விஐபி வேட்பாளர்கள் வெற்றி எப்படி?

**சிவா** · **சிவா** Thu Apr 24, 2014 12:01 am

First topic message reminder :

16-வது மக்களவைத் தேர்தலில் தமிழகம் நாளைய தினம் தனது ஜனநாயக கடமையை ஆற்ற இருக்கிறது. இந்த நிலையில் தமிழகத்தில் போட்டியிடும் ஸ்டார் வேட்பாளர்களின் கள நிலவரத்தைத் தெரிந்துகொள்வோம்:

பொன்.ராதாகிருஷ்ணன்:

கன்னியாகுமரி தொகுதியில் இவருக்கும் காங்கிரஸ் வேட் பாளர் வசந்தகுமாருக்கும் பலமான போட்டி. பொன்.ராதாகிருஷ்ணன் வெற்றி பெற்றால் மத்திய அமைச்சர் எனப் பிரகடனம் செய்யப் படுவதாலும், மோடி அலை வீசுவதாலும் நம்பிக்கையுடன் முன்னணியில் நிற்கிறார் பொன்னார்.

**சிவா** · **சிவா** Thu Apr 24, 2014 12:06 am

பாரிவேந்தர்:

பெரம்பலூரில் சுமார் 80 ஆயிரம் பார்க்கவ குல ஓட்டுகள், தேமுதிக ஓட்டுகள், மோடி அலை இவைகளை நம்பி களத்தில் நிற்கிறார். திமுக வேட் பாளர் சீமானூர் பிரபுவும் அதிமுக வேட் பாளர் மருதைராஜாவும் முத்து ராஜா இனத் தவர்களாக இருப்பதால் அந்த வாக்குகள் இரண்டாக பிரிகின்றன. இதுவும் ஐஜேகே தரப்பின் தாராள பணப் புழக்கமும் வேந்தருக்கு சாதகமாக அமையலாம்.

**சிவா** · **சிவா** Thu Apr 24, 2014 12:06 am

சி.பி.ராதாகிருஷ்ணன்:

மின்வெட்டு பிரச்சினை அதிமுக; திமுக கட்சிகள் மீது கடும் அதிருப்தியை உண்டாக்கி இருக்கின்றன. கோவை வாக்காளர்களிடம் தலைக் காட்டும் பாஜக பற்றுதலும் ராதாகிருஷ்ணனுக்கு சாதகமாக இருந்தாலும் அவரை மிக அருகில் நெருங்கிக் கொண்டிருக்கிறார் அதிமுக வேட்பாளர் ஏ.பி.நாகராஜன். இந்த அலையில், இங்கு போட்டியிடும் இன்னொரு வி.ஐ.பி-யான காங்கிரஸ் கட்சியின் முன்னாள் மத்திய அமைச்சர் பிரபு மூச்சுத் திணறிக் கொண்டிருக்கிறார்.

**சிவா** · **சிவா** Thu Apr 24, 2014 12:07 am

ஈஸ்வரன்

பொள்ளாச்சி தொகுதியில் கொமதேக பொதுச் செயலாளர் ஈஸ்வரன், திமுக வேட்பாளர் பொங்கலூர் பழனிச்சாமி, அதிமுக வேட்பாளர் மகேந்திரன் மூவருக்கும் இடையில் சரிநிகர் போட்டி. மூவருமே கவுண் டர்கள் என்றாலும் ஈஸ்வரன் சாதி கட்சி வேட்பாளராக தெரிவதால் கவுண்டர்களின் ஆதரவு இவருக்கு கூடுதலாகவே உள்ளது. தேமுதிக; மதிமுக; பாஜக அலை இதெல் லாம் முழுமையாக கைகொடுத்தால் மட்டுமே ஈஸ்வரன் வாகைசூடமுடியும். இல்லா விட்டால் அந்த வாய்ப்பை அதிமுக தட்டிச் சென்றுவிடலாம்.

**சிவா** · **சிவா** Thu Apr 24, 2014 12:08 am

திருநாவுக்கரசர்:

இவர் எம்.ஜி.ஆர்.அதிமுக என்ற கட்சியை நடத்திய போது இங்கே கணிசமான ஆதரவாளர்கள் இருந்தார்கள். அவர்களும் அதிமுக-வும் திமுக-வும் முஸ்லிம் வேட்பாளர்களை நிறுத்தி இருப்பதால் அந்தக் கட்சிகளில் உள்ள முக்குலத்தோரும் தன்னை ஆதரிக்கலாம் என நினைக்கிறார் அரசர். ஆனால், இவருக்கு விழும் ஓட்டுகள் அனைத்துமே அதிமுக- ‑வுக்கு வேட்டு வைப்பதால் திமுக வேட்பாளர் ஜலீல் ராமநாதபுரத்தில் தன்னெழுச்சியாக வெற்றிப் படிக்கட்டுகளை தொடும் சூழல் நிலவுகிறது.

**சிவா** · **சிவா** Thu Apr 24, 2014 12:08 am

டாக்டர் கிருஷ்ணசாமி:

தென்காசி தொகுதியில் இவருக்கும் மதிமுக வேட்பாளர் சதன் திருமலைக்குமாருக்கும்தான் போட்டி. ஏற்கெனவே இங்கு தனித்து நின்றே லட்சம் வாக்குகளுக்கு மேல் பெற்றுள்ள கிருஷ்ணசாமி, அந்த வாக்கு வங்கியையும் திமுக-வின் கூட்டணி பலத்தையும் நம்புகிறார். தொகுதியில் உள்ள சிறுபான்மையினர் ஓட்டுகளில் பெரும்பகுதி இவருக்கு சாதகமாக விழலாம் என்று கணிக்கப்படுகிறது. அப்படி நடந்தால் சதன் திருமலைக்குமாருக்கு சிக்கல்தான்

கோ. செந்தில்குமார் · 03/04/2014

எது எப்படி இருந்தாலும் 16-5-2014 அன்று இவர்களின் சாயம் வெளுக்க போகிறது என்பது தான் உண்மை...! சிரி

**ரா.ரா3275** · **ரா.ரா3275** Thu Apr 24, 2014 2:38 pm

வைகோ வெல்வது உறுதி.அவரின் சிம்மக்குரல் பாராளுமன்றத்தின் சுவர்களில் பட்டுத் தெறித்து பாரதம் முழுக்க ஒலிப்பதும் உறுதி.

**சிவா** · **சிவா** Thu Apr 24, 2014 3:24 pm

ரா.ரா3275 wrote:[link="/t109657p15-topic#1059687"]வைகோ வெல்வது உறுதி.அவரின் சிம்மக்குரல் பாராளுமன்றத்தின் சுவர்களில் பட்டுத் தெறித்து பாரதம் முழுக்க ஒலிப்பதும் உறுதி.

இதுவே எமது ஆசையும்! சூப்பருங்க

கோ. செந்தில்குமார் · 03/04/2014

தேர்தல் நேர்மையாக நடந்தால் திரு. வைகோ அவர்கள் வெல்வது உறுதி...!

பாலாஜி · பாலாஜி Fri Apr 25, 2014 4:00 pm

தகவலுக்கு நன்றி

Sponsored content · Sponsored content

விஐபி வேட்பாளர்கள் வெற்றி எப்படி?

விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

Re: விஐபி வேட்பாளர்கள் வெற்றி எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக