கோடை காலத்திற்கேற்ற சமையற் குறிப்புகள்!

**சிவா** · **சிவா** Mon Apr 28, 2014 1:34 am

First topic message reminder :

இளநீர் நுங்கு தேங்காய்ப் பால் சர்பத்

என்னென்ன தேவை?

வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

எப்படிச் செய்வது?

இளநீரை உடைத்து, அதன் வழுக்கை, நுங்கு, வெல்லம், தேங்காய்ப் பால் எல்லாம் சேர்த்து அடிக்கவும். சுவையான இளநீர் சர்பத் ரெடி!

* இதை அருந்துவதால் பருக்கள் வராது. இளமைத் தோற்றத்தோடு முகம் பொலிவு பெறும்.

**சிவா** · **சிவா** Sat May 10, 2014 9:29 am

ப்ரூட்டி வெஜ் சாலட்

தேவையானவை பழக்கலவை - 2 கப், நறுக்கிய கேரட், வெள்ளரிக்காய், குடமிளகாய், கோஸ் - 2 கப், ஒன்றிரண்டாக உடைத்த பாதாம், அக்ரூட் - 2 டேபிள்ஸ்பூன், எலுமிச்சைச் சாறு - 2 டேபிள்ஸ்பூன், சர்க்கரை (அ) தேன் - ஒரு டேபிள்ஸ்பூன், உப்பு - ஒரு சிட்டிகை.

செய்முறை மேலே உள்ள அனைத்தையும் நன்றாகக் கலக்கவும். அதைக் குளிர வைத்து பரிமாறவும்.

**சிவா** · **சிவா** Sat May 10, 2014 9:29 am

சாக்லெட் ஐஸ்கிரீம்

தேவையானவை பால் - ஒரு லிட்டர், ஃப்ரெஷ் கிரீம் - ஒரு கப், சர்க்கரை - அரை கப், ஜி.எம்.எஸ் (கிளிசரின் மோனோ ஸ்டீரியேட்) - ஒரு டீஸ்பூன், ஐஸ்கிரீம் ஸ்டெபிலைசர் - அரை டீஸ்பூன், கோகோ பவுடர் - 3 டீஸ்பூன், ஜெலட்டின் - ஒரு டீஸ்பூன்.

செய்முறை பாலை நன்றாகக் காய்ச்சவும். அதில் அரை கப் பாலை தனியாக எடுத்து ஆற வைக்கவும். மீதியுள்ள பாலில் சர்க்கரை சேர்த்து மீண்டும் காய்ச்சி ஆற வைக்கவும்.

தனியாக ஆறவைத்த பாலில் பாதியை (அதாவது கால் கப்) எடுத்து, அதில் ஜி.எம்-எஸ்ஸை கலக்கவும். இன்னொரு கால் கப் பாலில் கோகோ பவுடரை கலக்கவும்.

ஒரு டீஸ்பூன் சர்க்கரையில் ஐஸ்கிரீம் ஸ்டெபிலைசரை கலக்கவும். ஜெலட்டினை கால் கப் தண்ணீரில் கொதிக்கவிட்டு கரைய விடவும். இப்போது, சர்க்கரை சேர்த்து காய்ச்சி ஆறவைத்துள்ள பாலை எடுத்து, அதில் இந்த இரண்டையும் சேர்க்கவும். கடைசியில் இதனுடன் ஃப்ரெஷ் கிரீமை சேர்க்கவும்.

பிறகு ஒரு பாத்திரத்தில் ஐஸ்கட்டிகளைப் போட்டு அதில் எல்லா பால் கலவைகளையும் ஒன்றாக சேர்த்து ஹேண்ட் மிக்ஸரால் நன்றாக அடிக்கவும். இதை சிறிய கப்களில் நிரப்பி ஃப்ரீசரில் வைத்தால் சாக்லெட் ஐஸ்கிரீம் தயார்!

**சிவா** · **சிவா** Sat May 10, 2014 9:29 am

டொமேட்டோ ஆரஞ்சு கூலர்

தேவையானவை நன்றாக பழுத்த தக்காளி - 2, கமலா ஆரஞ்சு - 2, குளுக்கோஸ் - ஒரு டீஸ்பூன், உப்பு - சிட்டிகை.

செய்முறை தக்காளியை மிக்ஸியில் அரைத்து வடிகட்டிக் கொள்ளவும். ஆரஞ்சுச் சாறை பிழிந்து தக்காளி சாறுடன் சேர்த்து கலக்கவும். அதில் குளுக்கோஸ், உப்பு கலந்து குளிர வைத்து பரிமாறவும்.

குளுக்கோஸ் விரும்பாதவர்கள் சர்க்கரை சேர்த்துக் கொள்ளலாம்.

**சிவா** · **சிவா** Sat May 10, 2014 9:30 am

மேங்கோ ஐஸ்கிரீம்

தேவையானவை பால் - ஒரு லிட்டர், ஃப்ரெஷ் கிரீம் - ஒரு கப், சர்க்கரை - அரை கப், ஜி.எம்.எஸ் - ஒரு டீஸ்பூன், ஐஸ்கிரீம் ஸ்டெபிலைசர் - அரை டீஸ்பூன், ஜெல-ட்டின் - ஒரு டீஸ்பூன், மாம்பழ விழுது - அரை கப், பொடியாக நறுக்கிய மாம்பழ துண்டுகள் - அரை கப், (விருப்பப்பட்டால்) மாம்பழ எசென்ஸ் - 2 டீஸ்பூன்.

செய்முறை பாலை நன்றாகக் காய்ச்சவும். அதில் அரை கப் பாலை மட்டும் தனியாக எடுத்து ஆற வைத்து, அதில் ஜி.எம்.எஸ்-ஐக் கலந்து கொள்ளவும். மீதியுள்ள பாலில் சர்க்கரை சேர்த்து மீண்டும் காய்ச்சி ஆற வைக்கவும்.

ஒரு டீஸ்பூன் சர்க்கரையில் ஐஸ்கிரீம் ஸ்டெபிலைசரை கலக்கவும். ஜெலட்டினை கால் கப் தண்ணீரில் கரைத்து கொதிக்க விடவும். சர்க்கரை சேர்த்து காய்ச்சி ஆறவைத்த பாலுடன் இவை இரண்டையும் கலந்து, கடைசியில் ஃப்ரெஷ் கிரீம், எசென்ஸ் சேர்த்து கலக்கவும்.

ஒரு பாத்திரத்தில் ஐஸ் கட்டிகளைப் போட்டு அதில் பால் கலவை, மாம்பழ விழுதைச் சேர்த்து, ஹேண்ட் மிக்ஸரால் கெட்டியாக அடிக்கவும். அதை சிறிய கப்களில் நிரப்பும்போது மாம்பழ துண்டுகளை சேர்த்து ஃப்ரீசரில் வைத்தால் சுவை நிறைந்த மேங்கோ ஐஸ்கிரீம் தயார்!

**சிவா** · **சிவா** Sat May 10, 2014 9:30 am

குளு குளு பப்பாளி

தேவையானவை நன்கு பழுத்த பப்பாளி பழ துண்டுகள் - ஒரு கப், ஆரஞ்சு - 1, எலுமிச்சைச் சாறு - 2 டேபிள்ஸ்பூன், உப்பு - ஒரு சிட்டிகை, சர்க்கரை - தேவை-யான அளவு, புதினா (அ) துளசி - சிறிதளவு, மிளகுத்தூள் - ஒரு சிட்டிகை.

செய்முறை ஆரஞ்சு பழத்தைப் பிழிந்து ஜூஸ் எடுக்கவும். அதில் எலுமிச்-சைச் சாறு, உப்பு, சர்க்கரை, பப்பாளி பழ துண்டுகள் சேர்த்து மிக்ஸியில் அரைத்துக் கொள்ளவும். மிளகுத்தூள், புதினா தூவி, குளிர வைத்து பரிமாறவும்.

**சிவா** · **சிவா** Sat May 10, 2014 9:30 am

வெஜ் நட்டி சாலட்

தேவையானவை கேரட், வெள்ளரிக்காய், லெட்யூஸ் - தலா 1, முட்டைகோஸ் - 100 கிராம், தக்காளி - 2, வெங்-காயம் - 1, வறுத்த வேர்க்-கடலை - அரை கப், வறுத்த எள்ளு, வினிகர், தேன் - தலா ஒரு டேபிள்ஸ்-பூன், உப்பு - தேவையான அளவு, மிளகுத்தூள் - அரை டீஸ்பூன்.

செய்முறை காய்கறிகளை நீளவாக்கில் மெல்லியதாக நறுக்கிக் கொள்ளவும். வேர்க்-கடலை, எள்ளு தவிர மற்ற எல்லாவற்றையும் ஒன்றாகக் கலக்கவும். பரிமாறும்போது வேர்க்-கடலை மற்றும் எள்ளை சேர்க்கவும்.

**சிவா** · **சிவா** Sat May 10, 2014 9:34 am

தர்பூசணி கேரட் ஜூஸ்

500 கிராம் தர்பூசணி, 150 கிராம் கேரட் துருவியது, தோல் நீக்கித் துருவிய இஞ்சி 10 கிராம் இவற்றுடன் தேன், சர்க்கரை கலந்து குளிர்ந்த நீர் விட்டு, மிக்சியில் அரைத்து வடிகட்டவும். புதினா இலை வைத்து அலங்கரிக்கவும்.

பலன்கள்: தர்பூசணியுடன் கேரட், தேன் சேர்ப்பதால் சுவை அருமையாக இருக்கும். தர்பூசணியில் நார்ச்சத்து குறைவு. கேரட்டில் நார்ச்சத்து, பீட்டா கரோட்டீன் இருக்கிறது. கார்போஹைட்ரேட், நீர்ச்சத்து அதிக அளவு இருக்கிறது. வைட்டமின் சி, எனர்ஜி சிறிதளவு இருக்கின்றன.

பொதுவாகச் சர்க்கரை நோயாளிகள் சாப்பிடவேண்டாம். காலை நேரத்தில் சர்க்கரை அளவு குறைந்தால் மட்டும் 100 மில்லி எடுத்துக் கொள்ளலாம். சிறுநீரக நோய் கட்டுக்குள் இருந்தால் 50 மி.லி. குடிக்கலாம். மற்றபடி எல்லோருக்கும் நல்லது.

**சிவா** · **சிவா** Sat May 10, 2014 9:35 am

கிரேப் ஜூஸ்

200 கிராம் கறுப்பு திராட்சை, தேவையான அளவு சர்க்கரை அல்லது வெல்லம் இவை இரண்டையும் மிக்சியில் அரைத்துத் துணியில் வடிகட்டிக் குளிர்ந்த நீர் விட்டு மீண்டும் அரைத்துப் பருகவும்.

பலன்கள்: குளுகோஸ் அளவு இதில் அதிகம். வைட்டமின் சி, பொட்டாசியம், துத்தநாகம், தாமிரம், மேங்கனீஸ் போன்ற தாது உப்புகள் சிறிதளவு இருக்கின்றன. கார்போஹைட்ரேட் இருப்பதால் நல்ல சக்தி கொடுக்கும். திராட்சை விதையில் மருத்துவக் குணம் அதிகம் இருப்பதால் ஜூஸ் தயாரித்து வடிகட்டாமல் அருந்துவது நல்லது. இதனால் நார்ச்சத்தும் நீர்ச்சத்தும் கிடைக்கும். திராட்சையில் பூச்சி மருந்து தெளித்து வருவதால் நன்றாகக் கழுவிவிட்டு உப்புத் தண்ணீரில் போட்டு எடுத்துப் பயன்படுத்துவது நல்லது.

சிறுநீரக, சர்க்கரை நோயாளிகள் அருந்த வேண்டாம். இதய நோயாளிகளுக்கு நல்லது. ஏதாவது உடல்ரீதியான பிரச்னைகளுக்கு மருந்து மாத்திரை சாப்பிடுபவர்கள், இந்த ஜூஸ் பருகியதும், உடனடியாக மருந்துகளை எடுத்துக் கொள்ளக்கூடாது.

**சிவா** · **சிவா** Sat May 10, 2014 9:35 am

மாம்பழ மில்க்ஷேக்

தோல் நீக்கிய 300 கிராம் மாம்பழத்தை மிக்சியில் அரைத்துக் காய்ச்சிய பால் சேர்த்து வடிகட்டவும். தேவைப்பட்டால் சர்க்கரை, ஐஸ் கட்டிகள் சேர்த்துப் பருகலாம்.

பலன்கள்: இதில் மிக அதிக அளவு பீட்டா கரோட்டீன் இருப்பதால் கண்ணுக்கு மிகவும் நல்லது. மாம்பழத்துடன் பால் சேர்ப்பதால் ஆன்டிஆக்சிடன்ட், வைட்டமின் சி, சர்க்கரை, நார்ச்சத்து, ஓரளவு பொட்டாசியம், சோடியம், தாமிரம் போன்ற தாது உப்புகளும் இருக்கின்றன. இதய நோயாளிகளுக்கு மிகவும் நல்லது. உடல் சோர்ந்து வலுவிழந்து போனவர்கள் அருந்தலாம்.

சிறுநீரக, சர்க்கரை நோயாளிகள் எடுத்துக்கொள்ள வேண்டாம். பொதுவாக அனைவருமே, நாள் ஒன்றுக்கு ஒரு பழம் ஒரு டம்ளர் ஜூஸ் குடிக்கலாம். அதிகமாக எடுத்துக்கொண்டால், உடலில் ஹைப்பர் வைட்டமின் சத்து ஏற்பட்டு சருமம் தடித்துவிடும்.

**சிவா** · **சிவா** Sat May 10, 2014 9:35 am

அன்னாசிப் பழ ஜூஸ்

அன்னாசிப் பழம் ஆறு முதல் எட்டு துண்டுகள் வரை மிக்சியில் அரைத்துத் தேவையான அளவு சர்க்கரை, குளிர்ந்த நீர் சேர்த்து மீண்டும் அரைத்து வடிகட்டிப் பருகவும்.

பலன்கள்: பழத்தின் நடுவில் உள்ள தண்டுப் பகுதி மிகவும் நல்லது. ஜூஸை வடிகட்டாமல் அப்படியே அருந்துவதன் மூலம் நார்ச்சத்து கிடைக்கும். குளுகோஸ், மற்றும் நீர்ச்சத்து அதிகம் இருக்கிறது. ஓரளவு இரும்புச் சத்தும், கால்சியம், பாஸ்பரஸ், பொட்டாசியம் குறைந்த அளவிலும் இருக்கின்றன. இந்த ஜூஸ் குடித்தால் சீக்கிரத்தில் பசி எடுக்காது.

உடல் எடையைக் குறைக்க விரும்புபவர்கள், கர்ப்பிணிகள், வளரும் குழந்தைகள் அருந்தலாம். சிறுநீரகப் பிரச்னைகள் உள்ளவர்கள் ஓரளவு சாப்பிடலாம். சர்க்கரை நோயாளிகள் எடுத்துக் கொள்ளவேண்டாம்.

Sponsored content · Sponsored content

கோடை காலத்திற்கேற்ற சமையற் குறிப்புகள்!

கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக