu May 08, 2014 10:12 pm

ஈகரையன் wrote:[link="/t109898-topic#1062251"]முதலில் பகிர்வுக்கு நன்றி.

இதை படிக்காமல் இருந்தால் எந்த விதமான எதிர்பார்ப்பும் இருக்காது. படித்த பின்னர் ?

இப்பிடியே போட்டு கொழப்பி வுடுங்க செந்தில் அண்ணே!

குழம்பி நிற்பருக்கு எதுவும் குழப்பமே.

**ஜாஹீதாபானு** · **ஜாஹீதாபானு** Fri May 09, 2014 4:09 pm

நான் ராசிபலன் நம்புவது இல்லை அய்யோ, நான் இல்லை

**krishnaamma** · **krishnaamma** Fri May 09, 2014 6:37 pm

ஈகரையன் wrote:[link="/t109898-topic#1062251"]முதலில் பகிர்வுக்கு நன்றி.

இதை படிக்காமல் இருந்தால் எந்த விதமான எதிர்பார்ப்பும் இருக்காது. படித்த பின்னர் ?

இப்பிடியே போட்டு கொழப்பி வுடுங்க செந்தில் அண்ணே!

சூப்பராக இருந்தால் நமக்குத்தான் என்று எடுத்துக்கொள்ளுங்கள், இல்லாவிட்டால் யாருக்கோ என்று நினைத்து விட்டுவிடுங்கள். இது தான் என் பாலிசி புன்னகை

**T.N.Balasubramanian** · **T.N.Balasubramanian** Fri May 09, 2014 6:48 pm

ஜாஹீதாபானு wrote:[link="/t109898p15-topic#1062451"]நான் ராசிபலன் நம்புவது இல்லை

ராசி பலன்கள் பொத்தம் பொதுவான பலன்களை கூறும் . சிலருக்கு சில சமயம் பொருந்தும் சிலருக்கு பொருந்தாது . பட்டும் படாத அறிவுரைகளே ஆக்ரமிக்கும் .

குஷ்வந்த் சிங் illustrated weekly இல் ஆசிரியராக இருந்த காலத்தே, ஜோசிய பகுதி அளித்து வந்த ஜோசியர் தவிர்க்க முடியா காரணங்களால் ஒரு மாதம் விடுப்பில் இருக்க , சிங் அவர்களே ஜோசியம் எழுதி வந்தார் . நல்ல வரவேற்பு. ரொம்பவும் சரியாக இருப்பதாக புகழ் உரைகள் .
விடுப்பில் இருந்த வந்த ஜோசியருக்கோ ஒரே ஆச்சர்யம் . எப்படி சிங் சமாளித்தார் என வினாவ , சிங் " கஷ்டம் ஒன்றும் இல்லை ,ரெண்டு மாதத்திற்கு முன் நீங்கள் போட்ட பதிவுகளையே சிறிது தேதிகள் மாற்றி ,ராசிகளை மாற்றி பதிவிட்டேன் .பொதுவான அறிவுரைகளை எழுதினேன் . நானும் தலை சிறந்த ஜோசியன் ஆகிவிட்டேன் " என்றார் .

ரமணியன் @ஜாஹீதாபானு

Sponsored content · Sponsored content

மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

Re: மே மாத ராசி பலன்கள் - பெருங்குளம் ராமகிருஷ்ண ஜோஸ்யர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக