கோடை காலத்திற்கேற்ற சமையற் குறிப்புகள்!

**சிவா** · **சிவா** Mon 28 Apr 2014 - 3:04

First topic message reminder :

இளநீர் நுங்கு தேங்காய்ப் பால் சர்பத்

என்னென்ன தேவை?

வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

எப்படிச் செய்வது?

இளநீரை உடைத்து, அதன் வழுக்கை, நுங்கு, வெல்லம், தேங்காய்ப் பால் எல்லாம் சேர்த்து அடிக்கவும். சுவையான இளநீர் சர்பத் ரெடி!

* இதை அருந்துவதால் பருக்கள் வராது. இளமைத் தோற்றத்தோடு முகம் பொலிவு பெறும்.

**சிவா** · **சிவா** Sat 10 May 2014 - 10:55

தக்காளி வெள்ளரி ஜூஸ்

தேவையானவை பழுத்த தக்காளி - 2, சிறிய வெள்ளரிக்காய் - 1, செல்லரி கீரை தண்டு - 1 சிறிய துண்டு, புளிக்காத தயிர் - 2 டேபிள்ஸ்பூன், சர்க்கரை - தேவையான அளவு, மிளகுத்தூள் - ஒரு சிட்டிகை, பொடியாக நறுக்கிய புதினா, உப்பு - சிறிதளவு.

செய்முறை தக்காளி, வெள்ளரிக்காய், கீரை தண்டு, தயிர், சர்க்கரை, மிளகுத்தூள், உப்பு எல்லாவற்றையும் ஒன்றாக மிக்ஸியில் அரைக்கவும். இதை வடிகட்டி மேலே புதினா தூவி, குளிர வைத்து பரிமாறவும்.

**சிவா** · **சிவா** Sat 10 May 2014 - 10:55

பூண்டு மோர்

தேவையானவை தயிர் - அரை கப், பெரிய பூண்டு - ஒரு பல், சீரகத்தூள் - அரை டீஸ்பூன், உப்பு - தேவையான அளவு, குளிர்ந்த தண்ணீர் - 2 கப்.

செய்முறை தயிர், பூண்டு, சீரகத்தூள் மற்றும் உப்பை மிக்ஸியில் அடித்துக் கொள்ளவும். அதில் குளிர்ந்த தண்ணீரை சேர்த்து அடித்து வடிகட்டி பரிமாறவும்.

வாசனை தூக்கலாக இருக்கும் இந்தப் பூண்டு மோரை, அரபு நாட்டு மக்கள் தினமும் விரும்பி சாப்பிடுவர்.

**சிவா** · **சிவா** Sat 10 May 2014 - 10:56

கேரட் தர்பூசணி ஜூஸ்

தேவையானவை பொடியாக நறுக்கிய தர்பூசணி - 2 கப், நறுக்கிய கேரட் - அரை கப், எலுமிச்சைச் சாறு - ஒரு டேபிள்ஸ்பூன், தேன் - 2 டீஸ்பூன், உப்பு - ஒரு சிட்டிகை, விருப்பப்பட்டால் மிளகுத்தூள் - ஒரு சிட்டிகை.

செய்முறை எல்லாவற்றையும் ஒன்றாகக் கலந்து மிக்ஸியில் அரைத்துக் கொள்ளவும். பிறகு வடிகட்டி குளிர வைத்து பரிமாறவும்.

**சிவா** · **சிவா** Sat 10 May 2014 - 10:56

இஞ்சி சத்து மோர்

தேவையானவை புழுங்கலரிசி வடித்த கஞ்சி தண்ணீர் - 2 கப், லேசாக புளித்த மோர் - அரை கப், இஞ்சி - ஒரு சிறிய துண்டு, சிறிய பச்சைமிளகாய் - 1, கறிவேப்பிலை - சிறிதளவு, உப்பு - தேவையான அளவு.

செய்முறை தயிருடன் இஞ்சி, பச்சைமிளகாய் கறிவேப்பிலை, உப்பு சேர்த்து அரைத்துக் கொள்ளவும். இதனுடன் வடித்த கஞ்சியை சேர்த்து அரைத்து, வடிகட்டவும். பிறகு குளிர வைத்து பரிமாறவும்.

**சிவா** · **சிவா** Sat 10 May 2014 - 10:56

லெமன் ஜிஞ்சர் கூலர்

தேவையானவை எலுமிச்சைச் சாறு - 2 டேபிள்ஸ்பூன், இஞ்சிச் சாறு - ஒரு டேபிள்ஸ்பூன், சர்க்கரை - ருசிக்கேற்ப, உப்பு - ஒரு சிட்டிகை, புதினா (அ) துளசி இலை - சிறிதளவு.

செய்முறை இஞ்சிச் சாறை 5 (அ) 10 நிமிடம் வைத்து தெளிந்ததும் மேலாக எடுத்துக் கொள்ளவும். இந்தச் சாறுடன், எலுமிச்சைச் சாறு, உப்பு, சர்க்கரை, 2 கப் தண்ணீர் சேர்த்து கலந்து குளிர வைத்து பரிமாறவும்.

**சிவா** · **சிவா** Sat 10 May 2014 - 10:57

ஆரஞ்சு ஸ்குவாஷ்

தேவையானவை கமலா ஆரஞ்சுச் சாறு - ஒரு கப், சர்க்கரை - 2 கப், தண்ணீர் - ஒரு கப், பொட்டாசியம் மெட்டா பை சல்ஃபேட் (கே.எம்.எஸ்) - ஒரு சிட்டிகை, ஆரஞ்சு எசென்ஸ் - ஒரு டீஸ்பூன், ஆரஞ்சு கலர் (அ) கேசரி கலர் - ஒரு சிட்டிகை, சிட்ரிக் ஆசிட் - கால் டீஸ்பூன்.

செய்முறை கொதிக்க வைத்து ஆற வைத்த தண்ணீரில் ஒரு டீஸ்பூன் எடுத்து, அதில் கே.எம்.எஸ் கலந்து தனியே வைக்கவும். சர்க்கரையுடன் ஒரு கப் தண்ணீர், சிட்ரிக் ஆசிட் சேர்த்து அடுப்பில் வைக்கவும். சர்க்கரை நன்கு கரைந்து கொதித்ததும் வடிகட்டி, குளிர வைக்கவும்.

சர்க்கரை தண்ணீர் நன்றாக குளிர்ந்ததும் அதில் ஆரஞ்சுச் சாறு, கலர், கே.எம்.எஸ். கலந்த தண்ணீர் சேர்த்து கலக்கவும். பிறகு அதில் எசென்ஸ் சேர்த்து நன்றாகக் கலக்கவும். அதை நன்றாக சுத்தம் செய்து, காயவைத்த பாட்டிலில் நிரப்பவும்.

கால் பங்கு ஜூஸூக்கு முக்கால் பங்கு தண்ணீர் (அ) சோடா சேர்த்து பரிமாறவும்.

**சிவா** · **சிவா** Sat 10 May 2014 - 10:57

பாதாம் சுக்கு பால்

தேவையானவை நன்றாகக் காய்ச்சி குளிர வைத்த பால் - 2 கப், ஊறவைத்து, தோலுரித்து அரைத்த பாதாம் விழுது - ஒரு டேபிள்ஸ்பூன், பொடியாக நறுக்கிய பாதாம் - ஒரு டீஸ்பூன், சர்க்கரை - தேவைக்கேற்ப, சுக்குப்பொடி - ஒரு சிட்டிகை, குங்குமப்பூ - ஒரு சிட்டிகை.

செய்முறை பாலுடன் பாதாம் விழுது, பொடியாக நறுக்கிய பாதாம், குங்குமப்பூ, சுக்குப்பொடி, சர்க்கரை சேர்த்து நன்றாகக் கலக்கவும். இதை குளிர வைத்து ஜில்லென்று பரிமாறவும்.

**சிவா** · **சிவா** Sat 10 May 2014 - 10:57

வெள்ளரி வெங்காய மோர்

தேவையானவை மோர் - 2 கப், துருவிய வெள்ளரி - அரை கப், சின்ன வெங்காயம் - 2 முதல் 3, உப்பு - தேவையான அளவு, விருப்பப்பட்டால் கறிவேப்பிலை (அ) கொத்தமல்லி - சிறிதளவு.

செய்முறை வெங்காயத்தை தோலுரித்துக் கொள்ளவும். வெள்ளரி, வெங்காயம், உப்பு, கறிவேப்பிலை (அ) கொத்தமல்லியை சேர்த்து மிக்ஸியில் நைஸாக அரைத்துக் கொள்ளவும்.

இதனுடன் மோரை கலந்து ஒரு நிமிடம் மிக்ஸியில் அடித்து வடிகட்டவும். குளிர வைத்துப் பரிமாறவும்.

**சிவா** · **சிவா** Sat 10 May 2014 - 10:58

ஜாய்ஃபுல் சாலட்

தேவையானவை மெல்லியதாக நீளவாக்கில் நறுக்கிய கோஸ், லெட்யூஸ் (முட்டை கோஸ் போல இருக்கும்), கேரட், சிவப்பு, பச்சை மற்றும் மஞ்சள் நிற குடமிளகாய், வெள்ளரிக்காய், விருப்பப்பட்டால் தக்காளி - 2 கப், வினிகர் - 2 டீஸ்பூன், சர்க்கரை - ஒரு டீஸ்பூன், உப்பு - தேவையான அளவு, வெள்ளை மிளகுத்தூள் - அரை டீஸ்பூன்.

செய்முறை நறுக்கிய காய்கறி கலவையுடன் வினிகர், சர்க்கரை, உப்பு, வெள்ளை மிளகுத்தூள் சேர்த்து நன்றாகக் கலக்கவும். பிறகு குளிர வைத்து பரிமாறவும்.

கலர்ஃபுல்லாக இருக்கும் இந்த சாலடை குழந்தைகள் விரும்பி சாப்பிடுவார்கள்.

**சிவா** · **சிவா** Sat 10 May 2014 - 10:58

ஸ்ட்ராபெரி ஐஸ்கிரீம்

தேவையானவை பால் - ஒரு லிட்டர், ஃப்ரெஷ் கிரீம் - ஒரு கப், சர்க்கரை - அரை கப், ஜி.எம்.எஸ் - ஒரு டீஸ்பூன், ஐஸ்கிரீம் ஸ்டெபிலைசர் - அரை டீஸ்பூன், ஜெலட்டின் - ஒரு டீஸ்பூன், பொடியாக நறுக்கிய ஸ்ட்ராபெரி - அரை கப், ஸ்ட்ராபெரி எசென்ஸ் - ஒன்றரை டீஸ்பூன், ரோஸ் கலர் - ஒரு சிட்டிகை.

செய்முறை பாலை நன்றாகக் காய்ச்சி, அதில் அரை கப் பாலை மட்டும் தனியாக எடுத்து ஆற விட்டு, இதில் ஜி.எம்.எஸ்-ஐக் கலக்கவும். மீதியுள்ள பாலில் சர்க்கரை சேர்த்து, மீண்டும் காய்ச்சி ஆற விடவும்.

ஒரு டீஸ்பூன் சர்க்கரையில் ஐஸ்கிரீம் ஸ்டெபிலைசர் கலந்து வைக்கவும். ஜெலட்டினை கால் கப் தண்ணீரில் கொதிக்கவிட்டு கரைய விடவும். சர்க்கரை சேர்த்து காய்ச்சி ஆற வைத்த பாலுடன் இந்த இரண்டையும் கலக்கவும். இதில் ஃப்ரெஷ் கிரீம், எசென்ஸ், கலரை சேர்க்கவும்.

ஒரு பாத்திரத்தில் ஐஸ்கட்டிகளை போட்டு, அதில் எல்லா பால் கலவைகளையும் விட்டு, ஹேண்ட் மிக்ஸரால் கெட்டியாக அடித்துக் கொள்ளவும். இதை சிறிய கப்புகளில் நிரப்பும்போது ஸ்ட்ராபெரி துண்டுகளை சேர்த்து பிறகு ஃப்ரீசரில் வைத்துப் பரிமாறவும்.

Sponsored content · Sponsored content

கோடை காலத்திற்கேற்ற சமையற் குறிப்புகள்!

கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக