கோடை காலத்திற்கேற்ற சமையற் குறிப்புகள்!

**சிவா** · **சிவா** Mon Apr 28, 2014 1:34 am

இளநீர் நுங்கு தேங்காய்ப் பால் சர்பத்

என்னென்ன தேவை?

வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

எப்படிச் செய்வது?

இளநீரை உடைத்து, அதன் வழுக்கை, நுங்கு, வெல்லம், தேங்காய்ப் பால் எல்லாம் சேர்த்து அடிக்கவும். சுவையான இளநீர் சர்பத் ரெடி!

* இதை அருந்துவதால் பருக்கள் வராது. இளமைத் தோற்றத்தோடு முகம் பொலிவு பெறும்.

**சிவா** · **சிவா** Mon Apr 28, 2014 1:36 am

மிக்ஸட் ஃப்ரூட் பன்ச்

தேவையானவை

வாழைப்பழம் - 1/2 கப்,
மாம்பழம் - 1/2 கப்,
பப்பாளிப் பழம் - 1,
மாதுளை முத்துகள் - 1/4 கப்,
ஆப்பிள் - 1/2 கப்,
இளநீர் - 250 மி.லி.,
புதினா - 4 இலை,
சர்க்கரை - 1 டேபிள்ஸ்பூன்.

செய்முறை

மிக்ஸியில் எல்லாப் பழவகைகளையும் புதினா, இளநீருடன் சேர்த்து அரைக்கவும். பிறகு சர்க்கரை சேர்த்து கலக்கிப் பரிமாறவும்.

வைட்டமின் ஏ சத்தும் இளநீரில் உள்ள மினரல்ஸும் ஆரோக்கியத்துக்கு நல்லது

**சிவா** · **சிவா** Mon Apr 28, 2014 1:39 am

மாதுளை தேன் மிக்ஸ்

தேவையானவை

சிவந்த மாதுளை முத்துகள் - ஒரு கப்,
தேன் - 2 டீஸ்பூன்,
எலுமிச்சைச்சாறு - 1 துளி,
ஐஸ்கட்டிகள் - தேவைக்கேற்ப.

செய்முறை

மாதுளையை தண்ணீர் விடாமல் மிக்ஸி யில் அடித்து வடிகட்டி, அதில் ஐஸ் கட்டி, தேன், எலுமிச்சைச்சாறு சேர்த்து ஃபிரெஷ்ஷாக குடிக்கவும்.

* தினமும் குடித்தால் பற்கள் பளபளப்பாகப் பிரகாசிக்கும்.

**சிவா** · **சிவா** Mon Apr 28, 2014 1:41 am

கரிசலாங்கண்ணி சாண்ட்விட்ச்

தேவையானவை

கரிசலாங்கண்ணிக் கீரை - 1 கப்,
பயத்தம் பருப்பு - 25 கிராம்,
வெங்காயம் - 1,
பச்சை மிளகாய் - 2,
நல்லெண்ணெய் - 1 டீஸ்பூன்,
மஞ்சள்தூள், உப்பு - தேவைக்கேற்ப,
சீரகத்தூள் - 1 டீஸ்பூன்,
பிரெட் ஸ்லைஸ் - தேவைக்கு.

செய்முறை

பருப்பை குழையாமல் வேக வைக்கவும். கீரையைப் பொடியாக நறுக்கி ஒரு கடாயில் எண்ணெய் ஊற்றி, வெங்காயம், பச்சை மிளகாய், மஞ்சள் தூள், சீரகத் தூள், உப்பு போட்டு வதக்கவும். வதங்கியவுடன் கீரை சேர்த்து வதக்கி, முடிவில் வேகவைத்த பருப்பைப் போட்டு நன்றாகக் கிளறவும். இந்தக் கீரைக் கலவையை பிரெட் ஸ்லைஸுக்குள் வைத்து. சாண்ட்விட்ச் மேக்கரில் வைத்து சாண்ட்விட்ச் தயாரிக்கவும். தொட்டுக் கொள்ள கொத்தமல்லி சட்னி மற்றும் சாஸ் மிகவும் சுவையானது, சத்தானது!

* கரிசலாங்கண்ணி தலை உஷ்ணத்தை குறைத்து குளிர்ச்சி அடையச் செய்கிறது. எல்லோரும் சாப்பிடக் கூடியது.

**சிவா** · **சிவா** Mon Apr 28, 2014 1:42 am

கற்றாழை நீர் மோர்

தேவையானவை

கெட்டியான மோர் - 250 மி.லி.,
கற்றாழை - 1/4 கப், புதினா,
மல்லி, கறிவேப்பிலை - தலா 8 இலை,
உப்பு - தேவைக்கேற்ப,
பச்சை மிளகாய் - சிறிய துண்டு.

செய்முறை

கற்றாழை இலையை உரித்து உள்ளே உள்ள வெள்ளைச் சதையை 1/4 கப் எடுக்க வேண்டும். அத்துடன் புதினா, மல்லி, கறிவேப்பிலை, பச்சை மிளகாய், உப்பு, மோர் எல்லாவற்றையும் ஒன்றாகச் சேர்த்து மிக்ஸியில் அரைக்கவும். டம்ளரில் ஊற்றிப் பரிமாறவும். ,முடி நன்றாக வளரும். நோய் எதிர்ப்புச் சக்தி கூடும்.

**சிவா** · **சிவா** Mon Apr 28, 2014 1:44 am

கற்றாழை - மோர் மிக்ஸ்

தேவையானவை

கற்றாழை - இரண்டு,
பட்டை - சிறிய துண்டு,
ஐஸ்கட்டிகள் - தேவைக்கேற்ப,
மோர் - 2 கப்,
உப்பு - தேவைக்கேற்ப.

செய்முறை

கற்றாழையின் சதைப் பகுதியை எடுத்து, அதனுடன் மோர், உப்பு, ஐஸ் சேர்த்து மிக்ஸியில் அடிக்கவும். சுவையான கற்றாழை மோர் மிக்ஸ் ரெடி.

* கற்றாழைக்கு ‘குமரி’ என்ற பெயர் உண்டு. தொடர்ந்து அருந்தி வந்தால், பெயருக்கு ஏற்ப என்றும் குமரியாக, இளமைத் தோற்றத்துடன் முகம் பொலிவோடு இருக்கும்.

**சிவா** · **சிவா** Mon Apr 28, 2014 1:45 am

கொய்யா ஸ்பிரிட்ஸர்

தேவையானவை

கொய்யா - 2,
இஞ்சி - அரை அங்குலத் துண்டு,
எலுமிச்சைச்சாறு - 2 டீஸ்பூன்,
சர்க்கரை - தேவைக்கேற்ப,
சோடா - தேவைக்கேற்ப.

செய்முறை

கொய்யாவைக் கழுவி வெட்டவும். இஞ்சியைத் தோல் நீக்கிப் பொடியாக நறுக்கவும். கொய்யாப் பழத்துடன், இஞ்சி சேர்த்து சிறிது தண்ணீர் விட்டு அரைக்கவும். அதை வடிகட்டி, விதை களை நீக்கவும். அதில் சர்க்கரையும் எலுமிச்சைச்சாறும் சேர்த்துக் கலக்கவும். ஒரு கண்ணாடி பாட்டிலை நன்கு கழுவி, வெயிலில் காய வைத்து அதில் இந்த கொய்யா சிரப்பை நிரப்பி வைக்கவும். ஒரு டம்ளரில் பாதி அளவு கொய்யா சிரப் எடுத்து, மீதியை குளிர்ந்த சோடாவால் நிரப்பவும். நன்கு கலந்து, உடனடியாகப் பரிமாறவும். இந்த கொய்யா சிரப்பை ஃப்ரிட்ஜில் 1 வாரம் வரை வைத்து உபயோகிக்கலாம்.

**மாணிக்கம் நடேசன்** · 14/12/2009

வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

இப்படித்தான் முதல் வார்த்தையா போடுரதா மாமா அங்கள்? என்னதான் என் மேல கோபம் இருந்தாலும் அதுக்கு எனக்கு நாலு அரை விட்டுருங்க, இப்படி எல்லாம் என்ன தலையைப் பத்தி எழுதப் படாது.

**சிவா** · **சிவா** Mon Apr 28, 2014 5:45 pm

மாணிக்கம் நடேசன் wrote:[link="/t109781-topic#1060408"]வழுக்கையாக உள்ள இளநீர் - 1,
இளம் நுங்கு - 1/2 கப்,
தேங்காய்ப் பால் - அரை கப்,
பொடித்த வெல்லம் - அரை கப்,
ஐஸ்கட்டிகள் - தேவைக்கேற்ப.

இப்படித்தான் முதல் வார்த்தையா போடுரதா மாமா அங்கள்? என்னதான் என் மேல கோபம் இருந்தாலும் அதுக்கு எனக்கு நாலு அரை விட்டுருங்க, இப்படி எல்லாம் என்ன தலையைப் பத்தி எழுதப் படாது.

முடியல!

subasu · subasu Mon Apr 28, 2014 8:45 pm

பகிர்வுக்கு நன்றி அண்ணா

Sponsored content · Sponsored content

கோடை காலத்திற்கேற்ற சமையற் குறிப்புகள்!

கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

Re: கோடை காலத்திற்கேற்ற சமையற் குறிப்புகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக